ZEPHANIAH 1:15 - Edisana ñwed Abasi Ibom

¹⁵ Usen ifuresit edi usen oro: usen ukut ye nnan-enyin, usen ŋwure ye nsobo, usen ekim ye okoneyo, usen obubit enyɔŋ ye ata ekim,

ZEPHANIAH 1:15 Referans Kwoze

JOEL 2:2

kpa ata ɔkpɔsɔŋ ekim, usen obubit enyɔŋ, kpa ata idiɔk enyɔŋ eti-eti: ebiet usiere eke asuanade ke ikpɔ obot: idut emi awakde, onyuŋ ɔsɔŋɔde; oruk oro akananam iduhe totoko idinyuŋ itieneke enye idi, tutu osim isua ediwak emana.

ISAIAH 22:5

Koro Ɔbɔŋ Jehovah mme udim onimde usen ndutime, ye eke udigi, ye eke nnanenyin ke ebedeŋ ŋŋkukut, ke ewuri ibibene, ke eseme enɔ ikpɔ obot.

ERIYARARE 6:17

koro akwa usen iyat esit Mmɔ emedi, ndien anie ekeme ndida?

2 PETER 3:7

Edi ama edi ikpa-enyɔŋ ye isɔŋ emi edude ke emi, ikɔ Abasi okomum mmɔ onim ɔnɔ ikaŋ; ekpeme mmɔ enim enɔ usen eke Abasi edikpede ikpe ye mmɔ emi mibakke Enye, edinyuŋ osobo mmɔ.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

ZEPHANIAH 2:2

ke ewuhɔ mika-imanke kaŋa; usen eyebe nte mbio ibokpot; ke ikaŋ iyaresit Jehovah mika-isimke kaŋa mbufo.

ZEPHANIAH 1:18

Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

JEREMIAH 30:7

Mbɔm, mbɔm, koro usen oro okponde! ndien baba kiet eke ebietde enye inyuŋ iduhe: enye onyuŋ edi ini ukut Jacob; edi eyenyaŋa enye esio ke esit.

MATTHEW 24:29

Edi ukut mme usen oro ama ekebe, idaha oro utin eyekabare okim, ɔfiɔŋ idinyuŋ inɔŋɔ uŋwana esie, mme ntantafiɔŋ eyeyuŋ eto ke ikpa-enyɔŋ eduɔŋɔ, eyenuŋ enyeŋe mme odudu ikpa-enyɔŋ.

DEUTERONOMY 28:52

Ndien enye eyekan fi okuk ke kpukpru obio fo, tutu ŋkokoŋo ye mkpɔsɔŋ ibibene fo, emi afo ɔbuɔtde idem fo ke esit, eduɔŋɔ ke ofuri isɔŋ fo: ndien enye eyekan fi okuk ke kpukpru obio fo, ke ofuri isɔŋ fo emi Jehovah Abasi fo ɔnɔde fi.

ISAIAH 8:22

Ndien mmɔ eyewuk enyin ese isɔŋ; ndien sese nnanenyin ye ekim, ekim ukut, eyenyuŋ ebin enye esin ke ɔkpɔsɔŋ ekim.

JOEL 2:31

Utin eyekabare edi ekim, ɔfiɔŋ eyenyuŋ akabare edi iyip, ke akwa usen Jehovah emi enyenede ndik mikaidige.

ISAIAH 13:9

Sese, usen Jehovah ɔmɔŋ edi, mbɔm iduhe, enye akpahesit, iyaresit asak nte ikaŋ, man onim isɔŋ ke ŋwure; ndien enye eyesobo mme idiɔk owo mmɔ efep ke esit.