Jone 16:7 - Enga Niu Tesamene

⁷ Dopaka doko, nambame nyakama kiningi langilyo: Nambame nyakama yakinatala pelyo dokome nyakama nisepae nyalapale lao pelyo. Namba napupuli doko, nisepenge Spirita doko nyakama-kisa naipupyali. Dopaka doko, namba pupala, nisepenge Spirita doko epena lato.

Jone 16:7 Referans Kwoze

Jone 14:26

Dopaka doko, nyakama Nisepenge Oli Spirita doko Takange dokome nambanya kengenya epena lata. Oli Spiritame dupa pitaka nyakama mana langyoo, pii langilyo dupa pitaka masalapale lao nyakamanya masingi tii pisakata.

Jone 15:26

“Nyakama nisepenge, kiningi pii lenge, Takange-kisa katao pyakalyingi Spirita doko, Takange-kisa katao epena latopa ipupala, namba akali dokona lao, lao panata.

Roma 8:28

Gote auu kaelyami endakali dupame kalai pilyami dupa pitaka pyasoo pyoo, auu pyoo katena lao Goteme dupa nisingina lao naimame masilyamano. Goteme pitona lao masilyamoli pyoo, baanya wii lao nyepae endakali dupa nisingi.

Aposole 2:33

Goteme baanya kingi tolaetena katena lao Jisasa baa kaiti-kisa lanyoo pea. Dopa petala Takange Goteme Oli Spirita maitona lea doko Jisasame nyepala kai lamupa, indupa nyakamame kandaowaka, soaka pilyamino dake.

Jone 7:39

Baa tungi pyatami endakali dupa Spirita doko nyetamina lao masetala, baame lea doko Spirita doko lao lea. Gii dokopa Jisasa baa kenge andake nyepala naeya dokonya, Oli Spirita doko pyandala naeya.

Luku 24:49

Salapape! Nambanya Takangeme nyakama mende ditona lea doko nambame nyakama-kisa epena lato. Dopana, nyakama Jerusalemaka katao, ketae kaitinya kyeto singi doko nyakama-kisa ipatamo gii dokonya tuu lapape” lea.

Aposole 10:34

Dokopa Pitame lao pituu, “Goteme endakali mende mona setapala, mende maka kaeyala naenge-lamo lao nambame indupa kiningi kandelyo.

Jone 14:28

‘Nambame nyakama yakinatala pelyo. Pupala nyakama katatami dokonya pilyotona’ lapu doko nyakamame simi. Nyakamame kiningi namba auu kaengema-pyali doko, ‘Namba Takange kalyamo dokonya pelyona’ lapu doko sepala, nyakama eteke pyamili. Aipumape, nambanya Takange dokome namba ita miningi.

Jone 14:3

Nambame nyakamanya panda mende depa lakala pelyo. Depa latakala namba katato dokonya nyakama apata katatamanopa lao lanyala ipato.

Luku 9:27

Nambame nyakama kiningi langilyo: Endakali asa kalyamino dapuanya mendapu kumala naeyao, Gotenya kingdom doko kandatamina” lea.

Luku 4:25

Nambame nyakama kiningi langilyo: Wamba Ilaija katea gii dokopa, ee kana tepo-kisa, kana tokange kaiti doko pai latae kateamopa, aiyuu naepea. Dokopa yuu dupa pitakanya lopo andake mende sia. Gii dokopa, Israele yuu dokonya enda walyakae longo mendapu peteami.

2 Korina 4:17

Naima-kisa kenda epelyamo dupa angi mende daa. Dupa gii kuki iki epelyamo. Indupa naima kenda yakane nyilyamano dupame, tii pipae etete andake tanga-tangapi soaka pupenge doko nyetaminopa lao depa lasilyamo.

Jone 16:8

Yuunya endakali dupame namba tungi napilyamino dokonya, mana koopi, mana tolataepi, Goteme endakali dupa yapapengepi, dupa dopalena lao lelyamino doko kopeta lelyaminona lao Spirita doko ipupala lao panata.