ZEPHANIAH 1:9 - Edisana ñwed Abasi Ibom

⁹ Nyenyuŋ nda ufen nnɔ kpukpru owo eke efrɔde ke asaŋudɔk ke usen oro, eke edade afai ye abiaŋa eyɔhɔ ke ufɔk mme ete mmɔ.

ZEPHANIAH 1:9 Referans Kwoze

1 SAMUEL 5:5

Mmɔdo mme oku Dagon, ye mmɔ eke edukde ke ufɔk Dagon baba kiet midigike asaŋudɔk Dagon ke Ashdod tutu osim mfin emi.

AMOS 3:10

Jehovah ɔdɔhɔ, ete, Mmɔ ifiɔkke ndinam se inende, mmɔ ekɔ afai ye mbume ebon ke ikpɔ ufɔk mmɔ.

UTOM MME APOSTLE 16:19

Ke ini mme ete-ufɔk esie ekutde ete idori-enyin udori mmimɔ amatak, mmɔ emum Paul ye Silas eduri mmɔ eka ke aŋwa-urua ke iso mme andikara;

MME ŊKE 29:12

Ɔbɔŋ ama akpaŋ utɔŋ ke ikɔ nsu, kpukpru ikɔ esie eyekabare ediɔk.

NEHEMIAH 5:15

Edi ama edi mbemiso mme andikara oro ekebemde mi iso, mmɔ eketuk mbio-obio, enyuŋ ebɔ mmɔ uyo ye wine, ekɔrɔ ye shekel silver aba. Ikɔt mmɔ ŋko enyuŋ ekara mbio-obio.

JUDGES 19:27

Ndien ete esie adaha ke enyɔŋ ke usenubɔk, ɔkuhɔre usuŋ ufɔk, ɔwɔrɔ, ete inyɔŋ esiemɔ; ndien, sese, ŋwan oro, ŋwan esie, ɔduɔ ke isɔŋ ana ke inua-otop ufɔk, ubɔk esie enyuŋ edoro ke asaŋudɔk.

JEREMIAH 5:27

Kpa nte inuen ɔyɔhɔde ke ɔbɔkpɔ, kpasuk ntre ke abiaŋa ɔyɔhɔ ke ufɔk mmɔ: oro esin mmɔ ekponi, enyuŋ ekɔ inyene.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

ZECHARIAH 5:6

Ndien enye ɔdɔhɔ ete, Emi edi ephah eke ɔwɔrɔde. Enye onyuŋ ɔdɔhɔ ŋko, ete, Iso mmɔ etie ntem ke ofuri isɔŋ.