Ibru 8:8 - Enga Niu Tesamene

⁸ Dopaka doko, wambatae pii lao yaki petae dokonya koo tenge mende silyamo lao kandatala, Goteme dapa lea-pyaa: “Namba Kamongo dokome lelyo: Salapape! Gii doko palitamopa Israele tatapi, Juda tatapi dupa-pipa nambame pii enenge mende lao yaki pito.

Ibru 8:8 Referans Kwoze

Ibru 12:24

Nyakama Jisasa katapya dokonya ipao katapelyamino. Jisasa baa Gotepa, endakalipanya kaina dokonya katapala, pii enenge lao yaki petae doko nyoo endakali dupa maiya. Abelenya taeyoko kai lea dokonya, pii epe mende lapae nasilyamo. Dopaka doko, Jisasame baanya taeyoko tandyoo pisiamo dokonya, pii etete epe mende lapae silyamo.

Ibru 9:15

Kraisa baa Gotepa, endakalipanya kaina dokonya katapala, pii enenge lao yaki petae doko endakali dupa maingi. Gote-kisa etete nyepenge dupa wii lao nyepae endakali dupame nyetaminopa lao, Kraisa baa kumia. Dopa piamo dokome, wambatae pii lao yaki petae dokonya-kaita endakali koo piaminosa anjetae kateami dupa mokao nyia.

2 Korina 3:6

Baame naima kyeto ditala, baanya pii lao yaki petae enenge dokonya naima kalai akali katasia. Pii lao yaki petae enenge doko, loo pepa pyapae singi dopale daa. Doko Spiritanya mende. Loo pepa pyapae singi dupame endakali dupa pyao kumasingi. Dopaka doko, Spirita dokome endakali dupa lete katenge doko maingi.

1 Korina 11:25

Nee nao etapala, mendai dopaka pyoo baame kapo mende nyepala lao pituu, “Kapo dakenya nambanya taeyoko pilyamo dokome, pii enenge mende lao yaki pinya setelyo. Dopana, nyakamame koteaka lao natamili pyoo, namba masoo nalapapena” lea.

Luku 22:20

Nee nao etapala, mendai dopaka pyoo baame kapo waene peteta mende nyepala lao pituu, “Kapo dakenya nambanya taeyoko pilyamo doko kai lekelyo dokome, pii enenge mende lao yaki pinya setelyo.

Make 14:24

Dokopa baame dokaita lamaiyoo, “Dake nambanya taeyoko doko. Taeyoko kai lelyo dakeme endakali longo nisoo, pii enenge mende lao yaki pinya setelyo.

Luku 17:22

Dopa latala baame disaipolo dupa lamaiyoo, “Gii doko ipatamopa, Akalinya Ikiningi dokonya yuu gii dupanya mende kandamu laka lao masetamiaka doko, angi nakandatami.

Ibru 7:22

Dopa lapae silyamo dokome, Goteme pii enenge mende lao yaki piamo doko Jisasa-kisa kyeto jisia. Pii wambatae doko ita minao pii enenge doko eteteaka epe.

Ibru 8:6

Dopaka doko, Kraisame indupa prisa kalai pilyamo dokome, wamba prisa kalai piami dupa ita minala-kao minilyamo. Dopaka pyoo, Goteme Kraisa-kisa naima epe ditona leamo dupame, Mosesa-kisa epe maitona lea dupa ita minala-kao minilyamo. Tenge dokonya, Goteme Kraisa-kisa pii lao yaki pinya seteamo dokome, wambatae Goteme pii lao yaki pinya setapae doko ita minala-kao minilyamoaka.

Ibru 8:13

Pii lao yaki petae enenge lea dokome pii lao yaki petae wambatae dokome mende napipengena lao lea. Dopale atingi jetala koelyamo dupa alu pyaapomo.

Luku 5:38

Dopana, waene enenge doko penge enengenyaka kamuu pisepenge. Dopa pilyaminopa, waenepa, pengepa dolapo lapota koeyala naenge.