ZEPHANIAH 3:17 - Edisana ñwed Abasi Ibom

¹⁷ Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

ZEPHANIAH 3:17 Referans Kwoze

ŊWED MME PSALM 149:4

Koro ikɔt Jehovah enemde enye esit: enye ada erinyaŋa abana mbon nsuk-esit.

ŊWED MME PSALM 147:11

Mmɔ eke ebakde Jehovah, ye mmɔ eke edoride enyin ke ima esie, enem enye esit.

JEREMIAH 32:41

Ndien nyedat esit mbaŋa mmɔ ndifɔn ye mmɔ, nnyuŋ ntɔ mmɔ ke isɔŋ emi ke akpanikɔ, ye ke ofuri esit mi, ye ke ofuri ukpɔŋ mi.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

DEUTERONOMY 30:9

Ndien Jehovah Abasi fo eyenam fi ɔtɔt ke kpukpru utom ubɔk fo, ke mfri idibi fo, ye ke mfri ufene fo, ye ke mfri iŋwaŋ fo, ke ufɔn: koro Jehovah eyetɔŋɔ ntak adat esit abaŋa fi, onyuŋ ɔfɔn ye afo, kpa nte enye akadatde esit abaŋa mme usɔ:

ZEPHANIAH 3:15

Jehovah ɔmɔbɔ fi ufen efep, amakabare usua fo efep: edidem Israel, Jehovah, odu ke otu mbufo: afo udukwe aba idiɔk.

JOHN 15:11

Mma ntiŋ mme ŋkpɔ emi nnɔ mbufo, man idaresit Mi odu ke mbufo, idaresit mbufo onyuŋ ɔyɔhɔ.

ISAIAH 65:19

Ndien Jerusalem eyenem mi esit, ikɔt mi eyenyuŋ edat mi: ndien idikopke aba uyo eyet ye uyo eseme ke esit.

NUMBERS 14:8

Edieke nnyin inemde Jehovah esit, enye eyeda nnyin oduk ke isɔŋ oro, onyuŋ ada enye ɔnɔ nnyin; isɔŋ emi ɔfiɔrɔde mmɔŋ-eba ye aran-ɔkwɔk.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

JOHN 13:1

KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

GENESIS 18:14

ndide akani aŋwan? Nte ŋkpɔ ɔsɔŋ akan Jehovah? Ke ini emi enimde, nyefiak ntiene fi, ke ukabare isua, ndien Sarah eyenyene eyen.

ISAIAH 18:4

Koro ntem ke Jehovah ɔdɔhɔ mi, ete, Nyetie suŋ ke itie mi, nnyuŋ ntiŋ enyin, nte afia eyo esede ikɔŋ, ye nte obubit enyɔŋ ekeŋede mbara ke ufiop ini ukpeŋe.

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

GENESIS 1:31

Ndien Abasi okut kpukpru se enye akanamde, ndien, sese efɔn eti eti. Ndien mbubreyo ye usenubɔk edi ɔyɔhɔ usen itiokiet.

ISAIAH 63:1

ANIE edi emi otode ke Edom edi? Esine ediyibe ɔfɔŋ-idem oto ke Bozrah? Enye emi esinede ɔfɔŋ-idem ubɔŋ, ke asaŋa ke uwak odudu esie? Edi ami, emi ndɔhɔde nte enende, nsɔŋɔ ke erinyaŋa.

ISAIAH 63:12

Emi akadade nnasia Moses, ye ubɔk ubɔŋ esiemɔ, eteme mmɔ usuŋ, asiak mmɔŋ ke iso mmɔ, man anam nsisni enyiŋ ɔnɔ idem esie;

GENESIS 2:2

Abasi onyuŋ anam utom esie emi enye akanamde, okure ke ɔyɔhɔ usen itiaba; ndien ke ɔyɔhɔ usen itiaba enye odop kpukpru utom esie emi enye akanamde.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

JOEL 2:21

O isɔŋ, kufehe, mbufo edara enyuŋ ebre: koro Jehovah anamde ikpɔ ŋkpɔ.

DEUTERONOMY 23:15

Kuda ofin eke efehede itɔk ɔkpɔŋ andinyene etiene fi, uyak unɔ andinyene:

ŊWED MME PSALM 78:65

Ndien Ɔbɔŋ edemere nte owo eke edede idap, nte owo uko adatde esit ke wine.