1 Jone 1:1 - Enga Niu Tesamene

^1-2 Yuupa kaitipa dolapo nasiamopa, Pii lete katenge doko Takange dokopa tole kateambi-pyaa. Pii lete katenge doko panao ipao kateamopa, naimanya lengeme kandakondape pyoo kandao, naimanya kaleme soo, naimanya kingimi minaowaka piama. Pii lete katenge doko paneamopa naimame kandatala, baa lete etete katenge dokona lao, lao panao nyakama langilyamano.

1 Jone 1:1 Referans Kwoze

Jone 20:27

Dopa latala baame Tomasa lamaiyoo, “Embanya kingi kondeme nambanya kinginya kombe dupa minao kanda. Embanya kingimi nambanya patali kombe doko mina. Minatala embame kiningina lao masepe. Sambona lao masala naeyape” lea.

Aposole 4:20

Nalimbame kandeambapi, siambapi dupanya nenge-kaita piti petala, kapa pao mee kalya naeyalambanona” leambi.

1 Jone 4:14

Takange dokome Ikiningi doko isa yuu dakenya endakali dupa pyoo nyala epena leana lao naimame kandatala, endakali dupa pitaka lamailyamano.

Jone 5:26

Lete katenge Takange-kisa singi doko Ikiningi doko-kisa sina lao maiya.

Luku 24:39

Nambanya kingipi, mokopi dupa kandatala, nambaka kalyenona lao masalapape. Yongepi, kulipi nambanya palimupa kandelyamino dopale dupa spirita mendenya napalengena, namba minao kanjepa” lea.

Jone 8:58

Dokopa Jisasame dokaita lamaiyoo, “Nambame nyakama etete kiningi langilyo: Abraame manja naengesa, namba wamba-waka kateo dokoaka katengena” lea.

Revelesene 1:8

Kamongo Goteme dapa lelyamo: “Dupa pitaka tee pingipi, etasingipi doko namba. Wamba-waka kateo, indupa kalyo, tanga-tangapi kataowaka katato doko nambaka. Namba Gote Eteteaka Kyeto Singi dokona” lelyamo.

Jone 19:35

Dopa piamopa kandea akali dokome dopa piana lao panao pepa pilyamo. Baanya pii panao pepa pilyamo doko kiningi. Baame pii lelyamo doko kiningi lelyona lao baame masilyamo. Baanya pii doko kiningina lao nyakamame masalapale lao pepa dake pilyamo.

Aposole 1:3

Jisasa baa tanda nao kumapala, baa kiningi sakatao lete kalyona lao baanya aposole dupame kandena lao, kaitini longo mendapuanya-kaita yuu gii 40 dutupanya aposole dupa kateami dokonya ipatapu, Gotenya kingdom dokonya lao pii lamaita pia.

Revelesene 19:13

Baa yonge pee londe taeyokonya poeyanyetae mende petae katea. Baanya kenge doko Gotenya Pii dokona lengema.

Revelesene 2:8

“Semena siosa dokonya enjele kalyamo dokonya dapa lao pepa pyao pyasakamaipi: ‘Akali mende kumapala lete kalyamo doko, wambao doko baaka, etao doko baaka. Akali dokome dapa lelyamo:

Revelesene 1:11

Pii dokome lao pituu, “Embame kandelyeno dupa buku mendenya pepa pyapala, Epesusapi, Semenapi, Pegamumapi, Taeyataitapi, Sadisapi, Piladelepiapi, Laodisiapi, siosa kalange dutupanya pyasakamaipi” lea.

1 Jone 5:7

Kraisa baa endakipa, taeyokopa dolapo lapotanya-kaita epeana lao, Spiritapi, endakipi, taeyokopi tepoma dutupame pii mendai dokoaka lao panelyamino.

Ibru 2:3

Dopa piami-pyaana, Goteme naima pyoo nyepenge kalai andake piamo doko naimame yakinatamano doko, baanya imbu kaenge doko naimame aipa petala wanditama? Goteme endakali dupa pyoo nyiamo dokonya pii doko wambao Kamongome lamaiyamopa, Kamongo-pipa tole kateami dupame siami. Sepala dupame pii doko kiningina lao naima langiami.