ZECHARIAH 9:6 - Edisana ñwed Abasi Ibom

⁶ Ndien isen owo eyeduŋ ke Ashdod: nyenyuŋ nsibe ubɔŋ mme Philistine mfep.

ZECHARIAH 9:6 Referans Kwoze

AMOS 1:8

Nyenyuŋ nsibe andiduŋ Ashdod, ye andikama mmɔnyɔ ke Ashkelon mfep, nnyuŋ ndori ubɔk mi ke Ekron: ndien mme Philistine emi esuhɔde eyetak. Ntem ke Ɔbɔŋ Jehovah ɔdɔhɔ.

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

ZEPHANIAH 2:10

Mmɔ eyeda emi ke ibuot iseri mmɔ: koro mmɔ esuŋide, enyuŋ eseride iseri ebaŋa ikɔt Jehovah mme udim.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

ISAIAH 28:1

IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

ISAIAH 23:9

Jehovah mme udim aduak emi, man enye abiat iseri ofuri ubɔŋ, onyuŋ ɔsuhɔre kpukpru mbon ukpono ererimbot.

ECCLESIASTES 6:2

kpa owo eke Abasi ɔnɔde enye ata ediwak inyene eti-eti, ye ubɔŋ, ndien baba ŋkpɔ kiet eke ukpɔŋ esie amade, inanake enye, edi Abasi iyakke enye ekeme ndidia ke esit; koro isen owo edidiade enye: emi edi ikpikpu, onyuŋ edi idiɔk udɔŋɔ.

JEREMIAH 47:1

UYO Jehovah emi okosim Jeremiah prophet abaŋa mme Philistine, ke Pharaoh mika isuanke Gaza.

ZEPHANIAH 2:4

Koro eyedaŋa ekpɔŋ Gaza, Ashkelon eyenyuŋ edi ndon-ndon; ama edi Ashdod, eyebin enye efep ke ufɔt uwemeyo; eyenyuŋ edibere Ekron efep.

ZECHARIAH 9:5

Ashkelon eyekut, onyuŋ efehe ndik; Gaza ŋko eyekut, onyuŋ ɔfuhɔ eti-eti, ye Ekron; koro mbuɔtidem esie enamde enye but; ndien edidem eyetak ke Gaza: owo idinyuŋ iduŋke ke Ashkelon.

ZECHARIAH 9:7

Ndien nyesio enye iyip esie ke inua mfep, nnyuŋ nsio enye ŋkpɔ ndek ke edet mfep; ndien enye kpa enye eyesuhɔ ɔnɔ Abasi nnyin, enye eyenyuŋ ebiet ɔbɔŋ ke Judah, Ekron eyenyuŋ ebiet mme Jebusite.