Jone 1:1 - Enga Niu Tesamene

¹ Yuupa kaitipa dolapo nasiamopa, Pii doko wambao katea-pyaa. Pii doko Gotepa tole kateambi-pyaa. Pii doko baa Gote.

Jone 1:1 Referans Kwoze

Jone 17:5

Apane, yuupa kaitipa dolapo nasiamopa tii pipae nalimba-kisa siamo dokomeaka embanya enomba dokonya namba kenge andake dipi.

Revelesene 19:13

Baa yonge pee londe taeyokonya poeyanyetae mende petae katea. Baanya kenge doko Gotenya Pii dokona lengema.

Kolosi 1:17

Yuupa kaitipa dolaponya silyamo dupa pitaka nasiamopa, Kraisa baa wamba-waka katea-pyaa. Baame dupa pitaka minatae katenge.

Jone 1:14

Pii doko endakali jetala, baa naimanya kainanya katea. Kateamopa naimame baanya tii pipae doko kandeama. Takange Gotenya Ikiningi mendai iki doko-kisa tii pipae doko singi. Kondo kaenge dokopa, kiningi pii dokopa, dolapo Takange Gotenya Ikiningi mendai iki doko-kisa tumbao epeamopa kandeama.

Revelesene 22:13

Dupa pitaka tee pingipi, etasingipi doko namba. Tee pingi dokopa, etenge dokopa, dolapo namba. Wambao dokopa, etao dokopa, dolapo nambakana” lea.

Jone 1:2

Yuupa kaitipa dolapo nasiamopa, Pii doko Gotepa tole kateambi-pyaa.

Revelesene 1:8

Kamongo Goteme dapa lelyamo: “Dupa pitaka tee pingipi, etasingipi doko namba. Wamba-waka kateo, indupa kalyo, tanga-tangapi kataowaka katato doko nambaka. Namba Gote Eteteaka Kyeto Singi dokona” lelyamo.

Pilipae 2:6

Kraisa baa Gote waingi tapaeyaka doko, baa Gote-pipa kapa lao kalyona lao masetala, baa tange nisotoo lao masala naeya.

Revelesene 21:6

Dopa latala baame dee namba langyoo, “Dupa pitaka tee pingipi, etasingipi doko namba. Wambao dokopa, etao dokopa, dolapo nambaka. Endakali mende endaki nanu kaeyatamo doko, lete katasingi endaki lee kuingi dokonya nambame mee nena lato.

Ibru 13:8

Jisasa Kraisa doko aloo napyoo wamba kateamo dokoaka indupa kalyamo. Mendai dokoaka tanga-tangapi kataowaka katata.

1 Jone 5:20

Gote Ikiningi doko ipupala, kiningi pii lenge Gote doko masalapale lao, naima masepae diana lao naimame masilyamanoaka. Kiningi pii lenge Gote dokopa, baanya Ikiningi Jisasa Kraisapa, dolapo-kisa naima kalyamano. Jisasa Kraisa baa Gote angi, lete etete katenge dokonya tenge doko.

1 Timoti 3:16

Gote wata-minao katenge dokonya pii yalo petae doko etete andake mende. Pii doko naimame lao panelyamano dakena salapape: Gote baa endakali jetala isa yuu dakenya epea. Baa akali tolataena lao Spirita dokome panasia. Baa enjele dupame kandeami. Baanya pii lapae doko akali tata dupa pitaka lamaiyoo taeyami. Baa yuunya endakali dupame tungi piami. Baa kaiti-kisa tii pipae dokonya lanyoo pea.

Jone 16:28

Namba Takange-kisa katao isa yuu dakenya epeo. Indupa isa yuu dake yakinatala Takange katenge dokonya patoana” Jisasame lea.

Revelesene 1:17

Dopa piamopa nambame baa kandatala, baanya moko katea dosa kumapae joo lombapae sio. Dokopa baanya kingi tolaetena namba-kisa setapala lao pituu, “Wambao doko namba, etao doko nambakana, emba paka nakaeyape.

