Jone 13:21 - Enga Niu Tesamene

²¹ Jisasame pii dutupa latala, baa mona kenda kaeyapae etete andake mende nyepala lao panao, “Nambame nyakama etete kiningi langilyo: Nyakamanya mendeme namba yandapipi dupanya kinginya maiyapomona” lea.

Jone 13:21 Referans Kwoze

Matyu 26:21

Nee nao pituu baame dokaita lamaiyoo, “Nambame nyakama kiningi langilyo: Nyakamanya mendeme namba yandapipi dupanya kinginya maiyapomona” lea.

Jone 13:18

Nambame pii lelyo doko nyakama pitaka lao laa naelyo. Nambame endakali yapao nyio dupa nambame masilyo. Dopaka doko, Gotenya pii pepa pyapae singi dokonya, ‘Namba-pipa breta nao peteambano dokome namba pyalanya baanya moko sandange minalyiana’ lapae singi doko angi jina lao lelyo.

Make 14:18

Ipupala nee nao pituu, Jisasame dokaita lamaiyoo, “Nambame nyakama kiningi langilyo: Nee nao pilyamano dakenya mendeme namba yandapipi dupanya kinginya maiyapomona” lea.

Jone 12:27

“Indupa nambanya mona etete kenda pyumuna, nambame aipa lao? ‘Apane, namba-kisa kenda epelyamo dake embame nyoo nepakape’ laowape? Daa, nambame kenda dake nyoo salanya epeo.

Jone 11:33

Dopa latala Maria baa ee leamopa, baa-pipa epeami Juu dupa apata eaka leami. Jisasame ee leami dokaita kandatala, baa mona etete kenda kaeyapala, masepae longo nyia.

1 Jone 2:19

Yandapipi dokaita naima-pipa kateamanoaka doko, yakinatala peamino dokome, dokaita naimanya daa-lamo lao kandeama. Dokaitame naima yakinala naeyao naima-pipa tole kateamali doko, dokaita naima tata-lamo lao kandeamali. Dopaka doko, naima yakinatala peamino dokome, dokaita naimanya daa-lamo lao panea.

Aposole 17:16

Polome Sailasapa Timotiapa malisoo, Atene siti dokonya paeyao kandeamopa, gotena lao wasepae dupame siti dokonya tumbatae kateamo kandatala, baa maka kaeya.

Jone 13:2

Alemandi nee nao peteaminopa, Saimone Iskariota ikiningi Judasa dokome yandapipi dupanya kinginya Jisasa maina lao, Sataneme baanya mona lungu petea.

Jone 11:38

Dopa leaminopa, Jisasa dee mona etete kenda kaeyapala, malu dokonya pea. (Malu doko kananda mendenya petala, kambu doko kana yale mendeme piti petae katea.)

Jone 11:35

Dopa leaminopa Jisasa baa ee lea.

Make 3:5

mona kana jiaminosa, Jisasame imbu kaeyao dokaita kandayoko latala, akali doko lamaiyoo, “Embanya kingi doko tinoko” lea. Dokopa baanya kingi doko tinokeamopa, kingi doko auu petala kingi yangi epe dopaleaka jia.

Matyu 26:38

Dopa petala Jisasame dutupa lamaiyoo, “Nambanya mona doko etete kenda pipya dokome namba kumapenge julumuna, nyakama namba-pipa asa kandao isoo katamana kalyepape” lea.

Jone 13:22

Dopa lateamopa, disaipolo dupame nyakamanya mende doko api lao lelyape lao tatake kaeyapala, mende kanda-kanda piami.