Jone 15:3 - Enga Niu Tesamene

³ Nambame pii langipu dupame nyakama wasoo auu pisetelyamo.

Jone 15:3 Referans Kwoze

Jone 17:17

Embanya pii doko kiningi. Embanya kiningi pii dokome endakali dokaita embanya latae katena lao pyoo wasina lape.

Epesusa 5:26

Kraisanya pii dokome siosa doko wasa pyatamopa, siosa doko Gotenya latae katena lao Kraisa baa kumia.

1 Pita 1:22

Spirita dokome nisiamopa, nyakamame kiningi pii doko wata-miniamino dokome, nyakama-kisa koo mende nasina lao pyoo wasoo nepateami. Dopa piamino dokome, Kristene kaiminingi dupa auu kaenge mana doko nyakamanya mona andaka silyamona, nyakamame monanya katao nyakama-lapo mende auu kae-kae pyoo kalyepape.

Jone 13:10

Dopa leamopa Jisasame baa lamaiyoo, “Endakali mende yonge pitaka wasa pyatae doko-kisa kuni nasingi dokonya, baa moko iki wasa pyapenge. Nyakama wasa pyatae kalyaminoaka doko, nyakama pitaka daana” lea.

Jone 15:2

Namba-kisa katao dii namandenge wangya dupa baame kepao nepata, dii mandenge wangya dupa auu pyoo dii longo mandena lao waseta pingi.

Jone 17:19

Endakali namba ditae dokaita kiningi pii dokome pyoo wasetamopa, embanya latae katena lao, dokaita nisoo nambanya lete katenge doko emba dilyo.