Jone 2:16 - Enga Niu Tesamene

¹⁶ Dopa petala yaka maiyolee salimi leami dupa lamaiyoo, “Nyakamame nambanya Takangenya anda dake maketa anda jala naenya, dokaita nyoo pupa” lea.

Jone 2:16 Referans Kwoze

Matyu 21:13

Dopa petala baame dokaita lamaiyoo, “ ‘Nambanya anda doko loma singi anda latamina’ lao pepa pyapae silyamo. Dopaka doko, nyakamame nambanya anda doko pake nenge dupanya yalo pingi panda jetelyaminona” lea.

Make 11:17

Dopa latala baame dokaita mana lamaiyoo, “ ‘Nambanya anda doko akali tata dupa pitakanya loma singi anda latamina’ lao pepa pyapae nasilyape? Dopaka doko, nyakamame nambanya anda doko pake nenge dupanya yalo pingi panda jetelyaminona” lea.

Luku 2:49

Dokopa Jisasame dolapo lamaiyoo, “Aipuma nyakambame namba kutao paeyambi? Nambanya Takangenya anda dakenya namba katapengena lao masala naeyambipi?” lea.

2 Pita 2:3

Sambo pii mana lengema dupame muni putiti kaeyao sambo lao nyakama minakasetala, nyakama-kisa seta dupa nyetami. Dopaka doko, dupa-kisa tenge setapala tanda maitona lao wamba-waka pii lanya setea doko mee mende daa. Goteme dokaita koeyasotona lao pii lanya setea doko luu palya naeyata.

Jone 5:17

Dopa piaminopa Jisasame dupa lamaiyoo, “Nambanya Takange dokome indupapi kalai pyoaka kalyamo dokonya, nambame apata kalai pyoaka kalyona” lea.

Jone 20:17

Dokopa Jisasame baa lamaiyoo, “Nambanya Takange doko katenge ulunya patala naelyona, embame namba minatae sala naenya, emba pupala nambanya kaiminingi dupa lamaiyoo, ‘Nambanya Takange doko, nyakamanya Takangeaka, nambanya Gote doko, nyakamanya Goteaka doko katenge ulunya pelyo’ lelyamona lao lamaiyakala puu” lea.

Jone 10:29

Nambanya Takange, sipisipi dupa namba dia dokome dupa pitaka ita miningi. Sipisipi namba ditae dupa nambanya Takangenya kinginya mendeme kapa pao nyokonyala naeyataka.

Jone 8:49

Dopa leaminopa Jisasame yanu pyao, “Namba-kisa imambu koo mende napalelyamo. Nambanya Takange doko anda-anda semaiyoo katapupa, nyakamame namba anda-anda singyala naelyamino.

Matyu 21:12

Gotenya lotuu anda nee nyetae kamapu dokonya Jisasa pyakamatala, maketa setao kateamipi, sambao kateamipi, dupa pitaka watao pia. Dopa petala, muni aloo pingima dupanya tokopi, yaka maiyolee maketa setao petengema dupanya tokopi, dupa minatala kapilyia.

Matyu 22:5

Dokopa kalai akali dupame dopa lamaiyamiaka doko, endakali nee napenge latae dupame pii nepatala, dokaitanya masiamili pyoo, mende baanya eenya pea, mende baanya bisinisa pyaa pea.

Jone 2:15

Dopa piaminosa, Jisasame kende mendapu nyoo kambu pyatala, kende konja mende wasia. Wasepala kende konja dokome sipisipipi, kaowapi dupa pitaka konja palyoo nepatala, lotuu anda nee nyetae dokonya kamaka pena lao watao pia. Dopa petala, muni aloo pingima dupanya muni konde dupa kai lao nepatala, toko dupa nyoo kapilyia.