Jone 11:44 - Enga Niu Tesamene

⁴⁴ Dopa lateamopa akali kumapae doko kamaka pyakalyia. Baanya kingi mokopi dupa lapalapa kende yakane londe mendeme yaki piamili petae kateamopa, lapalapa kepapae mendeme lenge-lyaapi dolapo ambo piamili petae doko kamaka pyakalyia. Dopa piamopa Jisasame endakali dokaita lamaiyoo, “Baa pena, yaki dupa tata lao nepakamaiyepa” lea.

Jone 11:44 Referans Kwoze

Jone 5:25

“Nambame nyakama etete kiningi langilyo: Endakali kumapae dupame Gote Ikiningi dokonya pii dupa setamina latae gii doko indupa ipatelyamo. Baanya pii doko setami endakali dupa lete katatami.

Jone 20:7

Lapalapa kepapae mende Jisasanya aiyomba yaki pyakamaiyami doko lapalapa yangi dupa-pipa pyasoo nasia. Doko waka mendasa lakapae sia.

Pilipae 3:21

Dupa pitaka baanya pundipundi sina lenge kyeto dokome naimanya yonge koeyapenge dupa baanya yonge tii pipae dopale jina lata.

Jone 10:30

Nambapa, nambanya Takangepa, nalimba mendaina” lea.

Jone 5:21

Takange dokome endakali kumapae dupa sakatasetala lete katenge doko maingi. Dopaka pyoo, Ikiningi dokome endakali mende lete katenge doko maitoo lao masilyamo doko maingi.

Luku 7:15

Dopa leamopa wane kumapae doko sakatatala, tee pyao pii lao petea. Dopa piamopa Jisasame wane doko baanya endangi doko maiyakamaiya.

Revelesene 1:18

Namba mendai doko lenge tao katenge. Wamba kumapeowaka doko indupa namba lenge tao katato kalyona kandape. Doko kiningi. Kumingi dokopa, endakali kumapae dupa katengema panda dokopa, dolaponya kii doko nambame minatae kalyo.

Jone 19:40

Akali dolapome Jisasanya yonge doko nyepala, Juu dupame endakali malu pyaanya depa lengemali pyoo, tunduma pingi dupame kai pyatala lapalapa kyeo lapae mendapuame yaki piambi.

Make 5:43

Pia doko endakali dupame setamina, mende lamaiya naena lao Jisasame kyeto joo dutupa pyalanya lea. Dopa latala wanaku doko nee nena nyoo maina lea.

Jone 20:5

Pyakamatala baa angi kolandala naenya elyo pyao kandeamopa, lapalapa kyeo lapae dupa tata lapae sia.

Jone 11:39

Dokopa Jisasame lao pituu, “Nyakamame kana doko nyoo kapya lapa” lea. Dopa leamopa, akali kumapae dokonya pimalenge Matame baa lamaiyoo, “Kamongo, baanya yonge doko malu petae katamupa yuu gii kitomende patapyana, indupa baanya yonge doko ai koeyapae pyalapomona” lea.

Luku 19:20

Dopa lateamopa, kalai akali tepo pyoo doko ipupala lao pituu, ‘Akali Andake, emba akali tomba napae mende. Wakamanya dopale setapae dupa embame nyingi. Wakamanya nee pokatae dupanya embame mandenge. Tenge dokonya, nambame emba paka kaeyapala, embanya silipa muni mendai doko lapalapame yaki petala setekeona kanda’ lea.

Jone 11:43

Dopa latala baame puu lao, lao pituu, “Lasarusa, emba kamaka pyakalya!” lea.