Jone 10:3 - Enga Niu Tesamene

³ Akali doko epelyamopa, sipisipi epenge kalomba doko isoo katenge akali dokome baanya kaita lumbakamaingi. Dokopa sipisipi setao katenge doko ipupala, baanya sipisipi dupa kenge lao wii lelyamopa, dupame baanya pii doko sepala baa watengema. Watelyaminopa baame dupa laminao kamaka penge.

Jone 10:3 Referans Kwoze

2 Timoti 2:19

Anda pipenge kana kyeto mende Gotenya seteamo doko sala-kao silyamo. Kana dokonya dapa lao pepa pyatae kalyamo: “Kamongome baanya endakali dupa, dupana lao kandenge.” Pii mende dapa lao pepa pyatae kalyamoaka: “Jisasa baa Kamongo dokona lao, lao panatami endakali dupa pitakame mana koo dupa yakinapengena” lao pepa pyatae kalyamo.

Jone 10:4

Baanya sipisipi dupa pitaka laminao kalomba dokonya kamaka pyakalyetala, baa wambao penge. Dopa pilyamopa, baanya sipisipi dupame baanya pii sepala, nyakamanya akali doko-lumu lao masetala, baa watao pengema.

Jone 10:16

Nambanya sipisipi mendatupa kame dakenya nakalyamino dupa apata nambame lanyepenge. Lanyepatopa dupame nambanya pii setami. Dokopa sipisipi dupa pitaka tata mendai katataminopa, setao katenge mendaiyaka katata.

Jone 10:14

Sipisipi setao katenge epe doko namba. Takange dokome namba kandelyamopa, nambame Takange doko kandenge. Mendai dopaka pyoo, nambanya sipisipi dupa namba tange kandelyopa, dupame namba kandengema. Tenge dokonya, nambanya sipisipi dupa kumala naena lao namba tange kame soo kumala penge.

Revelesene 3:20

Sepe! Namba anda kambu dokonya katapala gata-gata lao kalyo. Endakali mendeme nambanya pii doko sepala anda kaita doko lumbatamo doko, namba baanya andaka kolandatala, baa-pipa nee nao pititambanopa, baa namba-pipa nee nao pititambaka.

Revelesene 7:17

Aipumape, Gotenya kiŋi petenge toko dokonya kainanya katenge Sipisipi Ŋaŋa dokome dokaita setao katao, dokaita laminao lete katasingi endaki lee kuingi dupanya pata. Dokopa Goteme dupanya lengenya ee ipata dupa pitaka kunao nepakamaitana” lea.

Roma 8:30

Endakali wamba makande lea dupa baame wii lao nyia-pyaa. Wii lao nyia dupa baame tolataena lea-pyaa. Tolataena lea dupa baanya tii pipae dokonya katena lea-pyaa.

Jone 6:45

‘Endakali dupa pitaka Goteme mana lamaitana’ lao propeta dupame pepa piami dupanya pyapae silyamo. Takange dokome pii lamaitamopa sepala mana nyetami endakali dupa pitaka namba katato dokonya ipatami.

Jone 6:37

Dopaka doko, nambanya Takange dokome namba dita endakali dupa pitaka namba katato dokonya ipatami. Namba katato dokonya ipatami dupa nambame tanga-tangapi kamaka watao pyasala naeyato.

Revelesene 20:15

Lete katapenge endakali dupanya kenge pyapae singi buku dokonya kenge nasia endakali dupa itate andake tao katenge dokonya soo pyandeaka.

Kolosi 4:3

Loma soo pituu, Kraisanya lao pii yalo petae doko lao panalapale lao, Goteme naimanya kaitini mende lumbekena lao loma sakalapape. Pii yalo petae doko lao paneo tenge dokonya, namba anjetae palelyo.

Pilipae 4:3

Namba-pipa tole kalai pingi akali doko emba pii dake nambame langilyo: Embame enda dolapo nisatale lao lelyo. Enda dolapopi, Klemendapi, endakali waka namba-pipa kalai pingipi, dupame lekeleke tao wai pii epe dokonya kalai pingima. Dopa pingima dupanya kenge dupa lete katapenge endakali dupanya kenge pyapae singi buku dokonya pyapae silyamo.

1 Pita 1:12

Propeta dupame pii leami dupa, nyakama tange nisoo laa naenya, naima nisoo lelyaminona lao, Goteme propeta dupa panao lamaiya-pyaa. Oli Spirita kaiti-kisa katao epena leamopa epeamo dokome kyeto maiyamopa, endakali mendapuame propeta dupanya pii dupa dii tambao, wai pii epe doko nyakama langitiami. Langiamino pii dupa enjele dupame simu laka lao nee kaelyamino.

1 Korina 16:9

Goteme baanya dii mandipenge kalai dupa pyakatale latala, nambanya kaitini andake pyoo lumbanya setakamupa, endakali longome namba yanda pingilyamino.

Jone 10:9

Namba kalomba doko. Endakali mende namba-kisa kolandatamo doko, baa Goteme pyoo nyeta. Baa namba-kisa kamaka pata, andakote ipata pyoo, nee nyoo nao katata.

1 Jone 4:6

Dopaka doko, naima Gotenya tata dupame pii lelyamanopa, endakali Gote masingima dupame naimanya pii dupa singima. Endakali Gote tata daa dupame naimanya pii dupa nasingima. Dopa pilyami dokome, kiningi lenge Spirita dokopa, sambo lenge spirita dokopa, dolapo dopale-lamona lao panelyamopa naimame kandenge.

3 Jone 1:14

Nambame yapa emba kanja ipupala, enomba kandao pii langipu laka lao masilyo. Emba mona yaepao katape. Embanya kaita miningi dupame emba auu pyoo katape lelyamino. Naimanya kaita miningi dupa, mendai-mendai lao kenge latala, auu pyoo kalyepape lelyamona lao lamaiyakape.