Jone 1:51 - Enga Niu Tesamene

⁵¹ Dopa latala Jisasame lao pituu, “Nambame nyakama etete kiningi langilyo: Kaiti doko lumbapae setamopa, Akalinya Ikiningi doko-kisa Gotenya enjele dupa lalyoo lanao pyoo katataminopa nyakamame kandatamina” lea.

Jone 1:51 Referans Kwoze

Aposole 7:56

Kandatala baame lao pituu, “Salapape! Kaiti doko saa papa laloo pimupa, Akalinya Ikiningi doko Gotenya kingi tolaetena katamupa nambame kandelyona” lea.

Luku 22:43

Dokopa kaitinya enjele mende ipao kalyu petala, baa kyeto maiya.

Luku 2:13

Dokopa kaiti-kisa katenge amii longo mendapu ipao enjele doko-pipa kalyu petala, Gote mambo pyao dapa leami:

Make 14:62

Dokopa Jisasame lao pituu, “Doko namba. Akalinya Ikiningi doko Gote etete kyeto dokonya kingi tolaetena pituu, kaitinya kopa tambetambe ipatamopa nyakamame kandatamina” lea.

Make 1:10

Baa kaimbu nyepala, endaki ketae pyakalyulu petala kandeamopa, kaiti doko saa papa laloo petala, Spirita doko yaka maiyolee joo lanao ipao baa-kisa petea.

Matyu 3:16

Jisasa kaimbu nyepala, endaki ketae pyakalyulu petala kandeamopa, kaiti doko saa papa laloo petala, Gotenya Spirita doko yaka maiyolee joo lanao ipao baa-kisa petea.

Aposole 10:11

Dokopa baame kandeamopa, kaiti doko saa papa laloo petala, lapalapa jepae yale mende, denge kitomende dutupanya kende katatae doko minatae katao, isa yuunya setala epea.

Luku 3:21

Eroteme Jone anjinya pyandala naeyamopa, endakali epeami dupa pitaka kaimbu pyakamaiyamo dokonya, Jisasa apata kaimbu pyakamaiyaka. Jisasa kaimbu nyepala loma soo kateamopa, kaiti doko saa papa laloo pia.

Matyu 4:11

Dopa lateamopa Sataneme Jisasa yakinatala pea. Dokopa enjele mendapu ipupala baa nisiami.

Revelesene 19:11

Dokopa kaiti doko lumbapae siamopa, osa kyeo lapae mende kateamo kandeo. Akali mende osa dokonya petea dokonya kenge doko, Tungi Pyapenge dokopa, Kiningi Pii dokopa, dolapo lenge. Baame mana tolatae minao endakali dupa yapenge. Baame mana tolataeyaka minao endakali koo dupa yanda pimaingi.

Revelesene 4:1

Dopa lateamopa, kaiti-kisa kaitini mende lumbapae siamo kandeo. Dokopa, wamba trampeta pili lao pii leamopa sio dokomeaka namba langyoo, “Tanga pipenge dupa emba kanjale panasotoo, emba dakenya pyakalya” lea.

2 Tesalonaika 1:7

Kamongo Jisasa baa kaiti-kisa katao, baanya enjele kyeto dupa-pipa itate yuli-pipa tambetambe panao ipata gii dokopa, nyakama kenda nyilyamino dupa naima-pipa mona yaepao Goteme koto kalyepa lata. Gii dokopa endakali Gote masala naengepi, naimanya Kamongo Jisasanya wai pii epe doko wata-minala naengepi, dupanya koo dupa yanu pyakamaita.

Luku 2:9

Kateaminopa, Kamongonya enjele mende ipupala akali dupa-pipa kalyu piamopa, Kamongonya tii pipae andake dokome dokaita-kisa tii piyoko lea. Tii piyoko leamo doko akali dupame kandatala etete pakame kumiami.

Ibru 1:14

Enjele dupa pitaka Gotenya kalai pyakamaingi spirita mendapu. Dupame Gotenya kalai pyakamaiyoo, Goteme pyoo nyepenge endakali dupa nisoo kalya pena lenge.

