1 Jone 1:6 - Enga Niu Tesamene

⁶ Kaitini iminjetae dokonya naima paeyao pituu, Gote-pipa mona setao kalyamanona latamano doko, kiningi pii doko watala naeyao, sambo lao paenge jetamanosa pita.

1 Jone 1:6 Referans Kwoze

1 Jone 4:20

Akali mendeme Gote auu kaelyona latala, baanya Kristene kaiminingi doko imbu kaeyatamo doko, baa sambo lenge akali mende katata. Baanya Kristene kaiminingi, lengeme kandenge doko auu nakaeyatamo doko, lengeme nakandenge Gote doko baame aipa petala auu kaeyata?

1 Jone 2:4

Endakali mendeme baa masingina latala, baanya mana setapae dupa wata-minala naenge endakali doko-kisa kiningi pii doko nasilyamopa, baame samboaka lenge.

1 Jone 1:10

Naimame koo mende napiamana latamano doko, Gotenya pii doko naima-kisa nasetamopa, baame sambo lengena latamanosa pita.

Jone 8:12

Dokopa Jisasame deaka dokaita lamaiyoo, “Yuu dake tii pisingi doko namba. Namba watao ipata endakali doko-kisa lete katenge tii pipae doko setamopa, iminjetae dokonya baa napaeyatana” lea.

Jone 12:35

Dopa leaminopa Jisasame dokaita lamaiyoo, “Tii pipae doko nyakama-pipa gii kuki mendatupa iki kalyaminona, iminjingi dokome nyakama ita minatana, tii pipae doko nyakama-pipa kalyamino dokopa, tii pipae dokonya paeyalapape. Endakali mende iminjetaenya paelya dokome, baa anja pelyope lao nakandenge.

Jemesa 2:14

Nambanya kaimii paluma, endakali mendeme Jisasa tungi pyao kalyona latala, kalai epe dupa napitamo doko, epe aki mende pyakalyeta? Baanya Jisasa tungi pingi dokome iki kapa pao baa pyoo nyetape?

Jone 12:46

Namba tungi pingima endakali dupa iminjetaenya nakatena lao, tii pisingi akali doko namba isa yuu dakenya epeo.

1 Jone 1:3

Takange dokopa, baanya Ikiningi Jisasa Kraisa dokopa, dolapo-pipa naima mona setao kalyamano. Nyakama apata mona setao katamana lao, naimame siamapi, kandeamapi dupa nyakama panao langilyamano.

Jone 11:10

Dopaka doko, endakali mende-kisa tii pipae doko nasilyamopa iminjetaenya paenge-tamo doko, baa lombapae singina” lea.

Jemesa 2:18

Endakali mendeme lao pituu, “Embame Jisasa tungi pilyinopa, nambame kalai epe dupa pingina” lata. Dopa lata endakali doko nambame dapa langilyo: Embanya Jisasa tungi pingi doko embanya kalai epe pingi dupame nambame kanjale lao panasa. Dopa pitinopa, nambanya kalai epe pingi dupame nambanya Jisasa tungi pingi doko embame kanjale lao panasotoo.

1 Jone 1:8

Naima koo mende napingina latamano doko, naima tange minakasetamanopa, kiningi pii doko naima-kisa naseta.

Jemesa 2:16

baa yongenya daa jeta dupa nyakamanya mendeme nisala naenya, baa lamaiyoo “Emba nee tiaka kaeyao katape. Kupa nakaeyao mona yaepao katape” late dokome, baa aipa petala nisepae nyeta?

Matyu 7:22

Yuu etatamo gii dokopa, endakali longome namba langyoo, ‘Kamongo, Kamongo, naimame embanya kenge dokonya tanga dopale mende pitana lao pii lamaiyama. Naimame embanya kenge dokonya imambu koo longo mendapu watao piama. Naimame embanya kenge dokonya mirakolo longo mendapu piamakana’ latami.

1 Timoti 4:2

Sambo pii lao minakasingi, endakali elya etapae dupame, sambo pii dapale dupa kiningi joo mana lengema:

Jone 8:55

Nyakamame baa nakandengema. Dopaka doko, nambame baa kandenge. Nambame baa nakandengena lapuli doko, namba sambo lenge nyakama-yale jipuli. Dopaka doko, nambame baa kandenge dokonyana, baanya pii doko nambame wata-miningi.