Jone 13:18 - Enga Niu Tesamene

¹⁸ Nambame pii lelyo doko nyakama pitaka lao laa naelyo. Nambame endakali yapao nyio dupa nambame masilyo. Dopaka doko, Gotenya pii pepa pyapae singi dokonya, ‘Namba-pipa breta nao peteambano dokome namba pyalanya baanya moko sandange minalyiana’ lapae singi doko angi jina lao lelyo.

Jone 13:18 Referans Kwoze

Matyu 26:23

Dopa leaminopa Jisasame yanu pyao, “Nee disanya kingimi poeyanyoo nao apata pilyamano dakenya mendeme namba yandapipi dupanya kinginya maiyapomo.

Jone 17:12

Namba dokaita-pipa isa yuu dakenya katao, embanya kenge dokome endakali namba diino dokaita isoo katapu. Isoo katapupa dokaitanya mendaipi mende alu napipya. Dopaka doko, pii pepa pyapae singi doko angi jina lao, akali koeyatana latae doko iki alu pipya.

Make 14:20

Dopa leaminopa baame dokaitanya pii yanu pyakamaiyoo, “Breta disanya poeyanyoo nao pilyamano, nyakama 12 disaipolo datupanya mendeme namba yandapipi dupanya kinginya maiyapomo.

Jone 13:26

Dopa leamopa Jisasame yanu pyao, “Breta konjepae mende disanya supu silyamo dokonya poeyanyetala nambame maiyapo akali dokona” lea. Dopa latala baame breta konjepae mende disanya supu sia dokonya poeyanyetala, Saimone ikiningi Judasa Iskariota doko maiya.

Jone 6:70

Dopa leamopa Jisasame dokaitanya pii yanu pyakamaiyoo, “Nambame nyakama 12 disaipolo dutupa yapao nyio. Dopaka doko, nyakamanya mende imambu koo paleta petelyamanona” lea.

Jone 15:19

Nyakama isa yuu dakenya endakali-pyali doko, isa yuu dakenya endakali dupame nyakamanya tata-lamona lao masetala nyakama auu kaeyamili. Dopaka doko, nyakama isa yuu dakenya endakali daa. Nambame nyakama isa yuu dakenya-tae yapao nyio dokonyana, isa yuu dakenya endakali dupame nyakama imbu kaengema.

Ibru 4:13

Gotenya wasepae dupanya mendaipi mende baanya lengenya yalo petae nasingi. Baanya lengenya dupa pitaka panapae singi. Dopa pingi dokonya, naimame mana minatama dupa pitaka, dopa pyoo miniamana lao tanga Gote lamaitama.

Jone 15:16

Nyakamame namba yapao nanyiami. Nyakama pupala dii koeyala naenge dupa manditaminopa lao nambame nyakama yapao nyepala makande leo. Takange doko-kisa nambanya kenge dokonya dopale mende nyakamame tee latami doko baame ditamopa lao nambame nyakama makande leo.

Matyu 10:36

Tenge dokonya, endakali mendenya tata etete dupame baa yandapipi jetami.

Revelesene 2:23

Dopa petala, enda dokonya wane dupa apata kumina lao nambame pyao kumasotoaka. Dopa pitopa, endakalinya monapi, masingipi dupa kandenge akali doko namba-lamo lao siosa dupa pitakame masetami. Dokopa nambame nyakama mendai-mendai lao kalai pitamili pyoo yole pito.

Jone 21:17

Dopa latala paa tepo pyoo baame Pita lamaiyoo, “Jona ikiningi Saimone, embame namba auu kaelyepe?” lea. “Embame namba auu kaelyepe?” lao paa tepo pyoo Jisasame tipa piamosa, Pita baa mona kenda kaeyapala Jisasa lamaiyoo, “Kamongo, embame dupa pitaka kandenge dokome, nambame emba kiningi auu kaelyopa embame kandengena” lea. Dokopa Jisasame baa lamaiyoo, “Embame nambanya sipisipi dupa nee maiyakape.

2 Korina 4:5

Naima tange dopalena lao naimame pii lamaiya naenge. Jisasa Kraisa baa Kamongo dokona lao naimame pii lamaingi. Jisasanya kalai pyakamaiyoo, naima nyakamanya kalai akali kalyamanona lao pii lamaingiaka.

Matyu 26:21

Nee nao pituu baame dokaita lamaiyoo, “Nambame nyakama kiningi langilyo: Nyakamanya mendeme namba yandapipi dupanya kinginya maiyapomona” lea.

Make 14:17

Yuu kuiyala peamopa, Jisasa baa 12 disaipolo dutupa-pipa epeami.

Make 14:18

Ipupala nee nao pituu, Jisasame dokaita lamaiyoo, “Nambame nyakama kiningi langilyo: Nee nao pilyamano dakenya mendeme namba yandapipi dupanya kinginya maiyapomona” lea.

Luku 22:21

Dopaka doko, namba yandapipi dupanya kinginya maiyapomo akali doko namba pilyo dakenya apata pilyambano.

Jone 13:21

Jisasame pii dutupa latala, baa mona kenda kaeyapae etete andake mende nyepala lao panao, “Nambame nyakama etete kiningi langilyo: Nyakamanya mendeme namba yandapipi dupanya kinginya maiyapomona” lea.

Jone 13:22

Dopa lateamopa, disaipolo dupame nyakamanya mende doko api lao lelyape lao tatake kaeyapala, mende kanda-kanda piami.

Jone 15:25

‘Namba-kisa tenge mende nasiamopa, mee imbu kaeyamina’ lao dokaitanya loo dupanya pepa pyapae singi doko angi jina lao nalimba imbu kaelyamino.

Jone 18:32

Dopa leami dokome, Jisasame baa dopa pyoo kumatona lao wamba pii lea doko angi jalanya pia.

Jone 19:24

Dopa petae dokonyana, amii dupame nyakama-lapo lao pituu, “Naimame yonge pee dake kanguala naenya, apimi nyilyape lao kandamana laki pyama” leami. Dopa piami dokome, Gotenya pii pepa pyapae singi dokonya, “Nambanya yonge pee dupa dokaita mokosoo nyiami. Nambanya yonge pee dupa dokaita mokosoo nyalanya laki piamina” lapae singi doko angi jia.

Jone 19:36

Jisasanya kuli pyao lakala naeyami dokome, “Baanya kuli mendaipi mende pyao lakala naeyatamina” lao Gotenya pii pepa pyapae singi doko angi jia.

Aposole 1:16

“Kaimii paluma, Jisasa anjala epeamino akali dokaita laminao epeamo akali Judasa doko lao, wamba Oli Spiritame Dapitanya kambunya pii mende lea-pyaana lao, Gotenya pii pepa pyapae singi dokonya singi doko angi jepenge jia.