Jone 10:14 - Enga Niu Tesamene

^14-15 Sipisipi setao katenge epe doko namba. Takange dokome namba kandelyamopa, nambame Takange doko kandenge. Mendai dopaka pyoo, nambanya sipisipi dupa namba tange kandelyopa, dupame namba kandengema. Tenge dokonya, nambanya sipisipi dupa kumala naena lao namba tange kame soo kumala penge.

Jone 10:14 Referans Kwoze

Jone 10:27

Nambanya sipisipi dupa namba tange kandenge. Dupame nambanya pii doko sepala namba watao epengema.

2 Timoti 2:19

Anda pipenge kana kyeto mende Gotenya seteamo doko sala-kao silyamo. Kana dokonya dapa lao pepa pyatae kalyamo: “Kamongome baanya endakali dupa, dupana lao kandenge.” Pii mende dapa lao pepa pyatae kalyamoaka: “Jisasa baa Kamongo dokona lao, lao panatami endakali dupa pitakame mana koo dupa yakinapengena” lao pepa pyatae kalyamo.

Jone 10:11

Namba sipisipi setao katenge epe doko. Sipisipi setao katenge epe dokome baanya sipisipi dupa kumala naena lao baa tange kame soo kumala penge.

1 Jone 5:20

Gote Ikiningi doko ipupala, kiningi pii lenge Gote doko masalapale lao, naima masepae diana lao naimame masilyamanoaka. Kiningi pii lenge Gote dokopa, baanya Ikiningi Jisasa Kraisapa, dolapo-kisa naima kalyamano. Jisasa Kraisa baa Gote angi, lete etete katenge dokonya tenge doko.

Epesusa 1:17

Nyakamame Gote auu pyoo masalapale lao, naimanya Kamongo Jisasa Kraisanya Takange Gote, etete tii pipae dokome baanya masepae epe dupapi, yalo petae dupapi, dupa panasingi Spirita doko nyakama dina lao nambame loma sekenge.

Jone 17:3

Emba Gote kiningi mendai iki dokopa, embame epena leeno Jisasa Kraisa dokopa, dolapo masingi doko lete etete katenge dopale.

Revelesene 2:2

Embanya kalai pingi dupa nambame kandenge. Embame yakinala naeyao, lekeleke tao, kyeto joo kalai pingipi, endakali koo pingi dupa-pipa nakatengepi, dupa nambame kandengeaka. Endakali mendapuame nyakama aposole kalyamanona lengema dupa kiningipi lao nyakamame makande petala, dupa sambo-lamona lao kandateami.

2 Timoti 1:12

Tenge dokonya, namba tanda nao kalyo. Dopaka doko, nambame tungi pingi Gote doko nambame masingi. Namba kalai dake pyaale lao diamo Gote dokome yakinala naeyao, kalai dake isoo katao yuu etata gii dokonya tuu lapengena lao nambame masilyo. Tenge dokonya, namba elya nakaelyo.

Pilipae 3:8

Nambanya Kamongo Jisasa Kraisa doko nambame masilyo doko etete yalena lao nambame masetala, waka dupa pitaka angi mende daa-lamo lao masilyo. Kraisa kalyamo dokonya pupala, namba baa-kisa katatoo lao masetala, waka dupa pitaka ai pyapae-lamo lao kandatala yakineo. Mosesanya loo dupa wata-miningi dokonya-kaita namba tolatae nakalyo. Kraisa tungi pingi endakali dupa Goteme tolataena lenge dokonya, Kraisa tungi pingi dokonya-kaita namba tolatae kalyo.

Epesusa 3:19

Gote-kisa epe tumbatae katenge dupa pitaka nyakama-kisa tumbasetamopa, Kraisanya auu kaenge etete andake, endakalimi dopalena lao masala naeyapenge doko nyakamame masalapale lao nambame loma sekelyoaka.

Jone 17:8

Embame pii lamaipi lao namba langiino dupa nambame dokaita lamaitio. Pii lamaiyo dupa dokaitame soo nyepala, kiningi embame namba puu lea-lamo lao masilyamino.

Revelesene 2:19

Embame kalai pingipi, endakali auu kaengepi, Gote tungi pingipi, endakali nisingipi, kenda soo maka nakaengepi, dupa nambame kandenge. Embame kalai indupa pilyino dupame kalai wamba piino dupa ita minilyamo doko nambame kandelyoaka.

Revelesene 2:13

Embanya kalai pingipi, Satanenya kiŋi toko singi dosa katengepi, dupa nambame kandenge. Akali Antipasa lenge dokome yakinala naeyao nambanya kenge doko lao panao kateamopa, Satane katenge panda dokonya, akali mendapuame nyakamanya kainanya baa pyao kumasiami. Dopa piaminopapi, embame nambanya kenge doko minakondape petala, namba tungi pingi doko yakinala naeye.

2 Korina 4:6

Naimame Jisasa Kraisa kandatala, Gotenya tii pipae doko dopalena lao masalapale latala, iminjetae dokonya tii pina lea Gote dokome baanya tii pipae doko naimanya mona andaka tii pina lea.

Revelesene 3:15

Embanya kalai pingi dupa nambame kandenge. Emba endaki kii napae joo nakatenge. Emba endaki itaita pipae joo nakatengeaka. Emba endaki kii napaepa, itaita pipaepa, dolaponya mende joo katapi laka lao nambame masilyo.

Revelesene 3:8

Embanya kalai pingi dupa nambame kandenge. Emba-kisa kyeto kuki siamoaka doko, nambanya pii doko embame wata-minatala, nambanya kenge doko yapae napii. Tenge dokonya, embanya enomba dokonya nambame kaita lumbanya setekelyo doko mendeme pai laa naeyata.

Revelesene 2:9

Embanya kalai pingipi, kenda soo katengepi, emba daa jingipi, dupa nambame kandenge. (Dopaka doko, angi emba kamongo kalyeno.) Endakali mendapuame nyakama lao nepelyamino dupa nambame kandengeaka. Endakali dokaitame nyakama Juuna lengemaka doko, dokaita angi Juu daa. Dokaita Satanenya lotuu anda dokonya petengema.

Revelesene 3:1

“Sadisa siosa dokonya enjele kalyamo dokonya dapa lao pepa pyao pyasakamaipi: ‘Gotenya spirita kalange dutupapi, bui kalange dutupapi, dutupa minatae katenge akali dokome dapa lelyamo: Embanya kalai pingi dupa nambame kandenge. Emba kenge simupa kalyeno. Dopaka doko, angi emba kumapae kalyeno.

Jone 10:13

Yole kalai pingi akali dokome yolenya iki masoo kalai pingi. Dopa pilya dokome, sipisipi dupa nee nakaenya baa paka penge.