Biblia Todo Logo
Bib sou entènèt

- Piblisite -




1 Jone 4:9 - Enga Niu Tesamene

9 Naima baa-kisa lete katataminopa lao, Goteme baanya Ikiningi mendai iki doko isa yuu dakenya epena lea. Dopa piamo dokome, baanya auu kaenge doko naima-kisa panasia.

Gade chapit la Kopi




1 Jone 4:9
27 Referans Kwoze  

“Goteme isa yuu dakenya endakali dupa pitaka auu kaeyamo dokome, baanya Ikiningi mendai iki doko maiya. Endakali mendeme Gotenya Ikiningi doko tungi pyatamo doko, baa kumao alu napinya, lete etete katenge doko nyetamopa lao maiya.


Baanya Ikiningi doko-kisa lete etete katenge singi doko, Goteme naima diona lao panao langia.


Goteme baanya Ikiningi mendai iki doko kaeyala naenya, naima pitakanya lao kumina kaeya. Baanya Ikiningi doko naima dia-tamo doko, Goteme naima dupa pitaka nanditape?


Kataowaka katenge Takange dokome namba puu lea. Nambanya Takange, namba puu leamo doko mambele namba lete kalyo. Mendai dopaka pyoo, nambanya yonge doko nao katatami endakali dupa namba mambele lete katatami.


Naimame Gote auu kaeyamanosa daa, Goteme naima auu kaeyapala, naimanya koo dupa kunao nepatakala, naima baa-pipa mendai jisalanya baanya Ikiningi doko kundi joo kumala epena lea. Dopa piamo dokome, auu kaenge mana doko dopalena lao panasia.


Naima kumapenge dokonya Jisasa baa alo pyoo kumia. Dopa piamo dokome, endakali auu kaenge mana doko dopale-lamo lao naimame kandelyamano. Dopana, naimanya Kristene kaiminingi dupa kumapenge dupanya alo pyoo naima kumapenge.


Pake nenge dokome sipisipi dupa pake nyepa, koeyaseta, pyao kumaseta pyaanya epenge. Dopaka doko, namba epeo doko, sipisipi dupa lete katenge doko nyepala, auu pyoo katataminopa lao epeo.


Breta lete katasingi kaiti-kisa katao isa yuu dakenya epeamo doko namba. Endakali dupa lete katataminopa lao breta dilyo doko nambanya yonge dokona, endakali mendeme natamo doko, baa lete etete katatana” lea.


Gote Ikiningi doko tungi pilya endakali doko-kisa tenge setapala baa yapala naenge. Baa tungi napilya endakali doko-kisa tenge setapala baa yapatae. Endakali dokome Gote Ikiningi mendai iki dokonya kenge doko tungi napingi dokonya, baa-kisa tenge setapala baa yapatae.


Yuu mendaipi mende Goteme enjele dupanya mende lamaiyoo, “Indupa emba nambanya Ikiningi jipinopa, namba embanya Takange jilyona” laa naeya. Baame enjele dupanya mendenya lao, lao pituu, “Namba baanya Takange katatopa, baa nambanya Ikiningi katatana” laa naeyaka.


Dokopa Jisasame dokaita lamaiyoo, “Namba Gote-kisa katao ipupala yuu dakenya kalyo. Namba tangeme masoo naepeo. Baame namba puu leamopa epeo. Gote nyakamanya Takange-pyali doko, nyakamame namba auu kaeyamili.


“Kamongome wele kai lao nambanya aiyomba minani pyekea dokonya, Spirita doko namba-kisa kalyamo. Tenge dokonya, nambame endakali daa jepae dupa wai pii epe doko lamaita, mona kenda kaeyao katatami dupa tambo lasakamaita, endakali yandanya wakuu nyepala anjinya palyetae dupa mokao nyepa, lenge monda dupanya lenge auu pisakamaita, endakalimi kenda pisilyaminopa kendanya katengema dupa mokao nyepa, Kamongonya kondo kaenge ee kana doko dakena lao, lao panata pyaa puu leana” lao Jisasame itaki pyao lamaiya.


Ee tange dokonya ikiningi mendai iki, baanya mona setenge doko katea. Ee tange dokome lao pituu, ‘Nambanya ikiningi doko anda-anda semaiyaminona’ latala, etao dokonya baanya ikiningi doko ee isakamaingi dupa kateami dokonya pena lea.


Goteme naima auu kaelyamona lao kandatala, baanya auu kaenge doko naimame tungi pilyamano. Auu kaenge dokonya tenge doko baa Gote. Endakali mende baa Gotenya auu kaenge dokonya kalyamo doko, Gote baa endakali dokonya mona andaka kalyamopa, endakali doko baa Gotenya mona andaka katengena lao masilyamano.


Dokopa Jisasame baa lamaiyoo, “Kaitini dokopi, kiningi pii dokopi, lete katenge dokopi, dutupa namba. Takange doko katenge dokonya paanya kaitini waka mendenya-kaita napenge. Namba-kisa iki penge.


Dopa leaminopa Jisasame yanu pyakamaiyoo, “Gotenya kalai pyakamaipenge doko, akali mende baame epena lea doko tungi pyapengena” lea.


Namba puu lea Takange dokonya auu kaenge kalai dupa nambame koteaka lao pingi. Dopa pingi dokonya, baame namba iki kalyale lao yakinala naenge. Nalimba tole katengena” lea.


Dopa leaminopa Jisasame yanu pyao, “Akali dakenyapi, baanya endangi takangepa dolaponyapi koo piami mende mambele daa. Goteme baanya kalai andake dupa akali dake-kisa panao pitamopa endakali dupame kandataminopa lao pia.


Gote Ikiningi dokonya kenge doko tungi pingima endakali dupame lete etete katenge doko nyepelyamanona lao masetala, Gote Ikiningi dokonya kenge doko tungi pyao kalyepale lao, nambame pepa dake pyao peekelyo.


Swiv nou:

Piblisite


Piblisite