Jemesa 2:5 - Enga Niu Tesamene

⁵ Nambanya mona setenge kaimii paluma, nyakamame salapape. Yuunya tipya joo katenge endakali dupa Jisasa tungi pingi dokonya kamongo joo katataminopa lao Goteme yapao nyia. Gote auu kaenge endakali dupa baanya kingdom etete maitona leamo doko nyetaminopa latala yapao nyia.

Jemesa 2:5 Referans Kwoze

Matyu 5:3

“Endakali imambunya daa jepae dupa Goteme auu pisingi. Kingdom kaiti-kisa singi doko auu pisetae dupanya.

Luku 6:20

Dokopa Jisasame baanya disaipolo dupa lengeme kandatala dapa lea: “Nyakama daa jepae dupa Goteme auu pisingi. Baanya kingdom doko nyakamanya.

Revelesene 2:9

Embanya kalai pingipi, kenda soo katengepi, emba daa jingipi, dupa nambame kandenge. (Dopaka doko, angi emba kamongo kalyeno.) Endakali mendapuame nyakama lao nepelyamino dupa nambame kandengeaka. Endakali dokaitame nyakama Juuna lengemaka doko, dokaita angi Juu daa. Dokaita Satanenya lotuu anda dokonya petengema.

2 Korina 8:9

Naimanya Kamongo Jisasa Kraisanya kondo kaenge doko nyakamame masilyamino. Baa Kamongoaka doko, baame nyakama kamongo jisetala nyakama-kisa longo sina lao baa daa jepae mende jia.

Luku 12:21

Endakali mendeme baa tange iki masetala oapi longo nyoo setao katao, Gotenya kalai dupa nisala naeyata doko-kisa dopaka pitana” lea.

Jemesa 1:12

Makande pipae dupa ipatamopa, akali mendeme Jisasa tungi pingi doko yakinala naeyao minatae katatamo doko, baa Goteme auu pisetae. Gote auu kaenge endakali dupa lete katataminopa lao, kiŋi balu mende, Kamongome maitona leamo doko, makande pipae dupa ita minata akali dokome nyeta.

Ibru 11:26

Kraisanya kenge dokonya Mosesa baa kenge koo nyotopa, Goteme yole epe mende dita dokome, munipi yatipi Ijipi yuu dokonya singi dupa ita minatana lao, Mosesame masoo katea.

Luku 12:32

Nyakamanya Takange dokome auu kaengeme baanya kingdom doko nyakama nambanya sipisipi ŋaŋa dupa ditoo lao masilyamona, paka nakaeyalapape.

1 Korina 2:9

Pii pepa pyapae singi dokonya dapa lapae silyamo: “Goteme baa auu kaengema endakali dupanya dopale mendapu depa lanya setakamaiya dupa endakali mendeme lengeme nakandao, kaleme nasoo, moname dopale-lumu lao masala naeyaowaka pingina” lapae silyamo.

Matyu 25:34

Dokopa kingi tolaetena katatami dokaita kiŋi dokome lamaiyoo, ‘Nambanya Takange dokome nyakama auu pisetae. Baanya kingdom doko nyakama ditona latala, yuupa kaitipa dolapo tee pia dokopa depa laanya setekea doko nyakama etete nyalapale ipupa.

Revelesene 21:7

Koo pingi mana dupa ita minata endakali doko nambame lelyo dutupa pitaka etete maito. Dokopa namba baanya Gote katatopa, baa nambanya ikiningi katata.

Jemesa 1:9

Kristene kaiminingi tipya dupa nyakama Goteme kenge andake ditaena lao masetala eteke pyapenge.

2 Timoti 4:8

Tolao yapenge Kamongo dokome endakali tolatae dupa nyepenge kiŋi balu indupa kaiti-kisa depa lanya setelyamo dupanya, yuu etata gii dokopa nambanya doko peakata. Namba iki dyaa naeyata, baa ipatana lao nee kaeyao malisoo kalyamino endakali dupa apata maitaka.

2 Korina 6:10

Naima mona kenda pisingimaka doko, koteaka lao naima eteke pyao katenge. Naima tipya joo katengeaka doko, naimame endakali longo kamongo jisingi. Naima oapi dupa daa jilyamopa katengeaka doko, dupa pitaka naimanya.

Revelesene 3:18

Dopa pipae kalyona lao masala naelyeno dokonya, nambame emba dapa langilyo: Emba kamongo kalyale, namba-kisa golo itateme yangao wasepae dupa sambao nyepe. Emba yonge papata katao elya kaelyeno doko endakali dupame nakandena lao yame pyatale, namba-kisa yonge pee kyeo lapae dupa sambao nyepe. Embanya lenge dolaponya matasini katatenopa auu pyoo kanjale, namba-kisa lenge matasini dupa sambao nyepeaka.

