Jemesa 2:16 - Enga Niu Tesamene

¹⁶ baa yongenya daa jeta dupa nyakamanya mendeme nisala naenya, baa lamaiyoo “Emba nee tiaka kaeyao katape. Kupa nakaeyao mona yaepao katape” late dokome, baa aipa petala nisepae nyeta?

Jemesa 2:16 Referans Kwoze

Roma 12:9

Kiningi mona paliu nyakamame endakali dupa auu kaeyalapape. Mana koo dupa etete maka kaeyapala, mana epe dupa minakondape pyoo minao kalyepape.

2 Korina 8:8

Nambame lelyoliaka pyepale lao laa naelyo. Siosa yangi dupame Kristene daa jepae dupa nee kaeyao nisilyaminoli pyoo, nyakamame kiningi auu kaeyao nisilyamipi lao kanjanya dopa lelyo.

Matyu 15:32

Dokopa Jisasame baanya disaipolo dupa epena latala lamaiyoo, “Endakali kambu dake yuu gii tepoma namba-pipa katamanopa, nee napenge nasilyamo dokonya, nambame dakaita kondo kaelyo. Nee nanao andaka pena lato doko, kaitinisa laowambe lapae setamina, mee napena lao masilyona” lea.

Matyu 25:35

Aipumape, namba lopo kaeyopa, nyakamame namba nee diami. Endaki nanu kaeyopa, nyakamame namba endaki kamuu diami. Opone epeopa, nyakamame namba nyoo setao paleami.

Matyu 25:36

Yonge pee napyoo kateopa, nyakamame namba yonge pee diami. Yaina siopa, nyakamame namba kanja epeami. Anjetae paleopa, nyakamame namba kanja epeamina’ lata.

Make 5:34

Dokopa Jisasame baa lamaiyoo, “Wanenge, embame namba tungi pyapi dokome, embanya yaina doko etelyamona, emba yaina etapae doko mona yaepatala puu” lea.