Jone 14:9 - Enga Niu Tesamene

⁹ Dokopa Jisasame Pilipa lamaiyoo, “Pilipa, namba nyakama-pipa gii longo-waka katamano doko, embame namba masala naelyepe? Namba akali doko-lamo lao kandelya endakali dokome Takange doko apata kandengeaka. Dopa pingina, embame aipa pyoo Takange doko laitaka pii lelye?

Jone 14:9 Referans Kwoze

Kolosi 1:15

Endakali mendeme nakandenge Gote dokonya Ikiningi doko Gote waingi tapae. Goteme wasia dupa pitaka ita minao, baa wambao mandipae.

Jone 12:45

Namba kandelya endakali dokome, namba puu lea Akali doko apata kandelyamosaka pingi.

Jone 14:7

Nyakamame namba akali doko-lamo lao masimili doko, nyakamame nambanya Takange doko apata dokona lao masimiliaka. Indupa pituu nyakamame Takange doko kandatala baa doko-lamo lao masilyaminona” lea.

Ibru 1:3

Ikiningi doko baanya Takange Gote doko etete waingi tapae. Takange Gotenya tii pipae doko pitaka Ikiningi doko-kisa panasoo katenge. Ikiningi dokome baanya pii kyeto dokome yuupa kaitipa dolapo singili pyoo sina lao minatae katenge. Baa kumiamo dokome naimanya koo dupa kunao nepatakala, baa kaiti-kisa pea. Indupa Gote andake dokonya kingi tolaetena baa pilyamo.

Jone 10:30

Nambapa, nambanya Takangepa, nalimba mendaina” lea.

Jone 1:14

Pii doko endakali jetala, baa naimanya kainanya katea. Kateamopa naimame baanya tii pipae doko kandeama. Takange Gotenya Ikiningi mendai iki doko-kisa tii pipae doko singi. Kondo kaenge dokopa, kiningi pii dokopa, dolapo Takange Gotenya Ikiningi mendai iki doko-kisa tumbao epeamopa kandeama.

Pilipae 2:6

Kraisa baa Gote waingi tapaeyaka doko, baa Gote-pipa kapa lao kalyona lao masetala, baa tange nisotoo lao masala naeya.

Jone 14:20

Gii dokopa, namba Takange dokonya mona andaka katenge-lamo lao nyakamame kandatami. Namba nyakamanya mona andaka kalyopa, nyakama nambanya mona andaka katenge-lamo lao kandatamiaka.

Make 9:19

Dopa leamopa Jisasame baanya pii yanu pyakamaiyoo, “Nyakama Gote tungi napingima dupa, namba nyakama-pipa katao pao gii andukupa yakinato? Nyakama nongo pilyamino doko andukupa tolataminopa lao nambame malisoo katao? Wane doko laminao asa ipupa” lea.

Luku 12:56

Nyakama kiningi kandenge manemane pipae dupame yuupa, kaitipa dolapo kandatala, taita dopa pita-lamo lao kandengemaka doko, indupa gii dakepa pilyamo dupa aipuma nyakamame dopa pilyamo lao nakandelyamipi?” lea.

1 Korina 15:12

Kraisa baa malunya sakatasiana lao naimame lamanopa, aipuma nyakamanya mendapuame endakali kumapae dupa malunya sakatasala naeyatana lelyami?

Jone 8:19

Dokopa Parasi dupame baa lamaiyoo, “Embanya takange lelyeno doko anja kalyape?” leami. Dopa leaminopa Jisasame yanu pyao, “Nambapa, nambanya Takange dokopa nyakamame masala naengema. Namba akali doko-lamo lao nyakamame masimili doko, nambanya Takange doko apata masimiliakana” lea.

1 Jone 5:20

Gote Ikiningi doko ipupala, kiningi pii lenge Gote doko masalapale lao, naima masepae diana lao naimame masilyamanoaka. Kiningi pii lenge Gote dokopa, baanya Ikiningi Jisasa Kraisapa, dolapo-kisa naima kalyamano. Jisasa Kraisa baa Gote angi, lete etete katenge dokonya tenge doko.