Jone 10:10 - Enga Niu Tesamene

¹⁰ Pake nenge dokome sipisipi dupa pake nyepa, koeyaseta, pyao kumaseta pyaanya epenge. Dopaka doko, namba epeo doko, sipisipi dupa lete katenge doko nyepala, auu pyoo katataminopa lao epeo.

Jone 10:10 Referans Kwoze

Luku 19:10

Aipumape, Akalinya Ikiningi dokome endakali alu petae dupa kutao pyoo nyalanya epeana” lea.

Jone 6:51

Breta lete katasingi kaiti-kisa katao isa yuu dakenya epeamo doko namba. Endakali dupa lete katataminopa lao breta dilyo doko nambanya yonge dokona, endakali mendeme natamo doko, baa lete etete katatana” lea.

Jone 12:47

Namba isa yuu dakenya epeo doko, endakali dupa yapalanya naepeo. Nambame endakali dupa pyoo nyalanya epeo. Tenge dokonya, endakali mendeme nambanya pii dupa sepala wata-minala naeyatamo doko, nambame baa yapala naeyatoaka.

Jone 6:33

Kaiti-kisa katao isa ipupala, yuu dakenya endakali dupa pitaka lete katenge maingi akali doko, Gotenya breta dokona” lea.

Jone 3:17

Isa yuu dakenya endakali dupa-kisa tenge setapala tanda maitamopa lao, Goteme baanya Ikiningi doko isa yuu dakenya epena laa naeya. Baanya Ikiningi dokome isa yuu dakenya endakali dupa pyoo nyina lao epena lea.

1 Timoti 1:15

Pii lapae dake kiningina lao soo nyepenge: Endakali koo pingi dupa pyoo nyalanya, Jisasa Kraisa baa isa yuu dakenya epea. Endakali koo pingi dupa pitaka ita minao, nambame etete koo pyoo kateo.

Jone 10:1

Jisasame lao pituu, “Nambame nyakama etete kiningi langilyo: Endakali mende sipisipi kamenya andakote ipanya, sipisipi lumbao nyingi kalomba dokonya-kaita naepenya, waka mendasa-kaita kisoo pyakanatamo doko, baa makongao, pake nao paenge mende.

Matyu 20:28

Dopaka pyoo, Akalinya Ikiningi dokome baanya kalai pyekena lao naepea. Baame endakali dupanya kalai pyakamaiyoo, baa kumata dokome endakali longo sambao nyalanya epeana” lea.

Ibru 7:25

Tenge dokonya, Jisasa tungi pingi dokonya-kaita Gote kalyamo dokonya tengesa pelyamino endakali dupa, Goteme nisina lao Jisasame loma sakamaiyoo, baa kataowaka katenge. Dopa pingi dokonyana, baame endakali dupa etao pyoo nyingi.

2 Pita 1:11

Nyakamame mana dutupa wata-minataminopa, naimanya Kamongo, Pyoo Nyingi Jisasa Kraisanya kingdom kataowaka katapenge dokonya nyakama yaka ipaminona latala, mambo pyao lanyeta.

Ibru 6:17

Dopana, maitona lea dupa kiningi etete nyetamana lao masokondape pyoo dokaitame masina lao, masingi aloo napingi Gote dokome baanya pii doko kyeto tasalanya, baa tange kenge lea-pyaa.

Matyu 23:13

“Mosesanya loo mana nyepaepi, Parasipi, nyakama mana tolatae miningi manemane pingima dupa koeyatami. Nyakamame enda walyakae dupa minakasetala, yuu andapi dupa nyingima. Endakali waka dupame nyakama epena lao masina latala, loma londe pyoo singima. Tenge dokonya, nyakama kenda etete andake nyetami.

Roma 2:21

Emba dopa pingi dokome endakali waka dupa mana latala, emba tange mana laa naengepe? Endakali waka dupa pake nala naeyalapape lao embame mana latala, emba pake nengepe?

Matyu 18:10

“Wane koo datupanya enjele dupame koteaka lao nambanya Takange kaiti-kisa katenge dokonya enomba kandengemana, nyakamame dupanya mendaipi mende kandanya palyala naeyalapape lao nambame nyakama langilyo.

Make 11:17

Dopa latala baame dokaita mana lamaiyoo, “ ‘Nambanya anda doko akali tata dupa pitakanya loma singi anda latamina’ lao pepa pyapae nasilyape? Dopaka doko, nyakamame nambanya anda doko pake nenge dupanya yalo pingi panda jetelyaminona” lea.

Jone 12:6

Baame lea doko, endakali daa jepae dupa nee kaeyapala laa naeya. Baame muni bokosa doko isingi dokonyana, dupanya mendapu waa katao pake nyingi dokome dopa lea.

Matyu 21:13

Dopa petala baame dokaita lamaiyoo, “ ‘Nambanya anda doko loma singi anda latamina’ lao pepa pyapae silyamo. Dopaka doko, nyakamame nambanya anda doko pake nenge dupanya yalo pingi panda jetelyaminona” lea.

Jone 5:40

Dopaka doko, nyakamame namba-kisa lete katenge doko nyala naepenya tuu pilyamino.

Jone 10:11

Namba sipisipi setao katenge epe doko. Sipisipi setao katenge epe dokome baanya sipisipi dupa kumala naena lao baa tange kame soo kumala penge.

Matyu 18:11

Aipumape, Akalinya Ikiningi dokome endakali alu petae dupa pyoo nyalanya epea.