Jone 13:1 - Enga Niu Tesamene

¹ Pasopa nee andake nenge gii doko ipanya tengesa piamopa, isa yuu dake yakinatala Takange katenge dokonya pupenge gii doko ipatelyamona lao Jisasame masia. Dopa lao masetala, isa yuu dakenya tange, endakali Jisasanya latae dupa auu kaeya doko auu kaeyataeyaka katao pao baa kumia.

Jone 13:1 Referans Kwoze

Jone 12:23

Lamaiyambinopa Jisasame dolapo lamaiyoo, “Akalinya Ikiningi doko kenge andake nyepenge gii doko ipatelyamo.

1 Jone 4:19

Goteme naima wambao auu kaeyamo dokonya, naimame Gote auu kaelyamano.

Jone 13:34

Mana enenge mende nambame nyakamanya setekelyo doko dake: Nyakama-lapo mende auu kae-kae pyoo kalyepape. Nambame nyakama auu kaelyoli pyoo, nyakama-lapo mende auu kae-kae pyoo kalyepape.

Jone 16:28

Namba Takange-kisa katao isa yuu dakenya epeo. Indupa isa yuu dake yakinatala Takange katenge dokonya patoana” Jisasame lea.

Jone 13:3

Takangeme dupa pitaka baanya kinginya yakineana lao Jisasame masia. Baa Gote-kisa katao epeona, Gote katenge dokonya pilyotona lao masiaka.

Jone 18:4

Epeaminopa Jisasame baa-kisa pyaamino dupa pitaka masetala, epeami dokonya tengesa pupala dokaita lamaiyoo, “Nyakamame api kutilyamipi?” lea.

1 Korina 1:8

Naimanya Kamongo Jisasa Kraisa ipata gii dokopa, nyakama-kisa koo tengepi mende nasetamopa lao, Jisasa Kraisame nyakama kyeto dyoo pao, yuu gii etao dokonya tuu lata.

Jone 17:16

Namba isa yuu dakenya-tae daa. Endakali namba ditae dupa isa yuu dakenya-tae daaka.

Jone 17:1

Jisasame pii dutupa lao etapala, kaiti-kisa kandalyetae katao lao pituu, “Apane, embanya Ikiningi dokome endakali dupa pitaka isina lao, embame kyeto doko baa maiya. Embanya endakali baa maiyino dupa pitaka lete etete katenge doko maiyekena lao embanya kyeto doko baa maiyaka. Dopana, gii setapae doko ipatelyamona, embanya Ikiningi dokome emba kenge andake dina, embame baa kenge andakeaka maipi.

Revelesene 1:5

Gotenya pii doko tolao lao panenge Jisasa Kraisa doko endakali kumapae dupanya wambao malunya sakatatala, baame yuunya kiŋi dupa isoo kalyamo. Baanya kondo kaenge dokopa, mona yaepenge dokopa, dolapo baame nyakama-kisa epena lapya laka lao masilyo. Baame naima auu kaeyapala baanya taeyoko dokome naimanya koo dupa naima-kisa nasina lao wasa pia.

Ibru 3:14

Naimame tee pyao Kraisa tungi piamano doko yakinala naeyao, kyeto joo tungi pyaowaka katao, yuu etata gii doko kandao nyetamano doko, Goteme Kraisa epe mendapu maitona leamo dupa, naima apata nyetamaka.

Jone 17:5

Apane, yuupa kaitipa dolapo nasiamopa tii pipae nalimba-kisa siamo dokomeaka embanya enomba dokonya namba kenge andake dipi.

Matyu 26:45

Loma sepala, baanya disaipolo dupa kateami dokonya ipupala dokaita lamaiyoo, “Nyakama koto nyoo luaka paliu silyamipi? Salapape! Gii doko ipatelyamo. Akalinya Ikiningi doko koo pingi endakali dupanya kinginya maiyapomona, naima mona sakatalapa. Namba yandapipi dupanya kinginya maiyapomo akali doko ipatelyamona kanjepa” lea.

1 Pita 1:13

Dopana, nyakama masepae epe paliu, mende pitamopa mende pitona lao mona lenge tao kalyepape. Jisasa Kraisa panao ipatamopa, Gotenya kondo kaenge doko nyakama-kisa ipatana lao, kyeto joo nee kaeyao malisoo kalyepape.

