Jone 1:43 - Enga Niu Tesamene

⁴³ Yuu gii mende dokonya Jisasa baa Galali yuu dokonya patoo lao pea. Pupala, Pilipa kandao nyepala baa lamaiyoo, “Emba namba watao ipu” lea.

Jone 1:43 Referans Kwoze

Jone 14:8

Dopa leamopa Pilipame baa lamaiyoo, “Kamongo, embame Takange doko naima laitaka pii. Laitaka pitino doko yakana lao naimame masalamanona” lea.

Matyu 9:9

Jisasa baa yuu doko yakinatala pao pituu, akali Matyu lenge mende, takisa nyingi anda dokonya peteamo kandatala baa lamaiyoo, “Emba namba watao ipu” lea. Dokopa baa sakatatala Jisasa watao pea.

Jone 12:21

Yuu Galali dokonya taono Betsaida tange akali Pilipa doko katea dokonya Giriki dokaita ipupala baa lamaiyoo, “Kaimii, naimame Jisasa kandamu laka lao masilyamanona” leami.

1 Jone 4:19

Goteme naima wambao auu kaeyamo dokonya, naimame Gote auu kaelyamano.

Jone 6:5

Baa petea dokonya endakali kambu andake mende epeamino kandatala, Jisasame Pilipa lamaiyoo, “Endakali dakaita breta nena anja-tae sambakamaimape?” lea.

Pilipae 3:12

Kraisanya mana dupa nambame nyoo etapala, indupa mana dupanya akali angi kalyona laa naelyo. Jisasa Kraisame baanya mana dupanya angi jatale lao namba minatae katengeli pyoo, nambame koteaka lao baanya mana dupanya namba angi jotoo lao mana dupa minatae kalyo.

Jone 1:28

Endaki Jodane omotena Joneme kaimbu pyao kateamo, yuu Betani dokonya dupa pia.

Luku 19:10

Aipumape, Akalinya Ikiningi dokome endakali alu petae dupa kutao pyoo nyalanya epeana” lea.

Matyu 10:3

Pilipapi, Batalomyuapi, Tomasapi, takisa nyingi Matyuapi, Alopiusa ikiningi Jemesapi, Lebiusa kenge mende Tadiusa lenge dokopi,

Jone 6:7

Dokopa Pilipame baanya pii yanu pyakamaiyoo, “Naimame silipa muni 200-tame breta sambapala endakali dakaita pitaka kuki lao nena maitamanopapi kapa napapome-lamona” lea.

Jone 1:35

Yuu gii mende dokonya Jone baanya disaipolo lapoma-pipa dee ipao kateami.

Matyu 4:12

Jone anjiami lapae doko Jisasame sepala, baa Galali pilyia.

Matyu 8:22

Dopa leamopa Jisasame baa lamaiyoo, “Endakali kumapae dupame nyakamanya kumapae yango dupa malu pina emba kaeyapala, namba watao ipu” lea.

Jone 1:29

Yuu gii mende dokonya, Jisasa epeamo kandatala Joneme lao pituu, “Isa yuu dakenya endakali dupa pitakanya koo dupa nyoo nepenge, Gotenya Sipisipi Ŋaŋa doko epelyamona kanjepa.

Jone 1:44

(Pilipa baa Betsaida tange. Andruapa, Pitapa dolapo siti dokonyaka tange.)

Jone 2:11

Yuu Galali taono Kena dokonya, Jisasame mirakolo pia dupa pitakanya mirakolo dake wambao pia. Dopa pia dokome, baanya tii pipae doko paneamosa, baanya disaipolo dupame baa tungi piami.

Jone 1:37

Baame leamo doko sepala, disaipolo dolapome Jisasa watao peambi.