Jone 17:8 - Enga Niu Tesamene

⁸ Embame pii lamaipi lao namba langiino dupa nambame dokaita lamaitio. Pii lamaiyo dupa dokaitame soo nyepala, kiningi embame namba puu lea-lamo lao masilyamino.

Jone 17:8 Referans Kwoze

Jone 17:14

Endakali namba ditae dupa embanya pii doko lamaitio. Namba isa yuu dakenya-tae daa. Endakali namba ditae dupa isa yuu dakenya-tae daaka. Tenge dokonya, isa yuu dakenya endakali dupame dokaita imbu kaelyamino.

Jone 15:15

Akali andake mendeme kalai pilya dupa baanya kalai akali dokome kanja naenge. Dopaka doko, nambanya Takangeme namba pii langiamopa sio dupa pitaka panao nyakama langitio. Dopa pio dokonya, indupa nyakama nambanya kalai akali kalyaminona nalelyo. Nyakama nambanya kaita miningi kalyaminona lelyo.

Jone 16:30

Embame dupa pitaka kandenge dokonya, endakali mendeme emba tipa pyaa naelyamopa, embame wambao baanya tipa pipenge dupa kandenge. Tenge dokonya, kiningi emba Gote-kisa katao epea-lamo lao indupa naimame masilyamanona” leami.

Jone 16:27

Namba Gote-kisa katao epea-lamo lao nyakamame masetala auu kaelyamino dokonya, Takange dokome nyakama auwaka kaelyamo.

1 Tesalonaika 2:13

Gotenya pii lapae nyakama langiamano doko nyakamame sepala, endakalinya pii mende daana, Gotenya pii angina latala soo nyiami. Tenge dokonya, naimame yakinala naeyao Gote yaka pilyino lenge. Pii doko, kiningi Gotenya pii dokonyana, pii dokome nyakama Jisasa tungi pingi dupa-kisa kalai pingi.

1 Jone 4:14

Takange dokome Ikiningi doko isa yuu dakenya endakali dupa pyoo nyala epena leana lao naimame kandatala, endakali dupa pitaka lamailyamano.

Jone 17:21

Dokaita mendai jetae katena lao loma sakamailyo. Apane, emba nambanya mona andaka kalyenopa, namba embanya mona andaka katenge dopaka pyoo, dokaita nalimba-pipa mendai jetae katena lao loma sakamailyo. Embame namba puu leenopa epea-lamo lao isa yuu dakenya endakali dupame masina lao dopa lao loma silyo.

Jone 8:42

Dokopa Jisasame dokaita lamaiyoo, “Namba Gote-kisa katao ipupala yuu dakenya kalyo. Namba tangeme masoo naepeo. Baame namba puu leamopa epeo. Gote nyakamanya Takange-pyali doko, nyakamame namba auu kaeyamili.

Jone 14:10

Takange doko nambanya mona andaka kalyamopa, namba Takange dokonya mona andaka katenge doko kiningina lao embame masala naelyepe? Nambame nyakama pii langilyo dupa, namba tangeme masoo langya naelyo. Nambanya mona andaka katenge Takange dokome baanya kalai dupa pilyamo.

Jone 12:49

Nambame pii lelyo dupa nambame masoo laa naelyo. Nambame pii lelyo dupa dopa pyoo lape lao namba puu lea Takange dokome leali pyoo nambame lelyo.

Jone 6:68

Dokopa Saimone Pitame baanya pii yanu pyakamaiyoo, “Kamongo, lete etete katasingi pii dupa emba-kisa silyamo doko, naima api-kisa mona?

1 Tesalonaika 4:1

Kaimii paluma, naimame pii dakeme etao lelyamano: Nyakamame mana epe minapengepi, Goteme auu kaenge dupa pipengepi, dupa naima-kisa mana nyiaminoli pyoo, Kamongo Jisasanya kenge dokonya indupa nyakamame mana dupa etete longo lao minao kalyepale lao, naimame kyeto joo lelyamano.

1 Korina 15:1

Kaimii paluma, nambame wai pii epe doko langiopa nyakamame soo nyepala dokonya kalyamino doko, indupa nyakamame deaka masalapale lao langitoo.

Jone 17:23

Dokaita etete mendai jetae katena lao, emba nambanya mona andaka katengeli pyoo namba dokaitanya mona andaka kata laale lao loma silyo. Embame namba auu kaengeli pyoo, endakali namba ditae dokaita embame auu kaenge-lamo lao, isa yuu dakenya endakali dupame kandatala, namba embame puu leenopa epea-lamo lao dokaitame masina lao loma silyo.

Jone 17:18

Embame namba isa yuu dakenya endakali dupanya kainanya puu leeno dopaka pyoo, nambame dokaita isa yuu dakenya endakali dupanya kainanya pena lateo.

Matyu 13:11

Dokopa baame dokaitanya pii yanu pyakamaiyoo, “Kingdom kaiti-kisa singi dokonya pii tenge yalo petae dupa masalapale lao nyakama ditilyamo. Dopaka doko, endakali waka dupame masina lao namaiya.

1 Korina 11:23

Nambame Kamongo-kisa pii nyepala nyakama dio datupaka nyakama langyanya pilyo: Yandapipi dupanya kinginya Kamongo Jisasa maiyamo kuka gii dokopa, baame breta mende nyepala,

Jone 3:33

Dopaka doko, akali dokonya pii doko soo nyilya endakali dokome, Goteme kiningi pii lengena lao kyeto joo masingi.

Jone 3:17

Isa yuu dakenya endakali dupa-kisa tenge setapala tanda maitamopa lao, Goteme baanya Ikiningi doko isa yuu dakenya epena laa naeya. Baanya Ikiningi dokome isa yuu dakenya endakali dupa pyoo nyina lao epena lea.

Jone 17:3

Emba Gote kiningi mendai iki dokopa, embame epena leeno Jisasa Kraisa dokopa, dolapo masingi doko lete etete katenge dopale.

Revelesene 1:1

Dopale yapa pipenge dupa Jisasa Kraisame Gotenya kalai akali dupa-kisa panasina lao, Goteme Jisasa pii lamaiya dupa buku dakenya pepa pyapae silyamo. Yapa pipenge dupa Gotenya kalai akali dupame kandena lao, baanya kalai akali Jone katea dokonya Goteme baanya enjele mende pena lea.