ZECHARIAH 9:8 - Edisana ñwed Abasi Ibom

⁸ Ndien nyenam nna-ekɔŋ ŋkan ufɔk mi ŋkuk mbak udim-ekɔŋ, ke ini enye asaŋade ebe, onyuŋ ɔnyɔŋde edi: baba owo utuk idinyuŋ isaŋke aba ke otu mmɔ ibe: koro ke emi ke nda enyin mi nse.

ZECHARIAH 9:8 Referans Kwoze

ISAIAH 54:14

Eti ido eyenam fi ɔsɔŋɔ ada: nyomo-nsia eyeyom usuŋ ye afo: koro afo mududikheke; afo eyeyom usuŋ ke akpakop ndik: koro enye midisaŋake ikpere fi. Sese, mmɔ eyesop idem, edi itoho ye ami.

ISAIAH 60:18

Idikopke aba afai ke isɔŋ fo, idikopke ŋwure ye nsobo ke esit adaŋa fo; edi afo eyekot ibibene fo ete, Erinyaŋa, okot inua-otop fo, ete, Itoro.

ISAIAH 52:1

DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

AMOS 9:15

Ndien nyetɔ mmɔ ke isɔŋ mmɔ, ndien ididibekede aba mmɔ ifep ke isɔŋ mmɔ emi ŋkɔnɔde mmɔ. Jehovah Abasi fo ɔdɔhɔ.

EZEKIEL 39:29

Ndien ndidipke aba mmɔ iso mi: koro nduɔkde ufɔk Israel spirit mi ke idem. Uyo Ɔbɔŋ Jehovah edi emi.

ISAIAH 52:12

Koro mbufo midiwɔŋɔke ke ibumere, midinyuŋ isaŋake itɔk-itɔk: koro Jehovah eyebem mbufo iso asaŋa, Abasi Israel eyenyuŋ asaŋa mbufo ke edem.

ISAIAH 31:5

Kpa nte inuen efede, kpasuk ntre ke Jehovah mme udim edifuk Jerusalem, ofuk onyuŋ anyaŋa; ebe, onyuŋ anam ɔbɔhɔ.

ŊWED MME PSALM 72:4

Enye eyekpe ikpe mbon eke etuhɔde; eyenyaŋa nditɔ unana, onyuŋ anuak owo utuk.

ŊWED MME PSALM 34:7

Angel Jehovah ana akan mmɔ eke ebakde enye okuk, onyuŋ anyaŋa mmɔ.

2 SAMUEL 16:12

Ndusuk Jehovah eyese idiɔk ido mi, Jehovah eyenyuŋ ɔnɔ mi se ifɔnde ke ibuot isuŋi esie mfin emi.

EXODUS 3:9

Ndien, sese, eseme nditɔ Israel omosim mi: mmonyuŋ ŋkut ufik emi nditɔ Egypt efikde mmɔ.

ERIYARARE 20:9

Ndien mmɔ esuana eyɔhɔ ke ofuri iso isɔŋ, enyuŋ ekanare nna nti ikɔt Abasi ye obio emi Abasi amade ekuk: edi ikaŋ oto ke enyɔŋ ɔsuhɔre edita mmɔ.

UTOM MME APOSTLE 7:34

Mmotim ŋkut utuk ikɔt Mi emi edude ke Egypt, mmonyuŋ ŋkop mmum mmɔ, mmonyuŋ nsuhɔre ndisio mmɔ ke ukut: di ndien, nyedɔŋ fi utom ke Egypt.

ZECHARIAH 14:11

Ndien mmɔ eyeduŋ ke esit, ŋkpɔ nsobo idi-nyuŋ iduhe aba; ndien Jerusalem eyeduŋ ke ifure.

ZECHARIAH 12:8

Ke usen oro Jehovah eyekpeme mme andiduŋ Jerusalem; ndien mmeme-mmeme owo ke otu mmɔ eyebiet David ke usen oro; ufɔk David eyenyuŋ ebiet Abasi, ebiet angel Jehovah ke iso mmɔ.

JEREMIAH 46:13

Uyo emi ke Jehovah ɔdɔhɔ ye Jeremiah prophet, ke ini Nebuchadrezzar edidem Babylon edide ndisuan isɔŋ Egypt.

JEREMIAH 46:2

Eke Egypt, abaŋa mbon-ekɔŋ Pharaoh Neco edidem Egypt, emi okodude ke mben akpa Euphrates ke Carchemish, emi Nebuchadrezzar edidem Babylon asuande, ke ɔyɔhɔ isua Jehoiakim eyen Josiah edidem Judah, inaŋ.

ISAIAH 26:1

NDIEN ke usen oro mmɔ eyekwɔ ikwɔ emi ke isɔŋ Judah, ete, Nnyin imenyene ɔkpɔsɔŋ obio; Abasi onim erinyaŋa ke ibibene ye ɔkɔ ekɔŋ.

ISAIAH 4:5

Ndien ke enyɔŋ ofuri iduŋ obot Zion, ye ke enyɔŋ mme esop esie, ke Jehovah edinam obubit enyɔŋ ye nsuŋikaŋ ke uwemeyo, ye edisak edemikaŋ ke okoneyo: koro ŋkpɔ eyefuhɔ ke ofuri ubɔŋ.

2 NDIDEM 24:1

KE eyo esie Nebuchadnezzar edidem Babylon ɔdɔk edi, ndien Jehoiakim akabare edi owo esie ke isua ita, ndien akabare ɔsɔŋ ibuot ye enye.

2 NDIDEM 23:29

Ke eyo esie Pharaoh-necoh edidem Egypt ɔdɔk aka ke akpa Euphrates, ndiŋwana ekɔŋ ye edidem Assyria ndien edidem Josiah aka ɔkɔbiɔŋɔ enye: ndien Pharaoh owot enye ke Megiddo, ke ini okutde enye.

EXODUS 3:7

Ndien Jehovah ɔdɔhɔ ete, Mmotim ŋkut ukut ikɔt mi emi edude ke Egypt, mmonyuŋ ŋkop eseme mmɔ ebaŋa mme otuk mmɔ; koro mfiɔkde ubiak mmɔ;

ZECHARIAH 9:7

Ndien nyesio enye iyip esie ke inua mfep, nnyuŋ nsio enye ŋkpɔ ndek ke edet mfep; ndien enye kpa enye eyesuhɔ ɔnɔ Abasi nnyin, enye eyenyuŋ ebiet ɔbɔŋ ke Judah, Ekron eyenyuŋ ebiet mme Jebusite.

2 NDIDEM 19:34

Ami nyenyuŋ ŋkpeme obio emi, nnyuŋ nnyaŋa enye mbaŋa idem mi, ye David owo mi.

MME ŊKE 3:25

Kufehe baba ndik eke abuatde buat, kunyuŋ ufehe oyobio mme idiɔk owo, ke ini enye edidide.

ZECHARIAH 12:4

Jehovah ɔdɔhɔ, ete, Ke usen oro nyeda mkpa-idem mmia kpukpru horse, nnyuŋ nda idat mmia mmɔ eke edorode mmɔ: ndien nyetat enyin mi nse ufɔk Judah, nnyuŋ ntibi kpukpru mme horse mme idut enyin.