1 Jone 4:2 - Enga Niu Tesamene

² Kaitini dakenya-kaita Gotenya Spirita doko, doko-lamona lao kandapenge. Jisasa Kraisa baa endakali yonge nyepala epeana lao, lao panenge endakali dupa pitaka, Gotenya Spirita doko-pipa katao lao panelyaminona lao masepenge.

1 Jone 4:2 Referans Kwoze

1 Korina 12:3

Gotenya Spirita doko katenge endakali dokome, “Jisasa baa Goteme koeyasetaena” laa naenge. Oli Spirita doko katenge endakali dokome iki, “Jisasa baa Kamongona” lengena lao nyakamame masalapale lao langilyo.

Jone 1:14

Pii doko endakali jetala, baa naimanya kainanya katea. Kateamopa naimame baanya tii pipae doko kandeama. Takange Gotenya Ikiningi mendai iki doko-kisa tii pipae doko singi. Kondo kaenge dokopa, kiningi pii dokopa, dolapo Takange Gotenya Ikiningi mendai iki doko-kisa tumbao epeamopa kandeama.

1 Timoti 3:16

Gote wata-minao katenge dokonya pii yalo petae doko etete andake mende. Pii doko naimame lao panelyamano dakena salapape: Gote baa endakali jetala isa yuu dakenya epea. Baa akali tolataena lao Spirita dokome panasia. Baa enjele dupame kandeami. Baanya pii lapae doko akali tata dupa pitaka lamaiyoo taeyami. Baa yuunya endakali dupame tungi piami. Baa kaiti-kisa tii pipae dokonya lanyoo pea.

1 Jone 5:1

Jisasa baa Kraisa dokona lao tungi pyao katenge endakali dupa pitaka Gotenya mandipae. Takange doko auu kaenge endakali dupa pitakame Gotenya mandipae dupa auwaka kaengema.

1 Jone 4:3

Dopaka doko, Jisasa Kraisa baa endakali yonge nyepala epeana lao, lao panala naenge spirita dupa, Gotenya daa-lamona lao masalapape. Kraisanya yandapipi spirita dupa ipao katatamina leaminopa siamino dupa, indupa isa yuu dakenya ipao katapelyamino.

1 Jone 2:23

Ikiningi doko maita mailyamo endakali doko baa Takange doko-pipa nakatenge.

1 Jone 4:15

Jisasa baa Gote Ikiningi dokona lao, lao panenge endakali dupanya mona andaka Gote kalyamopa, endakali dupa Gotenya mona andaka katengema.

2 Jone 1:7

Isa yuu dakenya endakali minakasingi longo mendapu ipatelyamino. Dupame Jisasa Kraisa baa endakali yonge nyepala epeana lao, lao panala naengema. Dopa pingima endakali dupa, sambo lenge, Kraisanya yandapipi dupa.