1 Timoti 3:16

Gote wata-minao katenge dokonya pii yalo petae doko etete andake mende. Pii doko naimame lao panelyamano dakena salapape: Gote baa endakali jetala isa yuu dakenya epea. Baa akali tolataena lao Spirita dokome panasia. Baa enjele dupame kandeami. Baanya pii lapae doko akali tata dupa pitaka lamaiyoo taeyami. Baa yuunya endakali dupame tungi piami. Baa kaiti-kisa tii pipae dokonya lanyoo pea.

Jone 10:1

Jisasame lao pituu, “Nambame nyakama etete kiningi langilyo: Endakali mende sipisipi kamenya andakote ipanya, sipisipi lumbao nyingi kalomba dokonya-kaita naepenya, waka mendasa-kaita kisoo pyakanatamo doko, baa makongao, pake nao paenge mende.

Luku 22:69

Dopaka doko, indupa pituu Akalinya Ikiningi doko, Gote etete kyeto dokonya kingi tolaetena pilyapomona” lea.

Matyu 25:31

“Tanga Akalinya Ikiningi doko baanya tii pipae dokonya pituu, enjele Gotenya latae dupa pitaka-pipa ipata. Ipupala baanya kiŋi toko tii pipae dokonya pitita.

Judu 1:14

Adamenya mandipaenya mandipae dupanya kalange pyoo, akali Enoko dokome propesi pii mende dokaitanya lao dapa lea-pyaa: “Salapape! Gote wata-minala naeyao koo kalai piamipi, baa lao nepeamipi, endakali dupa pitaka kopeta piamina lao tenge setapala tanda maiyanya, Kamongome enjele baanya latae tausene-tausene dupa-pipa epelyamona” lea-pyaa.

2 Tesalonaika 1:9

Kamongo ipata gii dokopa, baame endakali dupa tanda maiyoo etao koeyasetamopa, baanya enomba dokopa, baanya kyeto dokonya tii pipae dokopa, dolapo tanga-tangapi nakandatami. Gii dokopa, endakali baanya latae dupame baa lalyoo kenge andake maitami. Gotenya pii nyakama panao langiamano dupa kiningina lao nyakamame masiamino dokonya, naimapi, nyakamapi Kamongo tungi pingi dupa pitakame Kamongo kandatala, auu kaeyao mambo pyao katatama.

Jone 14:12

Nambame nyakama etete kiningi langilyo: Nambame kalai pilyo dupa pitaka namba tungi pyatami endakali dupame pitami. Nambanya Takange doko katenge dokonya namba pelyo dokome, kalai pipupa kandamino dupa ita minao, nyakamame kalai etete andakele mendapu pitami.

Jone 6:47

Nambame nyakama etete kiningi langilyo: Namba tungi pingima endakali dupa-kisa lete etete katenge doko singi.

Luku 24:4

Nasiamosa aipa pyaape lao etete tatake kaeyao kateaminopa, akali lapoma yonge pee etete kyeo lao polepole pipae pingi mendalapo ipao kalyu piambi.

Matyu 26:24

Akalinya Ikiningi doko kumala pupengena lao pepa pyapae singi dokonya, dopaka pyaapomo. Dopaka doko, Akalinya Ikiningi doko yandapipi dupanya kinginya maiyapomo akali doko baa koeyalapomo! Akali doko endangimi namandeali doko yaka jialina” lea.

Jone 21:18

Nambame emba etete kiningi langilyo: Wamba emba wane kole kateeno dokopa, emba tange yonge pee dupa nyoo petala, patoo lao masiino dupanya pee. Dopaka doko, emba lyanga jete gii dokopa, embanya kingi dolapo tinokotenopa, endakali waka mendeme embanya yonge pee doko nyoo petakala, emba napatoo lao masete panda dokonya laminao patana” lea.

Jone 8:51

Nambame nyakama etete kiningi langilyo: Endakali mendeme nambanya pii doko wata-minatamo doko, baa tanga-tangapi kumingi doko nakandatana” lea.

Jone 6:32

Dokopa Jisasame dokaita lamaiyoo, “Nambame nyakama etete kiningi langilyo: Kaiti-kisa-tae breta doko Mosesame nyakama nandia. Nambanya Takange dokome kaiti-kisa-tae breta angi doko nyakama dingi.

Jone 3:5

Dopa leamopa Jisasame yanu pyao, “Nambame emba etete kiningi langilyo: Endakipa Spiritapa dolapome endakali mende ŋaŋa joo manja naeyatamo doko, Gotenya Kingdom dokonya kapa pao kolandala naeyata.