1 Timoti 6:18

Yuunya kamongo dupame mana epe minao, kalai epe dupa longo lao pyoo, pyakilyala naeyao endakali dupa longo lao mokosoo maiyanya depa latae katena lao lamaipiaka.

Luku 16:25

Dopa leamopa Abraameme lao pituu, ‘Wane, embame masepe: Emba yuunya kateeno dokopa, oapi epe dupa pitaka embame nyiinopa, Lasarusame koo dupa nyia. Dopaka doko, indupa panda dakenya baa mona yaepasimupa, emba tanda andake nyilyino.

Matyu 11:5

Lenge monda dupa lenge auu pyoo telyamino. Moko takyepae dupa kaita paelyamino. Kopetali dupa auu pisakamailyamo. Kaleketa dupame pii silyamino. Endakali kumapae dupa lenge tao kalyamino. Endakali daa jepae dupame sina lao wai pii epe doko lamailyamo.

2 Pita 1:11

Nyakamame mana dutupa wata-minataminopa, naimanya Kamongo, Pyoo Nyingi Jisasa Kraisanya kingdom kataowaka katapenge dokonya nyakama yaka ipaminona latala, mambo pyao lanyeta.

2 Timoti 4:18

Dopa piana, namba koeyasalanya pitami dupa pitakanya, Kamongome namba pyoo nyepala auu pyoo laminao, baanya kingdom kaiti-kisa singi dokonya pata. Tanga-tangapi Gote kenge andake maiyoaka katapenge. Doko kiningi.

2 Tesalonaika 1:5

Nyakamame dopa pilyamino dokome, Gotenya tolao yapenge mana doko panasimupa, Goteme baanya kingdom dokonya nyakama katapenge doko tolataena lao masilyamo. Tenge dokonya nyakama tanda nyoo kalyamino.

Epesusa 3:8

Endakali Gotenya latae dupa pitakanya namba etete anasale joo katenge. Dopaka doko, Kraisanya etete epe, kandao etala naeyapenge dupanya lao, akali tata waka dupa wai pii epe doko lamaiyale lao, Goteme namba kondo kaeya.

Roma 8:17

Naima Gotenya ikiningi wanengepi-tamo doko, Goteme Kraisa baa etete maiyamo dupa naima apata nyetamaka. Baa tanda nyiamo dokonya naima apata tanda nyetamano doko, baa kenge andake nyiamo dokonya, naima apata kenge andake nyetamaka.

Luku 16:22

Akali tipya doko kumateamopa, enjele dupame nyoo pupala, Abraame katea dosa katena leami. Dokopa yuunya kamongo doko apata kumateamopa malu piami.

Jemesa 1:16

Nambanya mona setenge kaimii paluma, nyakama mendeme minakasina lao nakalyepape.

Epesusa 1:18

Goteme nyakama wii lao nyiamo dokonya, etete epe mendapu nyetamana lao nee kaeyao malisoo katenge mana doko nyakamame auu pyoo kanjepale lao nambame loma sekenge. Endakali baanya latae dupame tii pipae etete andake doko nyetamana lao masalapale lao nambame loma sekenge.

2 Korina 4:15

Naima-kisa pilyamo dupa pitakame nyakama nisalanya pilyamo. Dopa pilyamo tenge doko, Gotenya kondo kaenge doko taeyama-taeyama pyoo endakali longo-kisa taeyatamopa, Gote kenge andake maiyoo, baa yaka pilyino lenge mana doko andake jeta.

Jone 7:48

Isingi akalipi, Parasipi dupanya mendaipi mendeme baa tungi pilyamipi?

Luku 22:29

Dopana, nambanya Takangeme kingdom mende nambame isatale lao diamoli pyoo, kingdom mende nyakamame isalapale lao nambame dilyo.

Make 7:14

Dopa latala Jisasame endakali kambu doko pitaka baa katea dosa epena latala lamaiyoo, “Nambame pii lelyo dake sepala, nyakama pitakame masokondape pyepape:

Aposole 7:2

Dokopa Stipeneme lao pituu, “Kaimii palupi, apane palupi, nyakamame salapape. Naimanya yumbange Abraame baa Arane yuu dokonya ene paanya, Mesopotemia kateamopa, Gote etete tii pipae doko baa katea dokonya ipao panea-pyaa.

Jemesa 1:19

Dopana, nambanya mona setenge kaimii paluma, pii lataminopa endakali dupa pitakame yapa sepenge. Dopa petala, dupanya kambumi yapa pii laa naeyao, yapa imbu nakaeyao katapenge.