ZEPHANIAH 1:16 - Edisana ñwed Abasi Ibom

¹⁶ usen ukorowo ye mkpo ekɔŋ eke eŋwanade ye mme obio ye mme obio ibibene ye mme edikoŋ tower.

ZEPHANIAH 1:16 Referans Kwoze

AMOS 3:6

Nte efuri ukorowo ke obio, ndien mbio-obio inyekke idem? Nte idiɔk-ŋkpɔ odudu ke obio, ke Jehovah minamke?

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

ISAIAH 32:14

Koro emedaha ke ufɔk edidem; emekpɔŋ iwok obio; Ophel ye tower edi ebiet obube ke nsinsi, idaresit mme ass ikɔt, mbiet mme otu ufene:

HABAKKUK 3:6

Enye atuak ada, onyuŋ enyeŋe isɔŋ: ese, onyuŋ anam mme idut enyek idem; ndien ŋkani obot esuana mbak-mbak; nsinsi ŋkpri obot esuhɔre: nsinsi usuŋ edi esie.

HOSEA 5:8

Mbufo efuri obukpoŋ ke Gibeah, efuri ukorowo ke Ramah: esio mkpo ke Beth-aven. “(Se usua) ke edem fo, O Benjamin.”

JEREMIAH 8:16

Ekop nte mme horse esie efiaride ke Dan: uyo emi mkpɔsɔŋ horse esie esiorode esin ofuri isɔŋ enyek; ndien mmɔ eyedi edidia isɔŋ ye kpukpru se iyɔhɔde ke esit, edia obio ye mmɔ eke eduŋde ke esit.

JEREMIAH 6:1

MBUFO nditɔ Benjamin ewɔŋɔ ke ufɔt Jerusalem efeŋe, enyuŋ efuri ukorowo ke Tekoa, enyuŋ emenere ŋkpɔ idiɔŋɔ ke enyɔŋ ke Beth-haccherem: koro idiɔk-ŋkpɔ ye akwa ŋwure etiede ke edem edere ese.

ISAIAH 59:10

Nnyin ifefiɔŋɔ ibibene nte nnan, ifiɔŋɔ nte mme anana enyin: ituak ukot iduɔ ke ufɔt uwemeyo, kpa nte ke mfuŋ-mfuŋ mbubreyo; ke ata ekim kpa nte mme akpaŋa mkpa.

DEUTERONOMY 28:52

Ndien enye eyekan fi okuk ke kpukpru obio fo, tutu ŋkokoŋo ye mkpɔsɔŋ ibibene fo, emi afo ɔbuɔtde idem fo ke esit, eduɔŋɔ ke ofuri isɔŋ fo: ndien enye eyekan fi okuk ke kpukpru obio fo, ke ofuri isɔŋ fo emi Jehovah Abasi fo ɔnɔde fi.

ISAIAH 27:13

Ama onyuŋ ekem ke usen oro, eyefuri akwa ukorowo, ndien mmɔ eke esopde ke isɔŋ Assyria, ye mmɔ eke esuanade ke isɔŋ Egypt, eyedi edituak ibuot enɔ Jehovah ke edisana obot ke Jerusalem.

JOEL 2:1

MBUFO efuri ukorowo ke Zion, enyuŋ eduat ke edisana obot mi: yak kpukpru mme andiduŋ isɔŋ enyek idem: koro usen Jehovah emedi, koro emekpere; usen ekim,

JOSHUA 6:20

Ndien kpukpru owo efiori, mmɔ enyuŋ efuri mme obukpoŋ; ndien edikem, ke ini kpukpru owo ekopde uyo obukpoŋ, mmɔ efiori akamba mfiori, ndien ibibene ɔduɔ ke itie esiemɔ, ndien kpukpru owo kiet kiet eneŋere iso edɔk eduk ke obio, ndien mmɔ eda obio.

EZEKIEL 7:7

Usenubɔk omosim fi, O andiduŋ isɔŋ: ini emedi; usen ndutime emekpere: ndien idige mkpo ikpɔ obot.