ZEPHANIAH 2:5 - Edisana ñwed Abasi Ibom

⁵ Osuk ɔdiɔk ɔnɔ mme andiduŋ mben inyaŋ idut mme Cherethite! uyo Jehovah abaŋa mbufo; O Canaan, isɔŋ mme Philistine, nyesobo fi ŋko tutu owo eke oduŋde iduhe.

ZEPHANIAH 2:5 Referans Kwoze

EZEKIEL 25:16

mmɔdo ntem ke Ɔbɔŋ Jehovah ɔdɔhɔ ete, Sese, ami mmɔŋ nnyanare ubɔk mi nnam mme Philistine, nnyuŋ nsibe mme Cherethite mfep, nnyuŋ nsobo se isuhɔde ke mben-inyaŋ.

JEREMIAH 47:7

Afo edinam didie ana suŋ, ke ini Jehovah otobode enye abaŋa Ashkelon ye mben inyaŋ? Do ke enye ɔdɔŋ enye utom.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

JOSHUA 13:3

ye ofuri Geshuri, ɔtɔŋɔde ke Shihor emi anade ke iso Egypt, tutu osim adaŋa Ekron ese edem edere, emi ebatde ke eke mme Canaanite: mbɔŋ mme Philistine ition; mme Gazite, ye mme Ashdodite, ye mme Ashkelonite, ye mme Gittite, ye mme Ekronite;

MARK 12:12

Ndien mmɔ eyom ndimum Enye, edi mmɔ efehe otu owo; koro mmɔ efiɔkde ete, Enye ama otop ŋke emi adian mme imɔ. Mmɔ enyuŋ ekpɔŋ Enye enyɔŋɔ.

ZECHARIAH 1:6

Edi ama edi uyo mi ye mme ewuhɔ mi emi ŋkowukde ikɔt mi mme prophet, nte mmɔ ikesimke mme ete mbufo? Ndien mmɔ ekabare, enyuŋ edɔhɔ ete, Kpa nte Jehovah mme udim akaduakde ndinam nnyin, kpa nte ekemde ye usuŋ nnyin ye ido nnyin, kpa ntre ke enye akanam nnyin.

ZEPHANIAH 3:6

Mmosibe mme idut mfep: mme tower mmɔ emewure; mmabiat mme efak mmɔ, ndien owo eke asaŋade ebe iduhe: emesobo mme obio emi, ndien owo eke oduŋde iduhe.

AMOS 5:1

MBUFO ekop uyo emi ami mmende ntiŋ mbaŋa mbufo, kpa ikwɔ eseme, O ufɔk Israel.

ISAIAH 14:30

Ndien ikpan mbon unana eyedia ŋkpɔ, mme ubuene eyenyuŋ esuhɔre ena ke mbuɔtidem; ndien nyewot oruŋ fo ke biɔŋ, ndien enye eyewot nsuhɔ fo.

JUDGES 3:3

mbɔŋ mme Philistine ition, ye kpukpru mme Canaanite, ye mme Zidonian, ye mme Hivite emi eduŋde ke obot Lebanon, ɔtɔŋɔde ke obot Baal-hermon tutu osim ke ebiet uduk Hamath.

1 SAMUEL 30:14

Nnyin ika ekɔŋ ke edem usuk mme Cherethite, ye ke se inyenede Judah, ye ke edem usuk Caleb; inyuŋ ifɔp Ziklag ke ikaŋ.

ISAIAH 14:29

O Philistia, kudat esit baba, koro eto oro akamiade fi ɔbuŋɔde: koro ibɔm eyewɔrɔ ke oruŋ uruk-ikɔt, ndien mfri esie eyedi edisak urukikɔt eke efede.

ZEPHANIAH 1:11

Mbufo mme andiduŋ Maktesh etuaŋa: koro kpukpru mbon urua emesobo; emesibe kpukpru mme obiom a silver efep.

JOSHUA 13:2

Isɔŋ emi ɔsuhɔ kaŋa; ofuri adaŋa mme philistine,