Jone 16:8 - Enga Niu Tesamene

^8-9 Yuunya endakali dupame namba tungi napilyamino dokonya, mana koopi, mana tolataepi, Goteme endakali dupa yapapengepi, dupa dopalena lao lelyamino doko kopeta lelyaminona lao Spirita doko ipupala lao panata.

Jone 16:8 Referans Kwoze

Aposole 2:37

Pitame pii lea doko siaminopa, pii dokome endakali dupanya monanya pyao miniamosa, dokaitame Pitapi, aposole yangipi dupa lamaiyoo, “Kaimii paluma, naima aipa pimape?” leami.

1 Korina 14:24

Dopaka doko, Gote tungi napingipi, pii dopale nasingipi mende ipao kolandatala setamopa, propesi pii latamino doko, endakali dokome koo pingina lao nyakama pitakanya pii latami dupame panatamopa, pii dupa pitakame baa yapata.

Jone 8:9

Dokopa Jisasanya pii dutupa sepala, dokaitanya moname nyakama koelyaminona leamosa, endakali angili dupa mendai-mendai lao wambao peaminopa, kole dupa watao peami. Pao etapeaminopa, enda doko iki Jisasa petea dosa katea.

Jone 8:46

Nambame koo mende pipina lao nyakamanya mendeme lao tata latepe? Nambame kiningi pii lenge-tamo doko, aipuma kiningi lelyenona lao nyakamame masala naelyami?

Jone 16:7

Dopaka doko, nambame nyakama kiningi langilyo: Nambame nyakama yakinatala pelyo dokome nyakama nisepae nyalapale lao pelyo. Namba napupuli doko, nisepenge Spirita doko nyakama-kisa naipupyali. Dopaka doko, namba pupala, nisepenge Spirita doko epena lato.