Jemesa 2:4 - Enga Niu Tesamene

⁴ nyakamame mona koo paliu endakali yapataminosa pita. Dopa pitami dokome, nyakama-lapo wakale pyaloo napitamipi?

Jemesa 2:4 Referans Kwoze

Jone 7:24

Nyakamanya lengeme kisa kandao yapala naenya, mana tolatae dokome yapalapape” lea.

Jemesa 4:11

Kaimii paluma, nyakama-lapo mende lao nepa-nepa napyepape. Akali mendeme Kristene kaiminingi mende lao nepaowapi, yapaowapi pilya dokome, Gotenya loo dupa lao nepelyamosaka pingi. Dopa pilya dokome, Gotenya loo dupa koo-lamo latala yapelyamosa pingi. Embame Gotenya loo dupa koo-lamo latala yapateno doko, emba Gotenya loo dupa wata-miningi akali mende nakatenya, loo dupa koo-lamo latala yapenge akali mende katatenosa pita.

Luku 18:6

Dopa latala Kamongome lao pituu, “Mana tolatae naminingi jasa dokome lea-lumu doko nyakamame auu pyoo masalapape.

Jemesa 3:17

Dopaka doko, Gotenya latae katengepi, mona setao katengepi, tambo-tambo lao katengepi, mendenya pii lata doko singipi, longo lao kondo kaengepi, dii epe longo lao mandengepi, endakali mende mona setapala mende maka nakaengepi, mona lapo palya naengepi, masepae epe dopale dupa kaiti-kisa katao epenge.