Jone 16:20

Nambame nyakama etete kiningi langilyo: Isa yuu dakenya endakali dupa eteke pyao mona yaepao katataminopa, nyakama yamataka lao ee lao katatami. Nyakama mona kenda kaeyao katatamiaka doko, tanga nyakama mona yaepao katatami.

Jone 13:16

Nambame nyakama etete kiningi langilyo: Kalai akali mendeme baanya isingi akali doko ita naminingi. Wai minao penge endakali mendeme wai minao pena lenge endakali doko ita naminingiaka.

Jone 10:7

Dopa piaminosa Jisasame deaka dokaita lamaiyoo, “Nambame nyakama etete kiningi langilyo: Sipisipi dupa kolandapenge kalomba doko namba.

Jone 6:53

Dokopa Jisasame dokaita lamaiyoo, “Nambame nyakama etete kiningi langilyo: Akalinya Ikiningi dokonya yonge taeyokopa dolapo nyakamame nanatamino doko, lete katenge doko nyakama-kisa naseta.

Jone 5:27

Baa Akalinya Ikiningi dokonyana, endakali dupa pitaka yapena lao kyeto doko Ikiningi doko maiyaka.

Jone 5:19

Dokopa Jisasame dokaita lamaiyoo, “Nambame nyakama etete kiningi langilyo: Takange dokome kalai mende pilyamopa, Ikiningi dokome kandenge dokoaka Ikiningi dokome pingi. Ikiningi dokome iki masoo kalai mende napingi. Tenge dokonya, Takange dokome kalai pingili pyoaka Ikiningi dokome pingi.

Jone 3:3

Dopa leamopa Jisasame baanya pii yanu pyakamaiyoo, “Nambame emba etete kiningi langilyo: Endakali mende dee ŋaŋa joo manja naeyatamo doko, Gotenya kingdom doko baame kapa pao nakandatana” lea.

Matyu 9:6

Akalinya Ikiningi dokome isa yuu dakenya katao, endakalinya koo dupa kunao nepenge kyeto doko baa-kisa singi-lamo lao kanjepalena” lea. Dopa latala baame akali papa tambutae doko lamaiyoo, “Emba sakatatala, embanya lapa toko doko nyoo soo andaka puu” lea.

Matyu 8:20

Dopa leamopa Jisasame baa lamaiyoo, “Yana kapu dupanya palenge yuli dupa singi. Yaka ketae paenge dupanya palenge anda dupa katenge. Dopaka doko, Akalinya Ikiningi dokonya palenge panda mende nasingina” lea.

Jone 16:23

Gii dokopa nyakamame namba-kisa dopale mende tee laa naeyatami. Takange doko-kisa nambanya kengenya dopale mende nyakamame tee lataminopa baame nyakama ditana lao nambame nyakama etete kiningi langilyo.

Jone 13:38

Dokopa Jisasame baanya pii yanu pyakamaiyoo, “Namba kumapenge dokonya kiningi emba alo pyoo kumatepe? Nambame emba etete kiningi langilyo: Yaka pauli pii laa naeyatamopa, paa tepomasa embame namba nakandengena laapenona” lea.

Jone 8:58

Dokopa Jisasame dokaita lamaiyoo, “Nambame nyakama etete kiningi langilyo: Abraame manja naengesa, namba wamba-waka kateo dokoaka katengena” lea.

Jone 8:34

Dopa leaminopa Jisasame yanu pyakamaiyoo, “Nambame nyakama etete kiningi langilyo: Endakali koo pingi dupa pitaka koonyaka kendemane katengema.

Jone 6:26

Dokopa Jisasame dokaitanya pii yanu pyakamaiyoo, “Nambame nyakama etete kiningi langilyo: Nambame mirakolo pipupa kandamino dokonya, nyakamame namba kutao naepelyamino. Nyakama breta nao tiaka kaeyamino dokonya, namba kutao epelyamino.

Jone 1:50

Dokopa Jisasame baa lamaiyoo, “Nambame emba piki ita tenge dokonya katapinopa kanjona lelyo dokonya, embame namba tungi pilyipi? Nambame emba kanjona lelyo doko ita minao kalai etete andake mendapu kanjapenona” lea.