Jone 1:15 - Enga Niu Tesamene

¹⁵ Joneme wii lao, “ ‘Akali nambanya maitanya epelyamo doko namba ipa naeyopa baa ipatea. Namba namandengesa baa katea-pyaana’ lapu doko akali dake lao lapuna” lao, lao panea.

Jone 1:15 Referans Kwoze

Matyu 3:11

“Nyakama mona kapilyalapale lao nambame endakimi kaimbu pyekelyo. Dopaka doko, akali mende nambanya maitanya epelyamo dokonya kyeto dokome namba ita minilyamo. Baanya moko pee dolapo nyoo minakamaiyanya, namba epe daa. Baame Oli Spiritame nyakama kaimbu pyakata.

Kolosi 1:17

Yuupa kaitipa dolaponya silyamo dupa pitaka nasiamopa, Kraisa baa wamba-waka katea-pyaa. Baame dupa pitaka minatae katenge.

Jone 17:5

Apane, yuupa kaitipa dolapo nasiamopa tii pipae nalimba-kisa siamo dokomeaka embanya enomba dokonya namba kenge andake dipi.

Luku 3:16

Joneme dokaita pitaka lamaiyoo, “Nambame nyakama endakimi kaimbu pyekelyo. Dopaka doko, akali mende nambanya maitanya epelyamo dokonya kyeto dokome namba ita minilyamo. Baanya moko pee dolaponya kende tata lakamaiyanya, namba epe daa. Baame Oli Spiritapa, itate kaiyepaepa dolapome nyakama kaimbu pyakata.

Jone 8:58

Dokopa Jisasame dokaita lamaiyoo, “Nambame nyakama etete kiningi langilyo: Abraame manja naengesa, namba wamba-waka kateo dokoaka katengena” lea.

Revelesene 2:8

“Semena siosa dokonya enjele kalyamo dokonya dapa lao pepa pyao pyasakamaipi: ‘Akali mende kumapala lete kalyamo doko, wambao doko baaka, etao doko baaka. Akali dokome dapa lelyamo:

Ibru 13:8

Jisasa Kraisa doko aloo napyoo wamba kateamo dokoaka indupa kalyamo. Mendai dokoaka tanga-tangapi kataowaka katata.

Jone 1:27

Nambanya maitanya akali epelyamo lelyo doko namba namandengesa baa wamba-waka katea-pyaa. Baanya moko pee dolaponya nambame kende tata lakamaiyanya, namba epe daana” lea.

Make 1:7

Baame endakali dupa lamaiyoo, “Akali mende nambanya maitanya epelyamo dokonya kyeto dokome namba ita minilyamo. Namba luma lakapala, baanya moko pee dolaponya kende tata lakamaiyanya, namba epe daa.

Revelesene 1:11

Pii dokome lao pituu, “Embame kandelyeno dupa buku mendenya pepa pyapala, Epesusapi, Semenapi, Pegamumapi, Taeyataitapi, Sadisapi, Piladelepiapi, Laodisiapi, siosa kalange dutupanya pyasakamaipi” lea.