ZEPHANIAH 1:18 - Edisana ñwed Abasi Ibom

¹⁸ Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.

ZEPHANIAH 1:18 Referans Kwoze

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

EZEKIEL 7:19

Mmɔ eyemen silver mmɔ eduɔk ke esien; gold mmɔ eyenyuŋ akabare edi ndek: silver mmɔ ye gold mmɔ idikemeke ndinyaŋa mmɔ ke usen ifuresit Jehovah: mmɔ idiyuhɔke ukpɔŋ mmɔ, ŋkpɔ idinyuŋ iyɔhɔke mmɔ ke idibi: koro enye edide ŋkpɔ iduɔ idiɔk ido mmɔ.

MME ŊKE 11:4

Inyene ididoroke ke usen iyaresit: edi eti ido osio owo ke mkpa.

MATTHEW 16:26

Koro nso udori ke owo edikut, edieke enye adiade ofuri ererimbot, ndien ada uwen esie osio isop? mme nso ke owo edinɔ ke ibuot uwem esie?

GENESIS 6:7

Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ.

ZEPHANIAH 1:15

Usen ifuresit edi usen oro: usen ukut ye nnan-enyin, usen ŋwure ye nsobo, usen ekim ye okoneyo, usen obubit enyɔŋ ye ata ekim,

ZEPHANIAH 1:11

Mbufo mme andiduŋ Maktesh etuaŋa: koro kpukpru mbon urua emesobo; emesibe kpukpru mme obiom a silver efep.

EZEKIEL 16:38

Ndien nyekpe ikpe ye afo, kpa nte ekpede ikpe ye iban eke esinde efibe enyuŋ eduɔkde iyip; nnyuŋ nnɔ fi iyip ifuresit ye ufup.

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

ISAIAH 1:24

Oro esin Ɔbɔn Jehovah mme udim, Ɔkpɔsɔŋ Abasi Israel ɔdɔhɔ, ete, Ah, nyebiomore mme asua mi ke idem mi mfep, nnyuŋ nsio usiene ye mbon utɔk mi:

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

1 NDIDEM 14:22

Judah enyuŋ enam idiɔk ke iso Jehovah enyuŋ esin enye ofibe ufup akan kpukpru se mme ete mmɔ ekenamde, ke idiɔk ido mmɔ eke mmɔ ekenamde.

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin:

MME ŊKE 18:11

Inyene ɔbɔŋ edi ɔkpɔsɔŋ obio esie, enye onyuŋ ese ete ke etie nte edikoŋ ibibene.

ŊWED MME PSALM 79:5

O Jehovah, adaŋa didie ke afo ediyaresit ke nsinsi?

ŊWED JOB 21:30

Ete ke emenim mme idiɔk owo enɔ usen nsobo? Eyeda mmɔ edi ke usen iyaresit.

1 ŊWED CORINTH 10:22

Mme, nte nnyin inanam Ɔbɔŋ ofibe ufup? Nte imenyene odudu ikan Enye?

JEREMIAH 7:34

Ndien ami nyenam uyom mbre, ye uyom idara, uyo ɔdɔ-ŋwan, ye uyo ŋwan ndɔ, odop ke mme obio Judah ye ke mme efak Jerusalem: koro isɔŋ eyebiara.

EZEKIEL 7:5

Ntem ke ɔbɔŋ Jehovah ɔdɔhɔ, ete,

EZEKIEL 7:11

Ŋkanubɔk ɔmɔkɔri edi eto idiɔk ŋkpɔ: baba owo mmɔ kiet iduhe, baba owo otu mmɔ kiet, baba inyene mmɔ, baba mkpo inyuŋ iduhe ke otu mmɔ.

EZEKIEL 23:25

Ndien nyeda ufup mi nnam ikɔ ye afo, ndien mmɔ eyenam fi ŋkpɔ ke iyaresit: eyesibe fi ibuo ye utɔŋ efep; ndien nsuhɔ fo eyeduɔŋɔ ke ofut: mmɔ eyemen nditɔ-iren fo ye nditɔ-iban fo efep; enyuŋ eta nsuhɔ fo ke ikaŋ.

ZEPHANIAH 2:2

ke ewuhɔ mika-imanke kaŋa; usen eyebe nte mbio ibokpot; ke ikaŋ iyaresit Jehovah mika-isimke kaŋa mbufo.

ŊWED JOB 3:15

Ye mbɔŋ ŋko emi ekenyenede gold, emi ekedade silver eyɔhɔ ufɔk mmɔ:

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

ISAIAH 10:17

Ndien uŋwana Israel eyekabare edi ikaŋ, Edisana Abasi esie eyenyuŋ edi edemikaŋ: ndien eyefɔp onyuŋ ata akpap ye ikɔt ŋkukim esie ke usen kiet;