Jone 15:10 - Enga Niu Tesamene

¹⁰ Nambanya Takangenya mana setapae dupa wata-minao, baanya auu kaenge dokonya namba katenge. Dopa pingina, nyakamame nambanya mana setapae dupa wata-minao katatamino doko, nyakama nambanya auu kaenge dokonya katatami.

Jone 15:10 Referans Kwoze

Jone 14:15

“Nyakamame namba auu kaeyatamino doko, nambanya mana setapae dupa wata-minalapape.

1 Jone 5:3

Naimame Gotenya mana setapae dupa wata-minilyamano dokome, naimame Gote auu kaengena lao panasingi. Baanya mana setapae dupa naimame wata-minalanya kenda nakaenge.

1 Jone 2:5

Baanya pii doko wata-miningi endakali doko-kisa Gote auu kaenge doko kiningi etao singi. Endakali mendeme baa Jisasa-kisa katengena lata dokome, Jisasame mana miniamoli pyoo minapenge. Kaitini dokonya-kaita naima baanya mona andaka kalyamanona lao masepenge.

2 Pita 2:21

Dupame mana tolatae dokonya kaitini doko kandao nyiaminoaka doko, Goteme baanya mana setapae etete epe maiyamopa nyiamino dupa maita mailyamino. Mana tolatae dupanya kaitini doko nakandeamili doko, yaka jiali.

Jone 8:29

Namba puu lea Takange dokonya auu kaenge kalai dupa nambame koteaka lao pingi. Dopa pingi dokonya, baame namba iki kalyale lao yakinala naenge. Nalimba tole katengena” lea.

Jone 4:34

Dokopa Jisasame dokaita lamaiyoo, “Namba puu lea Akali dokonya masingili pyoo, kalai pyoo etasakamaipenge doko nambanya nee doko.

1 Tesalonaika 4:1

Kaimii paluma, naimame pii dakeme etao lelyamano: Nyakamame mana epe minapengepi, Goteme auu kaenge dupa pipengepi, dupa naima-kisa mana nyiaminoli pyoo, Kamongo Jisasanya kenge dokonya indupa nyakamame mana dupa etete longo lao minao kalyepale lao, naimame kyeto joo lelyamano.

Jone 17:4

Namba isa yuu dakenya katao, emba kenge andake ditio. Nambame kalai pyaale lao diino dupa pyoo etapeo.

Jone 14:31

Nambame Takange doko auu kaenge-lamo lao isa yuu dakenya endakali dupame kandena lao, Takange dokome lelyamoli pyoo nambame pingi. Dopana, naima panda dake yakinatala mona sakatalapa” lea.

Jone 12:49

Nambame pii lelyo dupa nambame masoo laa naelyo. Nambame pii lelyo dupa dopa pyoo lape lao namba puu lea Takange dokome leali pyoo nambame lelyo.

Revelesene 22:14

Siti dokonya lome kambu dokonya-kaita kolandapengepi, lete katasingi ita dokonya dii lyao napengepi, dupa Goteme yakana lena lao, baanya mana setapae dupame lelyamoli pingima endakali dupa Goteme auu pisingi.

Jone 14:21

Nambanya mana setapae dupa nyepala wata-minilya endakali dokome namba auu kaenge. Namba auu kaeyata endakali doko, nambanya Takange dokome baa auwaka kaeyata. Nambame baa auwaka kaeyapala, namba dopale-lamo lao baame kandena lao panasotona” lea.

1 Korina 7:19

Yanu kepenge dokopa, yanu kepala naenge dokopa, dolapome angi mende napingi. Gotenya mana setapae dupa wata-miningi dokome angi mende pingi.

Ibru 7:26

Jisasame kalai koo mende napyoo, epe iki pilyamopa, baa-kisa koo tenge mende nasingi. Dopa pingi dokonya, endakali koo pingi dupa-pipa nakatena lao, Goteme baa kenge andake maitala, kaiti-kisa naimanya prisa mupa katena leamo doko laa-kao lea.

Jone 8:55

Nyakamame baa nakandengema. Dopaka doko, nambame baa kandenge. Nambame baa nakandengena lapuli doko, namba sambo lenge nyakama-yale jipuli. Dopaka doko, nambame baa kandenge dokonyana, baanya pii doko nambame wata-miningi.

Jone 10:18

Namba kumatale lao endakali mendeme nambanya lete katenge doko nyokonyala naeyata. Lete katenge doko kame soo kumala penge dokopa, pilyoo nyingi dokopa, dolaponya kyeto doko namba-kisa singi. Dopa pipi lea pii doko nambanya Takange-kisa nyiona” lea.

Jone 14:23

Dokopa Jisasame baanya pii yanu pyakamaiyoo, “Namba auu kaeyata endakali dokome nambanya pii dupa wata-minata. Dopa pitamopa nambanya Takange dokome baa auu kaeyata. Dokopa nambanya Takange dokopa nalimba ipupala baanya mona andaka katatamba.

1 Jone 2:3

Baanya mana setapae dupa naimame wata-minatamano doko, naimame baa masilyamanona lao masepenge.