Jone 10:16 - Enga Niu Tesamene

¹⁶ Nambanya sipisipi mendatupa kame dakenya nakalyamino dupa apata nambame lanyepenge. Lanyepatopa dupame nambanya pii setami. Dokopa sipisipi dupa pitaka tata mendai katataminopa, setao katenge mendaiyaka katata.

Jone 10:16 Referans Kwoze

1 Pita 2:25

Sipisipi wakale puu-puu petala kyakao paengemali pyoo, wamba nyakama kyakao paeyami. Dopaka doko, indupa nyakama pilyetala nyakamanya Sipisipi Setao Katenge, mona masingipi dupa isingi doko-kisa ipatelyamino.

Jone 11:52

Pii lea doko, Jisasa kumata dokome Juu tata dupa iki nisetana lao nalea. Baa kumata dokome Gotenya wane yuu waka dupanya katenge dupa nyoo pyasoo, kambu mendai jina latana lao lea.

Jone 6:37

Dopaka doko, nambanya Takange dokome namba dita endakali dupa pitaka namba katato dokonya ipatami. Namba katato dokonya ipatami dupa nambame tanga-tangapi kamaka watao pyasala naeyato.

Jone 10:27

Nambanya sipisipi dupa namba tange kandenge. Dupame nambanya pii doko sepala namba watao epengema.

Jone 10:11

Namba sipisipi setao katenge epe doko. Sipisipi setao katenge epe dokome baanya sipisipi dupa kumala naena lao baa tange kame soo kumala penge.

Revelesene 3:20

Sepe! Namba anda kambu dokonya katapala gata-gata lao kalyo. Endakali mendeme nambanya pii doko sepala anda kaita doko lumbatamo doko, namba baanya andaka kolandatala, baa-pipa nee nao pititambanopa, baa namba-pipa nee nao pititambaka.

1 Pita 2:10

Wamba nyakama Gote tata nakateami. Indupa nyakama Gote tata kalyamino. Wamba nyakamame Gotenya kondo kaenge doko nanyiami. Indupa nyakamame Gotenya kondo kaenge doko nyepelyamino.

2 Tesalonaika 2:13

Dopaka doko, Kamongonya mona setenge kaimii paluma, naimame nyakama masetala, koteaka lao Gote yaka pilyino lapenge. Spirita dokome nisetamopa, nyakama Gotenya latae dupa pyoo nyepae katao, kiningi pii doko kiningina lao masalapale lao, tee pia dokopa Goteme nyakama yapao nyia.

Matyu 17:5

Dopa lao kateamopa, kopa tii pipae mende ipupala dutupa sanga pia. Dokopa pii mende kopa tambetambe epea dokome lao pituu, “Dake nambanya Ikiningi mona setenge, nambame etete auu kaenge dokona, nyakamame baanya pii doko sakamaiyepape” lea.

Aposole 22:14

Dokopa baame lao pituu, ‘Naimanya yumbange dupanya Gote dokome baanya kalai pipenge doko embame masetenopa lao baame emba makande lea. Akali Tolatae doko kandatala, akali dokonya pii doko setenopa lao Goteme emba makande lea.

Aposole 15:14

Goteme akali tata waka dupa baanya kenge dokonya lanyotoo latala, tee pyao dokaita kanja epea doko, dopa pyoo epeana lao Saimoneme naima langyomo.

Ibru 13:20

Jisasanya taeyoko dokome pii etala naeyao sulu sepenge mende lao yaki pinya seteamo dokonya-kaita, mona yaepasingi Gote dokome naimanya Kamongo Jisasa, sipisipi setao katenge akali andake doko malunya sakatasia.

Jone 10:2

Dopaka doko, sipisipi lumbao nyingi kalomba dokonya-kaita epenge doko baa sipisipi setao katenge akali doko.

1 Pita 5:4

Dopa pyoo katataminopa, Sipisipi Setao Katenge Mupa doko panao ipatamopa, kiŋi balu mende nyakama nyetami. Kiŋi balu dokonya tii pipae doko etala naeyata.

Jone 10:3

Akali doko epelyamopa, sipisipi epenge kalomba doko isoo katenge akali dokome baanya kaita lumbakamaingi. Dokopa sipisipi setao katenge doko ipupala, baanya sipisipi dupa kenge lao wii lelyamopa, dupame baanya pii doko sepala baa watengema. Watelyaminopa baame dupa laminao kamaka penge.

Jone 10:4

Baanya sipisipi dupa pitaka laminao kalomba dokonya kamaka pyakalyetala, baa wambao penge. Dopa pilyamopa, baanya sipisipi dupame baanya pii sepala, nyakamanya akali doko-lumu lao masetala, baa watao pengema.

Jone 10:5

Dopaka doko, sipisipi dupame endakali waka mendenya pii sepala, endakali doko nyakama nakandenge mende-lumu lao masetala, baa watala naenya paka pengemana” lea.

Jone 17:20

“Nambame endakali dokaitanya iki loma sakamaiya naelyo. Endakali dokaitame pii lamaitami dupa sepala namba tungi pyatami endakali dupanya apata nambame loma sakamailyo.

Roma 11:25

Kaimii paluma, nyakamame angi masala naeyao, masingi akali kalyamanona lao masala naeyalapale lao, Gotenya masingi yalo petae dake nambame langitoo: Indupa Israele yangi dupame tuu pyoo mona kana jetae kalyamino. Mona kana jetaeyaka katao pao, akali tata waka Jisasa tungi pyatami dupa pitaka ipatami gii dokonya tuu latami.

Luku 15:8

“Enda mendenya silipa muni akalita setenge dokonya mendai alu pitamopa, baame lama kaiyepala, andaka potoma polao, kutakondape pyoo kutao muni doko nyepalaka kaeyala naeyatape?