Jone 14:2 - Enga Niu Tesamene

² Nambanya Takangenya anda dokonya ruma longo katengena, nambame nyakamanya panda depa lakala pelyo. Ruma longo nakatenge-pyali doko, ruma longo nakatengena lao nambame nyakama langipuli.

Jone 14:2 Referans Kwoze

2 Korina 5:1

Naima isa yuu dakenya kalyamano sele anda dake lakyoo koeyatamo doko, anda Goteme petae kataowaka katenge doko naimanya kaiti-kisa kalyamona lao masilyamano. Anda doko endakali kingi mendeme petae daa.

Jone 13:36

Dokopa Saimone Pitame Jisasa lamaiyoo, “Kamongo, emba anja pelyepe?” lea. Dopa leamopa Jisasame baanya pii yanu pyakamaiyoo, “Namba pelyo dokonya indupa embame kapa pao namba watao naipapeno. Dopaka doko, tanga embame namba watao ipatena” lea.

Ibru 13:14

Yuu dakenya naima kataowaka katapenge siti mende nasilyamo dokonya, siti ipatana latae doko ipatana lao masetala, nee kaeyao kandatae kalyamano.

Revelesene 21:2

Siti enenge nee nyetae Jerusalema doko Goteme kaiti-kisa katao pyandeamopa, wanaku mapukae mende akali nyala paanya yati pingili petae doko lanao epeamo kandeo.

Revelesene 3:12

Koo pingi mana dupa ita minata endakali doko, nambanya Gote dokonya anda nee nyetae dokonya baa pingina joo katena lato. Dokonya katao baa dee kamaka paa naeyata. Dokopa nambanya Gote dokonya kenge dokopi, nambanya Gote dokonya siti enenge kaiti-kisa katao lanao ipata Jerusalema dokonya kenge dokopi, nambanya kenge enenge dokopi, dutupa baa-kisa pyao katakamaito.

Ibru 11:10

Kyeto joo katapenge siti mende Goteme depa latala pia doko, Abraameme nee kaeyao malisoo katea.

Jone 13:33

Wane paluma, namba gii kuki mendatupa iki nyakama-pipa tole kalyamano. Namba patatopa nyakamame namba kutatamiaka doko, namba pelyo dokonya nyakama kapa pao naipatamina lao nambame Juu dupa lamaiyoliaka pyoo indupa nyakama langilyo.

Jone 16:4

Tee pyao namba nyakama-pipa kateamano dokonya, pii langilyo datupa nambame nyakama langya naeyo. Dopaka doko, angi pita gii dokopa, dopa leana lao nyakamame masetaminopa lao indupa nambame nyakama pii datupa langilyona” lea.

Jone 17:24

Apane, yuupa kaitipa dolapo nasiamopa embame namba auu kaeyapala tii pipae diino doko endakali namba ditae dupame kandena, namba katato dokonya dokaita apata katatamana lao masilyo.

Revelesene 3:21

Koo pingi mana dupa nambame ita minateopa, nambanya Takangeme baanya kiŋi toko dokonya namba baa-pipa tole pitimbanana leali pyoo, koo pingi mana dupa ita minata endakali doko, baa nambanya kiŋi toko dokonya namba-pipa tole pitimbanana lato.

Revelesene 1:5

Gotenya pii doko tolao lao panenge Jisasa Kraisa doko endakali kumapae dupanya wambao malunya sakatatala, baame yuunya kiŋi dupa isoo kalyamo. Baanya kondo kaenge dokopa, mona yaepenge dokopa, dolapo baame nyakama-kisa epena lapya laka lao masilyo. Baame naima auu kaeyapala baanya taeyoko dokome naimanya koo dupa naima-kisa nasina lao wasa pia.

Ibru 9:8

Dopa pingi mana dokonya Oli Spiritame naima dapa pyoo laitaka pilyamo: Sele anda wambatae doko kateamopa, mee endakali dupa panda nee nyetae dolaponya kolandapenge kaitini doko lumbapae nasia.

Taitusa 1:2

Yuupa kaitipa dolapo nasiamopa, Gote sambo nalenge dokome naima lete etete katenge doko ditona lea doko ditana lao nee kaeyao malisoo katamana lao kalai pilyo.

1 Tesalonaika 5:9

Goteme baanya imbu kaenge dokonya kalyepale latala naima makande nalea. Kamongo Jisasa Kraisame pyoo nyingi dokonya kalyepale latala naima makande lea.

Jone 14:28

‘Nambame nyakama yakinatala pelyo. Pupala nyakama katatami dokonya pilyotona’ lapu doko nyakamame simi. Nyakamame kiningi namba auu kaengema-pyali doko, ‘Namba Takange kalyamo dokonya pelyona’ lapu doko sepala, nyakama eteke pyamili. Aipumape, nambanya Takange dokome namba ita miningi.

Luku 14:22

Akali andake dokome leali petala, kalai akali dokome baa lamaiyoo, ‘Embame lapinoli petapupa, panda longo mee silyamoakana’ lea.