Jone 18:11 - Enga Niu Tesamene

¹¹ Dokopa Jisasame Pita lamaiyoo, “Nambanya Takangeme kenda paleta kapo mende namba dia doko nambame nala naeyapengepe? Embanya konjuwa doko palenge andanda dokonya mandi” lea.

Jone 18:11 Referans Kwoze

Matyu 26:39

Dopa latala baa kuki umbisale pao, yuunya tombauli sepala loma soo pituu, “Apane, kapo kenda paleta mende nalapo dake embame nyoo nepakapenge jia-kandeno doko, nyoo nepakape. Dopaka doko, nambame masilyo dokonya-kaita napipi. Embame masilyino dokonya-kaita pipi” lea.

Matyu 20:22

Dopa leamopa Jisasame yanu pyao, “Nyakamame tee lelyamino doko masala naeyao tee lelyamino. Nambame kapo kenda paleta mendenya nalapo dokonya nyakambame kapa pao natambipi, pande nambame kaimbu kenda paleta mende nyalapo doko nyakambame kapa pao nyetambipi?” lea. Dopa leamopa dolapome baa lamaiyoo, “Nalimbame kapa pao dopa pitambana” leambi.

Jone 20:17

Dokopa Jisasame baa lamaiyoo, “Nambanya Takange doko katenge ulunya patala naelyona, embame namba minatae sala naenya, emba pupala nambanya kaiminingi dupa lamaiyoo, ‘Nambanya Takange doko, nyakamanya Takangeaka, nambanya Gote doko, nyakamanya Goteaka doko katenge ulunya pelyo’ lelyamona lao lamaiyakala puu” lea.

Jone 15:10

Nambanya Takangenya mana setapae dupa wata-minao, baanya auu kaenge dokonya namba katenge. Dopa pingina, nyakamame nambanya mana setapae dupa wata-minao katatamino doko, nyakama nambanya auu kaenge dokonya katatami.

Ibru 12:2

Naimanya Jisasa tungi pingi doko Jisasame tee pyatala, etao baa tungi pyalapale lao nisoo kalyamo. Baa auu kaeyapae mende tanga nyotona latala, elya kaengepi, tanda andake nyingipi, dupa angi mende daana lao masia. Dopa lao masetala, poko ita dokonya tanda nao, yukutae katao baa maka nakaeya. Indupa baa Gote petenge toko dokonya kingi tolaetena pilyamona, naimame baa iki kandatae katamana.

2 Korina 10:4

Naimame yanda pyaanya yanda yandatepi miningi dupa isa yuu dakenya-tae daa. Yanda yandatepi dupanya Gotenya kalai pyakamaipenge kyeto doko palenge. Kyeto dokome yandapipi dupanya lome kyeto dupa kaluingi.

Luku 22:42

Loma soo pituu, “Apane, kapo kenda paleta mende nalapo dake embame nyoo nepakatoo lao masii-kandeno doko, nyoo nepakape. Dopaka doko, nambame masilyo dokonya-kaita napipi. Embame masilyino dokonya-kaita pipi” lea.

Matyu 26:42

Dopa latala Jisasa paa lapo pyoo loma sala pea. Loma soo pituu, “Apane, kapo kenda paleta dake nambame kaeyala naeyao napenge-tamo doko, embame masilyino dokonya-kaita pina kaeyape” lea.

2 Korina 6:7

kiningi pii doko lamaingipi, Gotenya kyeto dokome kalai pingipi, mana tolatae doko kingi tolaetename yandate minili, kingi koeyatename konambi minili pingipi, dutupa.

Jone 18:36

Dopa leamopa Jisasame yanu pyao, “Nambanya kingdom doko isa yuu dakenya-tae daa. Nambanya kingdom doko isa yuu dakenya-tae-pyali doko, Juu dupanya kinginya namba namaina lao, nambanya kalai akali dupame yanda pimili. Dopaka doko, nambanya kingdom doko isa yuu dakenya-tae daana” lea.

Jone 17:24

Apane, yuupa kaitipa dolapo nasiamopa embame namba auu kaeyapala tii pipae diino doko endakali namba ditae dupame kandena, namba katato dokonya dokaita apata katatamana lao masilyo.

Luku 12:30

Isa yuu dakenya akali tata waka dupame dopale dupa kutingima. Dopaka doko, nyakamanya Takange dokome nyakama daa jilyamo dupa kandenge.