Jone 10:6 - Enga Niu Tesamene

⁶ Jisasame kongali doko dokaita lamaiyaka doko, pii lamaiya dokonya tenge doko dokaitame aipa pyoo lelyape lao soo nanyiami.

Jone 10:6 Referans Kwoze

Jone 16:25

“Wamba nambame nyakama pii langio dupa pitaka kongaliaka lao langio. Dopaka doko, gii mende ene epelyamo dokonya nambame kongaliaka lao langya naeyato. Takange dokonya lao tolao nyakama langito.

Matyu 13:51

Dopa latala Jisasame baanya disaipolo dupa lamaiyoo, “Nyakamame pii datupanya tenge dupa nyilyamipi?” lea. Dopa leamopa dokaitame yanu pyao, “Kamongo, naimame nyilyamanona” leami.

1 Jone 5:20

Gote Ikiningi doko ipupala, kiningi pii lenge Gote doko masalapale lao, naima masepae diana lao naimame masilyamanoaka. Kiningi pii lenge Gote dokopa, baanya Ikiningi Jisasa Kraisapa, dolapo-kisa naima kalyamano. Jisasa Kraisa baa Gote angi, lete etete katenge dokonya tenge doko.

1 Korina 2:14

Spirita dokome epe maingi dupa kyakaengena lao masetala, Gotenya Spirita doko nakatenge endakali dupame yakinengema. Spirita dokome nisilyamopa, epe maingi dupa dopalena lao masingima. Tenge dokonya, Spirita dokome epe maingi dupa aipalepe lao Spirita doko nakatenge endakali dupame masala naengema.

Jone 8:43

Nambame pii lelyo doko aipuma nyakamame soo nanyilyami? Nambanya pii doko nasimi dokome, nyakamame kapa pao tenge doko soo nyala naelyamino.

Jone 8:27

(Jisasame lea doko, Takange doko lao lelyamona lao dokaitame masala naeyami.)

Jone 7:36

Naimame baa kutatamiaka doko angi kanja naeyatamina lelyamo pii dokopa, baa katato dokonya naima kapa pao naipatamina lelyamo pii dokopa, dolaponya tenge doko aipa pyoo lelyape?” leami.

Jone 6:60

Jisasame dopa lao mana lamaiyamopa, baanya disaipolo longome sepala lao pituu, “Pii dutupa tatake pipae-lumuna, apimi tenge dupa kapa pao soo nyetape?” leami.

Jone 6:52

Dopa leamopa, Juu dupame nyakama-lapo laloo pyoo, “Akali dakeme baanya yonge doko naima nalapale lao aipa petala ditape?” lao pii yanda piami.

Matyu 13:34

Jisasame endakali kambu dupa pii lamaiya datupa pitaka kongaliaka lao lamaiya. Baame pii lamaiya dupanya mende mee lamaiya naeyao, kongaliaka lao lamaiya.

Make 4:34

Baame pii lamaiya dupanya mende mee lamaiya naeyao, kongaliaka lao lamaiya. Dopaka doko, baanya disaipolo dupa-pipa iki katao, kongali dupa pitakanya tenge dupa dokaita lamaita pia.

Jone 16:29

Dokopa baanya disaipolo dupame baa lamaiyoo, “Indupa embame kongali lao nalenya, tolao pii lelyeno.

2 Pita 2:22

“Yaname myuku talyepala tange nengena” lao naimanya pii lapae singi dokopa, “Mena matakai wasa pyapae mende dee pao mandau pingina” lapae singi dokopa, dolapo kiningina lao endakali dupame mana minilyamino dokome panelyamo.