ZEPHANIAH 2:15 - Edisana ñwed Abasi Ibom

¹⁵ Emi edi obio mbre emi etiede ke ndue-idem, emi ɔdɔhɔde ke esit esie, ete, Ami ndu, ndien efen iduhe ke mibɔhɔke ami: enye anam didie akabare edi ikpikpu, ebiet eke mme unam esuhɔrede ena! kpukpru mmɔ eke esaŋade ebe enye eyesi, enyuŋ efuŋ ubɔk mmɔ.

ZEPHANIAH 2:15 Referans Kwoze

EZEKIEL 28:2

Ntem ke Ɔbɔŋ Jehovah ɔdɔhɔ ete, Koro esit fo okoŋde, afo onyuŋ ɔdɔhɔ, ete, Ami ndi abasi kiet; ntie ke itie Abasi ke ufɔt inyaŋ; ndien afo edi owo, udige Abasi; onyuŋ onim esit fo nte esit Abasi:

NAHUM 3:19

Nditaha fo inyeneke erikɔbɔ: unan fo omodoro ufiɔn: kpukpru mmɔ eke ekopde etop fo eyekwak ubɔk ebaŋa fi: koro anie owo odu eke idiɔk ido fo mikesimke enye kpukpru ini?

ISAIAH 22:2

Ɔyɔhɔ-ntime, ama-iwok obio, obio mbre: idige ke ofut ke ekewot nditɔ fo emi ewotde, mmɔ inyuŋ ikpaŋake ke ekɔŋ.

EZEKIEL 28:9

Nte afo eyedɔhɔ, ete, Ami ndi Abasi ke iso enye emi owotde fi? Ndien afo edi owo, udige Abasi, ke ubɔk enye emi owotde fi.

ŊWED ESEME 2:15

Kpukpru owo eke esaŋade ke usuŋ ebe ekwak ubɔk ebaŋa fi; mmɔ esi enyuŋ eyibi ibuot mmɔ ebaŋa adiaha Jerusalem, ete, Nte emi edi obio eke ekedɔhɔde ete ke enye eye ama, onyuŋ adat ofuri ererimbot esit?

ŊWED ESEME 1:1

OBIO emi akawakde owo anam didie etie ikpɔŋ! Enye emi okokponde ke otu mme idut akabare edi ebe-akpa! Ɔbɔŋ-aŋwan ke otu mme esien akabare otomo utomo!

JEREMIAH 19:8

Ndien nyenim obio emi ke se esobode enyuŋ eside: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

MATTHEW 27:39

Mmɔ emi esaŋade ebe enyuŋ esuene Enye, enyeŋe ibuot, ete,

EZEKIEL 29:3

Dɔhɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo Pharaoh edidem Egypt, akamba fiom emi anade ke ufɔt mme akpa mmɔŋ esie, emi ɔdɔhɔde, ete, Akpa mi edi okimmɔ, ami ŋkonyuŋ nnam enye nnɔ idem mi.

EZEKIEL 27:36

Mbon-urua ke otu mme idut esi fi; afo amabiara fap, udunyuŋ uduhe ke nsinsi.

ŊWED ESEME 2:1

ƆBƆŊ anam didie ada ekim ofuk adiaha Zion ke iyaresit esie, osio uyai Israel ke enyɔŋ ɔduɔk ke isɔŋ, inyuŋ itihi udori-ukot esie ke usen iyaresit esie!

ISAIAH 32:9

Mbufo iban emi enanade ekikere, edaha ke enyɔŋ, ekop uyo mi; nditɔ-iban emi etiede ke ndue-idem, mbufo ekpaŋ utɔŋ ke se ndɔhɔde:

ŊWED JOB 27:23

Ekwak ubɔk ese enye; enyuŋ esi enye ebin ke ebiet esie efep.

ŊWED JOB 16:4

Ami ŋko ŋkpekeme ndidɔhɔ ikɔ nte mbufo edɔhɔde, edieke ukpɔŋ mbufo odude ke itie ukpɔŋ mi, ŋkpekeme nditodi ikɔ mbaŋa mbufo, ŋkpeyip ibuot mi nse mbufo.

ISAIAH 32:11

Mbufo iban unana ekikere enyek idem: iban ndue-idem, mbufo etimere; esioŋo ŋkpɔ ke idem, etie iferi, ebɔbɔ ŋkpɔ ke isin.

ISAIAH 32:14

Koro emedaha ke ufɔk edidem; emekpɔŋ iwok obio; Ophel ye tower edi ebiet obube ke nsinsi, idaresit mme ass ikɔt, mbiet mme otu ufene:

JEREMIAH 18:16

Ndien mmɔ enam isɔŋ mmɔ akabare edi se ibiarade, ye nsinsi ŋkpɔ nsi: kpukpru mmɔ eke esaŋade ebe eyekpa idem, enyuŋ eyibi ibuot mmɔ.

ISAIAH 47:10

Ndien afo ɔbuɔt idem fo ke idiɔk ido fo; ɔdɔhɔ ete, Baba kiet ikwe mi. Ikike fo ye ifiɔk fo ekwaŋa fi; afo onyuŋ ɔdɔhɔ ke esit fo, ete, Ami ndu, ndien efen iduhe.

JEREMIAH 50:13

Ifuresit Jehovah idiyakke owo oduŋ ke esit, edi ofuri esie eyedi ndon-ndon: kpukpru owo eke ebede Babylon eyekpa idem, enyuŋ esi ebaŋa kpukpru ufen esie.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

HABAKKUK 1:7

Idut oro edi mkpa-idem ye eka-ndik: ikpe mmɔ ye ubɔŋ mmɔ eto ke idem mmɔ.