Jone 20:28

Dokopa Tomasame baanya pii yanu pyakamaiyoo, “Emba nambanya Kamongo, nambanya Gote dokona” lea.

Taitusa 2:13

Mana langilyamo dupa naimame minao katao, naimanya Gote Andake, Pyoo Nyingi Jisasa Kraisa doko, baanya tii pipae dokonya pituu, panao ipatana lao nee kaeyao malisoo kalyamano.

Ibru 7:3

Melekisedekenya endangipi, takangepi, yumbangepi, tata palupi mende nakatenge. Baa-kisa tee pingi giipa, etenge giipa, dolaponya mende nasingiaka. Gotenya Ikiningi doko katengeli pyoo, baa prisa kataowaka katenge.

Revelesene 3:14

“Laodisia siosa dokonya enjele kalyamo dokonya dapa lao pepa pyao pyasakamaipi: ‘Goteme akali mende minatala tee pyao dupa pitaka pyoo injia dokome yakinala naeyao kiningi pii doko lao panenge. Akali dokome dapa lelyamo:

Epesusa 3:9

Dupa pitaka Jisasa Kraisa-kisa pyoo wasia Gote dokome kalai mende pitona lao, wamba-waka yalo pyoo masoo katea doko nambame endakali dupa pitaka tii pisoo lamaiyale lao namba kondo kaeya.

Revelesene 1:2

Gotenya pii lapae dupapi, Jisasa Kraisame pii lao panea dupapi, Joneme kandeapi, dupa pitaka Joneme lao panea.

1 Jone 5:7

Kraisa baa endakipa, taeyokopa dolapo lapotanya-kaita epeana lao, Spiritapi, endakipi, taeyokopi tepoma dutupame pii mendai dokoaka lao panelyamino.

Roma 9:5

Abraamepi, Aisakepi, Jekopepi dutupa Israele tata dupanya yumbange. Israele dupanya tata dokonya Kraisa baa endakali jia. Baa yuupi, kaitipi dupa pitaka isingi Gote doko. Tanga-tangapi baa iki auu petae! Doko kiningi.

Jone 1:18

Yuu mendaipi mende endakali mendeme Gote nakandea. Gotenya Ikiningi mendai iki, baa Takangepa tole katenge dokome Gote baa dopalena lao, lao panea.

Revelesene 2:8

“Semena siosa dokonya enjele kalyamo dokonya dapa lao pepa pyao pyasakamaipi: ‘Akali mende kumapala lete kalyamo doko, wambao doko baaka, etao doko baaka. Akali dokome dapa lelyamo:

2 Pita 1:1

Namba Simione Pita. Namba Jisasa Kraisanya kalai akali. Namba Jisasa Kraisanya aposoleaka. Naimanya Gote, Pyoo Nyingi Jisasa Kraisame mana tolatae miniamo dokonya-kaita, naimame baa tungi pilyamanoli pyoo, nyakamame tungi pilyamino dupanya nambame pepa dake pyao peekelyo.

Revelesene 1:11

Pii dokome lao pituu, “Embame kandelyeno dupa buku mendenya pepa pyapala, Epesusapi, Semenapi, Pegamumapi, Taeyataitapi, Sadisapi, Piladelepiapi, Laodisiapi, siosa kalange dutupanya pyasakamaipi” lea.

Luku 24:53

Pilyetala lotuu anda nee nyetae kamapu dokonya koteaka lao Gote baa auu petaena lao mambo pyao kateami. Doko kiningi.

Jone 8:58

Dokopa Jisasame dokaita lamaiyoo, “Nambame nyakama etete kiningi langilyo: Abraame manja naengesa, namba wamba-waka kateo dokoaka katengena” lea.

Kolosi 1:15

Endakali mendeme nakandenge Gote dokonya Ikiningi doko Gote waingi tapae. Goteme wasia dupa pitaka ita minao, baa wambao mandipae.