Jone 10:18 - Enga Niu Tesamene

¹⁸ Namba kumatale lao endakali mendeme nambanya lete katenge doko nyokonyala naeyata. Lete katenge doko kame soo kumala penge dokopa, pilyoo nyingi dokopa, dolaponya kyeto doko namba-kisa singi. Dopa pipi lea pii doko nambanya Takange-kisa nyiona” lea.

Jone 10:18 Referans Kwoze

Ibru 2:9

Dopaka doko, naimame kandelyamano Jisasa doko kenge epepi, tii pipaepi, dupame kiŋi balu joo pyakamaitopa lao, Goteme baanya kondo kaenge dokome gii kuki mendalapo Jisasa baa enjele dupanya anasale jina latala, endakali dupa pitaka kumala naena lao baa tanda nao kumina lea.

Taitusa 2:14

Loo yalenge mana dupa pitakanya naima anjetae paleamanopa, naima Kraisa tata katao, mana epe dupa nee kaeyao minao kalyepale lao, Kraisa kumiamo dokome, naima mokao nyepala, naima-kisa koo mende nasina lao pyoo wasia.

Jone 10:17

Nambanya lete katenge doko yakinao kumapala dee tange nyotopa lao, namba tange kame soo kumala penge dokonya, nambanya Takange dokome namba auu kaenge.

Jone 14:31

Nambame Takange doko auu kaenge-lamo lao isa yuu dakenya endakali dupame kandena lao, Takange dokome lelyamoli pyoo nambame pingi. Dopana, naima panda dake yakinatala mona sakatalapa” lea.

Jone 6:38

Nambanya masingili pyoo pyaanya namba kaiti-kisa katao isa naepeo. Namba puu lea dokonya masingili pyoo pyaanya epeo.

Jone 15:10

Nambanya Takangenya mana setapae dupa wata-minao, baanya auu kaenge dokonya namba katenge. Dopa pingina, nyakamame nambanya mana setapae dupa wata-minao katatamino doko, nyakama nambanya auu kaenge dokonya katatami.

Jone 10:11

Namba sipisipi setao katenge epe doko. Sipisipi setao katenge epe dokome baanya sipisipi dupa kumala naena lao baa tange kame soo kumala penge.

Aposole 3:15

Dopa latala, akali lete katengenya tenge doko nyakamame pyao kumasiami. Pyao kumasiamino akali doko Goteme malunya sakatasia. Sakatasia doko nalimbame lengeme kandatala dokonya lao, nalimbame lao panao kalyambano.

Aposole 2:24

Dopa piaminoaka doko, kuminginya pupu lapae dokome kapa pao baa minatae nasepenge dokonyana, kumapala tanda nyingi dupanya nakatena lao Goteme baa malunya sakatasia.

Jone 5:30

“Nambanya auu kaengeme kalai mende napingi. Nambanya auu kaengeme kalai mende pitoo latala nambame kaitini kutala naenge. Namba puu lea Takange dokome kalai pii lelyali pyoo, nambame pingi. Takangeme pii dupa namba langilyamopa, baanya pii dupa nambame sepala endakali dupa yapenge. Dopa pilyo dokome, nambame endakali dupa tolao yapenge.

Aposole 2:32

Jisasa dokoaka Goteme malunya sakatasiamopa kandeama dupa pitakame lao panelyamano.

Jone 19:11

Dopa leamopa Jisasame yanu pyao, “Yakana lapenge kyeto doko Akali Ketae Katenge dokome emba nandiali doko, embanya kyeto dokome namba mende napipili. Dopana, namba anjoo emba dyomo akali dokome emba ita minao koo etete andake mende pyomona” lea.

Jone 5:26

Lete katenge Takange-kisa singi doko Ikiningi doko-kisa sina lao maiya.