ZECHARIAH 9:12 - Edisana ñwed Abasi Ibom

¹² Mbufo mbon ŋkpɔkɔbi idori-enyin, efiak edi ke ɔkpɔsɔŋ ebiet: kpa mfin emi ke ndɔhɔ nte ke ndinɔ fi utim ikaba.

ZECHARIAH 9:12 Referans Kwoze

ŊWED JOB 42:10

Ndien Jehovah osio Job ke itie mbuot ekɔŋ afiak edi, ke ini enye anamde mkpe-ubɔk ɔnɔ mme ufan esie: Jehovah onyuŋ ɔtɔŋɔ ntak ɔnɔ Job kpukpru se enye ekenyenede utim ikaba.

ISAIAH 61:7

Ke ibuot but mbufo eyekut ikaba; ndien ke ibuot esuene mmɔ eyedara ke udeme mmɔ: mmɔdo ke isɔŋ mmɔ ke mmɔ edida ikaba enyene: nsinsi idaresit eyenyene mmɔ.

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso:

JEREMIAH 51:10

Jehovah amada edinen ido nnyin ɔwɔrɔ: mbufo edi, nnyin iyebuk utom Jehovah Abasi nnyin ke Zion.

JEREMIAH 31:17

Utit fo onyuŋ enyene idori-enyin: Jehovah ɔdɔhɔ. Ndien nditɔ fo eyefiak edi ke adaŋa mmɔ.

NAHUM 1:7

Jehovah ɔmɔfɔn, edi ɔkpɔsɔŋ ebiet ke usen ukut; enye onyuŋ ɔfiɔk mmɔ eke ebuɔtde idem mmɔ ye enye.

HOSEA 2:15

Ndien nyeda iŋwaŋ-vine esie do nnɔ enye, nnyuŋ nnɔ enye itihere Achor ke inua-otop idori-enyin: ndien enye eyekwɔ do, kpa nte ke mme usen uyen esie, ye ke usen oro enye okotode ke isɔŋ Egypt ɔdɔk.

ISAIAH 40:2

Edɔhɔ ye Jerusalem ufan-ufan, enyuŋ ekwɔrɔ enɔ enye, ete, Ke ekɔŋ esie ɔmɔyɔhɔ, ke emefen idiɔk ido esie: ke enye ɔmɔbɔ Jehovah ke ubɔk utim ikaba abaŋa kpukpru mme idiɔk ido esie.

JOEL 3:16

Ndien Jehovah eyetie ke Zion ofiori, onyuŋ etie ke Jerusalem osioro uyo esie: ndien enyɔŋ ye isɔŋ eyenyek: Jehovah eyenyuŋ edi ubɔhɔ ikɔt esie, edi odudu nditɔ Israel.

EZEKIEL 37:11

Ndien enye ɔdɔhɔ mi, ete, Eyen owo, mme ɔkpɔ emi edi ofuri ufɔk Israel. Sese, mmɔ ke edɔhɔ ete, Mme ɔkpɔ nnyin emesat, idorienyin nnyin omonyuŋ atak: emesibe nnyin efep.

MICAH 4:8

Ndien afo edikoŋ ufɔk otu ufene, obot adiaha Zion, akpa ubɔŋ, kpa itie-edidem adiaha Jerusalem, eyefiak edi edisim fi.

ISAIAH 52:2

Keŋ ntan ke idem fo fep; daha ke enyɔŋ neŋere tie, O Jerusalem: kpɔhɔre ŋkpɔkɔbi itɔŋ fo, O adiaha Zion emi etaŋde efep.

JEREMIAH 31:6

koro usen eyedi eke mbon-ukpeme ke ikpɔ obot Ephraim edikotde, ete, Mbufo edaha ke enyɔŋ, nnyin idɔk ke Zion, ika ɔtɔ Jehovah Abasi nnyin.

ISAIAH 38:18

Koro obio ekpo midikɔmke fi, mkpa midinyuŋ itoroke fi; mmɔ eke esuhɔrede ke obube ididorike enyin mmɔ ke akpanikɔ fo.

ISAIAH 49:9

man afo ɔdɔhɔ mbon ŋkpɔkɔbi, ete, Mbufo ewɔŋɔ; ye mmɔ eke edude ke ekim, ete, Eyarare idem mbufo. Mmɔ eyeta mbiet ke ɔkpɔ-usuŋ, mbiet mmɔ eyenyuŋ odu ke kpukpru iferi obot.

JEREMIAH 50:28

Uyo mmɔ emi efeŋede enyuŋ ebɔhɔde ekpɔŋ isɔŋ Babylon, man ekwɔrɔ usiene Jehovah Abasi nnyin ke Zion, kpa usiene temple esie.

MME HEBREW 6:19

idori-enyin oro ke nnyin inyene nte ukwak ubom ukpɔŋ nnyin, eke midikpuhu nnyin, edi ɔsɔŋɔde omum isɔŋ, onyuŋ ebede oduk ekeyire ke se idude ke esit ukara;

ISAIAH 24:22

Eyenyuŋ etaŋ mmɔ ebon ɔtɔ kiet, nte mbon ŋkpɔkɔbi ke obube, enyuŋ ekɔbi mmɔ ebaha ke ufɔk ukwak, ndien ke ediwak usen ema ebe, eyenɔ mmɔ ufen.

JEREMIAH 14:8

Idorienyin Israel, emi anyaŋade enye ke ini ukut, nsinam afo ebietde esen owo ke isɔŋ, ye nte owo isaŋ eke owukde (tent) ndidaŋ ke okoneyo?

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 17:13

Idori-enyin Israel edi Jehovah, but eyenam kpukpru mmɔ eke ekpɔŋde fi. Eyewet kpukpru mmɔ eke ekabarede ekpɔŋ mi esin ke ntan-isɔŋ koro mmɔ ekpɔŋde Jehovah, idim mmɔŋ uwem.