Jone 17:9 - Enga Niu Tesamene

⁹ Nambame loma silyo dake, isa yuu dakenya endakali dupanya loma sakamaiya naelyo. Embame endakali namba diino dupa embanyana lao masetala, nambame dupanya loma sakamailyo.

Jone 17:9 Referans Kwoze

Ibru 9:24

Kaiti-kisa singi angi dupanya makande pyoo kingimi petae, panda nee nyetae dolaponya Kraisa baa kolandala naeya. Baa kaiti-kisa pupala, naimanya kambu alo pyoo, indupa baa Gotenya enomba dokonya kalyamo.

Jone 17:6

“Embanya kenge andake doko nambame lao panao, isa yuu dakenya-tae endakali namba diino dupa lamaitio. Endakali embanya dokaita embame namba dii. Endakali dokaitame embanya pii doko wata-minao kalyamino.

Jone 17:20

“Nambame endakali dokaitanya iki loma sakamaiya naelyo. Endakali dokaitame pii lamaitami dupa sepala namba tungi pyatami endakali dupanya apata nambame loma sakamailyo.

Luku 22:32

Embame namba tungi pingi doko yakinala naeyatale lao nambame embanya kyeto joo loma sekeo. Dopa pyekeona, emba mona kapilyete gii dokopa, embanya Kristene kaiminingi dupa kyeto jisepe” lea.

1 Jone 5:19

Isa yuu dake pitaka koo akali dokonya pundipundi simupa, naima Gotenya mandipae dupa kalyamanona lao masilyamano.

Jone 14:16

Dokopa nambame Takange doko-kisa tee lakatopa, baame nyakama Nisepenge mende nyakama-pipa kataowaka katataminopa lao dita.

Revelesene 20:15

Lete katapenge endakali dupanya kenge pyapae singi buku dokonya kenge nasia endakali dupa itate andake tao katenge dokonya soo pyandeaka.

Revelesene 13:8

Yuupa kaitipa dolapo tee pia dokonya pituu, indupa tuu lao, endakali lete katapenge dupanya kenge pepa pyapae singi, Sipisipi Ŋaŋa pyao kumasetae dokonya buku dokonya kenge nasingi endakali isa yuu dakenya palelyamino dupa pitakame yana kapu doko mambo pyatami.

Ibru 7:25

Tenge dokonya, Jisasa tungi pingi dokonya-kaita Gote kalyamo dokonya tengesa pelyamino endakali dupa, Goteme nisina lao Jisasame loma sakamaiyoo, baa kataowaka katenge. Dopa pingi dokonyana, baame endakali dupa etao pyoo nyingi.

Revelesene 12:9

Kanopato andake dokopi, baanya enjelepi, dupa watao isa pyandeami. Kanopato doko baa wambatae-waka dokome isa yuu dakenya endakali dupa pitaka minakasingi. Baanya kenge doko koo akali lata, Satane lata pingima.

Luku 8:34

Mena setao kateami dupame piamo doko kandatala, siti dokonyapi, yuu yakanepi, dupanya paka pupala, piamo dupa pitaka endakali dupa lamaiyami.

Luku 23:34

Pyao yukuiyaminopa Jisasame lao pituu, “Apane, dakaitame masala naeyao pilyaminona, dupanya koo dupa kame sakamaipi” lea. Dokopa amii dupame baanya yonge pee dupa mokosoo nyemana latala laki piami.

Jone 6:37

Dopaka doko, nambanya Takange dokome namba dita endakali dupa pitaka namba katato dokonya ipatami. Namba katato dokonya ipatami dupa nambame tanga-tangapi kamaka watao pyasala naeyato.

Jone 6:39

Nambanya Takange, namba puu lea dokonya masingili pyoo pipenge doko dake: Yuu etatamo gii dokopa, endakali namba ditae dupanya mendaipi mende alu napina lao, dupa pitaka nambame malunya sakatasepenge doko.