ZEPHANIAH 3:16 - Edisana ñwed Abasi Ibom

¹⁶ Ke usen oro eyedɔhɔ Jerusalem, ete, Kufehe ndik: O Zion, kuyak ubɔk emem fi.

ZEPHANIAH 3:16 Referans Kwoze

MME HEBREW 12:12

Mmɔdo esɔŋɔ ubɔk eke ema ekemem mbufo, ye edɔŋ eke ema ekedoro ibikpai;

ŊWED MBON GALATIA 6:9

Eyak ikukpa mba ke erinam eti ŋkpɔ; koro ke edikem ini nnyin iyedɔk mbuŋwum, edieke nnyin miyakke idem emem nnyin.

ERIYARARE 2:3

omonyuŋ enyene ime, okonyuŋ obiom ukut kabaŋa enyiŋ Mi, unyuŋ ukabakere ukpa mba.

ŊWED MBON EPHESUS 3:13

Mmɔdo mmebeŋe mbufo nte, ekuyak idem eyemere mbufo abaŋa ukut eke ŋkutde ke ibuot mbufo; koro ukut emi edide ubɔŋ ɔnɔ mbufo.

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 40:9

Afo Zion emi obukde eti mbuk, dɔk ke edikoŋ obot; O Jerusalem emi obukde eti mbuk, sɔŋɔ menere, uyo fo; menere, kudige; dɔhɔ mme obio Judah, ete, Se Abasi mbufo!

JOHN 12:12

Ke ndaŋ-nsiere ke adaŋemi akwa otu owo eke ekedide usɔrɔ ekopde ete Jesus ɔmɔŋ edi ke Jerusalem,

ZECHARIAH 8:15

kpasuk ntre ke ŋkekere ke ini emi ndifɔn ido ye Jerusalem ye ufɔk Judah. Mbufo ekufehe ndik.

ISAIAH 54:4

Kufehe: koro but midinamke fi; kunyuŋ uyak nsia oyomo fi: koro afo mudukwe esuene: koro afo eyefre but uyen fo; udunyuŋ utihi aba itie-ebe-akpa fo.

ŊWED JOB 4:3

Sese, afo eketeme ediwak owo, onyuŋ anam mmemmmem ubɔk esɔŋɔ.

2 ŊWED CORINTH 4:1

MMƆDO sia nnyin inyenede utom emi ite inam, kpa nte Abasi akatuade nnyin mbɔm, esit iduɔhɔ nnyin:

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

JOEL 2:21

O isɔŋ, kufehe, mbufo edara enyuŋ ebre: koro Jehovah anamde ikpɔ ŋkpɔ.

ZECHARIAH 8:13

Ndien ama ekem, kpa nte mbufo ekedide ŋkpɔ isuŋi ke otu mme idut, O ufɔk Judah, ye ufɔk Israel: kpa ntre ke ndiŋyaŋa mbufo, ndien mbufo eyekabare edi ŋkpɔ eridiɔŋ.