Jone 16:16 - Enga Niu Tesamene

¹⁶ “Takange doko katenge dokonya namba pelyo. Tenge dokonya, gii kuki mendatupa patatamopa, nyakamame namba kanja naeyalamino. Gii kuki mendatupaka patatamopa, nyakamame namba kandatamina” lea.

Jone 16:16 Referans Kwoze

Jone 7:33

Dokopa Jisasame lao pituu, “Namba nyakama-pipa gii kuki iki katapala, namba puu lea Akali doko kalyamo dokonya patoo.

Aposole 1:3

Jisasa baa tanda nao kumapala, baa kiningi sakatao lete kalyona lao baanya aposole dupame kandena lao, kaitini longo mendapuanya-kaita yuu gii 40 dutupanya aposole dupa kateami dokonya ipatapu, Gotenya kingdom dokonya lao pii lamaita pia.

Jone 16:28

Namba Takange-kisa katao isa yuu dakenya epeo. Indupa isa yuu dake yakinatala Takange katenge dokonya patoana” Jisasame lea.

Jone 16:22

Dopaleaka joo, indupa nyakama mona kenda kaeyao kalyamino. Dopaka doko, nambame nyakama dee kandatopa, nyakama eteke pyatami. Dopa pitaminopa, endakali mendeme nyakamanya eteke pingi doko nyokonyala naeyata.

Ibru 12:2

Naimanya Jisasa tungi pingi doko Jisasame tee pyatala, etao baa tungi pyalapale lao nisoo kalyamo. Baa auu kaeyapae mende tanga nyotona latala, elya kaengepi, tanda andake nyingipi, dupa angi mende daana lao masia. Dopa lao masetala, poko ita dokonya tanda nao, yukutae katao baa maka nakaeya. Indupa baa Gote petenge toko dokonya kingi tolaetena pilyamona, naimame baa iki kandatae katamana.

Jone 13:3

Takangeme dupa pitaka baanya kinginya yakineana lao Jisasame masia. Baa Gote-kisa katao epeona, Gote katenge dokonya pilyotona lao masiaka.

Jone 16:5

“Namba puu lea Akali doko katenge dokonya indupa namba pelyona lapupa, nyakamanya mendaipi mendeme, ‘Emba anja pelyepe?’ lao tipa napilyamino.

Jone 13:33

Wane paluma, namba gii kuki mendatupa iki nyakama-pipa tole kalyamano. Namba patatopa nyakamame namba kutatamiaka doko, namba pelyo dokonya nyakama kapa pao naipatamina lao nambame Juu dupa lamaiyoliaka pyoo indupa nyakama langilyo.

Jone 12:35

Dopa leaminopa Jisasame dokaita lamaiyoo, “Tii pipae doko nyakama-pipa gii kuki mendatupa iki kalyaminona, iminjingi dokome nyakama ita minatana, tii pipae doko nyakama-pipa kalyamino dokopa, tii pipae dokonya paeyalapape. Endakali mende iminjetaenya paelya dokome, baa anja pelyope lao nakandenge.

Make 16:19

Kamongome dokaita pii lamaitiamopa, Goteme baa kaiti-kisa lanyepala, baanya kingi tolaetena petena lea.

Jone 17:13

Indupa emba kalyeno dokonya namba epelyo. Nambanya eteke pingi doko dokaita-kisa tumbina lao, isa yuu dakenya katao pii datupa lelyo.

Jone 17:5

Apane, yuupa kaitipa dolapo nasiamopa tii pipae nalimba-kisa siamo dokomeaka embanya enomba dokonya namba kenge andake dipi.

Jone 16:10

Nambanya Takange doko katenge dokonya patopa, nyakamame namba kanja naeyalamino dokonya, namba akali tolataena lao Spirita dokome lao panata.