Ibru 6:11

Goteme nyakama kiningi nisetana lao nee kaeyao malisingi doko nyakama-kisa etao setamopa, yuu etata gii dokonya tuu lataminopa lao, nyakama pitakame nee kaeyao kalai piaminoli pyoo pimi laka lao masilyamano.

Ibru 3:6

Dopaka doko, Kraisa baa Gotenya Ikiningi dokome Gotenya pii dupa wata-minao, Gotenya tata dupa isoo kalyamo. Goteme naima epe mende ditona leamo doko kiningi ditana lao, naimame yakinala naeyao nee kaeyao malisoo katao, yuu gii etao dokonya tuu latamano doko, naima Gote tata katatamanosa pita.

Roma 8:37

Dopa pilyaminoaka doko, naima auu kaeyamo akali doko-kisa katao, naimame dupa pitaka ita minala-kao minilyamano.

Jone 17:26

Nambame embanya kenge doko embanya endakali namba ditae dupa-kisa lao panasiona, tangapi embanya kenge doko lao panasoaka katato. Embame namba auu kaengeli pyoo, endakali namba ditae dupame endakali waka dupa auu kaeyao katataminopa lao, namba dokaitanya mona andaka katatoo latala, embanya kenge doko lao paneona” Jisasame lea.

Jone 14:28

‘Nambame nyakama yakinatala pelyo. Pupala nyakama katatami dokonya pilyotona’ lapu doko nyakamame simi. Nyakamame kiningi namba auu kaengema-pyali doko, ‘Namba Takange kalyamo dokonya pelyona’ lapu doko sepala, nyakama eteke pyamili. Aipumape, nambanya Takange dokome namba ita miningi.

Jone 11:55

Dokopa Juumanya Pasopa nee nenge gii doko tengesa piamopa, yuu yakane dupanya katao endakali longo kuni nasina lao pyoo wasalanya lalyoo Jerusalema peami.

Jone 7:30

Dopa leamosa Juumanya isingi akali dupame baa anjepenge kaitini kutiamiaka doko, baanya gii doko ipa naeya dokonya, endakali mendeme baa minala naeyami.

Jone 7:6

Dokopa Jisasame dokaita lamaiyoo, “Nambanya gii doko ipa naelyamo. Dopaka doko, nyakamanya gii doko koteaka lao epelyamo.

Jone 6:4

(Juumanya Pasopa nee andake napenge gii doko, dokopa tengesa pia.)

Luku 22:53

Koteaka lao namba nyakama-pipa lotuu anda nee nyetae kamapu dokonya kateamanopa, nyakamame namba anjala naeyami. Dopaka doko, iminjetaenya pupu lapae dokopa, awa dakepa, dolapo nyakamanyana” lea.

Luku 9:51

Jisasa kaiti-kisa lanyoo pupenge gii doko tengesa piamopa, Jisasa baa Jerusalema patoo latala masepae kyeto nyia.

Matyu 28:20

nambame pyepape lao langio dupa pitaka wata-minina lao mana lamaiyepape. Salapape! Namba nyakama-pipaka katao, yuu etata gii doko kandao nyetamana” lea. Doko kiningi.

Jone 8:20

(Lotuu anda nee nyetae kamapu dokonya opaa pyandenge penge doko singi dosa katao, Jisasame pii dutupa mana lamaiyoo lea. Baanya gii doko naepea dokonya, pii dutupa leamopa endakali mendaipi mendeme baa anjalanya minala naeyami.)

Jone 2:13

Juumanya Pasopa nee nenge gii doko ipanya piamopa, Jisasa lalyoo Jerusalema pea.

Jone 13:29

Judasame muni bokosa doko isingi dokonyana, nee andake napenge dokonya nee daa jeta mendapu sambala pena lelyape, pande endakali daa jepae dupa nisoo oapi mendapu maiya pena lelyape lao yangi dupame masiami.

Jone 14:31

Nambame Takange doko auu kaenge-lamo lao isa yuu dakenya endakali dupame kandena lao, Takange dokome lelyamoli pyoo nambame pingi. Dopana, naima panda dake yakinatala mona sakatalapa” lea.

Jone 19:28

Dokopa Jisasame baanya kalai pipenge dutupa pitaka pyoo etapelyo lao kandatala, Gotenya pii pepa pyapae singi doko angi jina lao, baame lao pituu: “Namba endaki nanu pyumuna” lea.