ZECHARIAH 9:10 - Edisana ñwed Abasi Ibom

¹⁰ Ndien nyesibe chariot mfep ke Ephraim, nsibe horse mfep ke Jerusalem, eyenyuŋ esibe utiga ekɔŋ efep: ndien enye eyetaŋa emem ɔnɔ mme idut, onyuŋ ada ubɔŋ ɔtɔŋɔde ke inyaŋ kiet tutu osim inyaŋ eken, onyuŋ ɔtɔŋɔde ke akpa tutu osim ke mme utit ererimbot.

ZECHARIAH 9:10 Referans Kwoze

HOSEA 2:18

Ndien ke usen oro ke ndidiomi ediomi ye unam-ikɔt, ye inuen enyɔŋ, ye ɔnyɔni isɔŋ, nnɔ mmɔ; nyenyuŋ mbuŋ utiga ye ofut ye ekɔŋ ke isɔŋ mfep, nnyuŋ nyak mmɔ ena ke isɔŋ ke ifure.

HOSEA 1:7

Edi nyetua ufɔk Judah mbɔm, nyenyuŋ nda Jehovah Abasi mmɔ nnyaŋa mmɔ, edi ndidaha utiga, ye ofut, ye ekɔŋ, ye horse, ye mbon horse nnyaŋa mmɔ.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

MICAH 5:4

Ndien enye eyeda edibɔk ke odudu Jehovah, ke ubɔŋ enyiŋ Jehovah Abasi esie; ndien mmɔ eyebigi: koro ke emi ke enye edikpon tutu osim utit ererimbot.

ISAIAH 60:12

Koro eyesobo idut ye obio eke midinamke ŋkpɔ fo; mme idut oro eyenyuŋ ebiara fap.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

2 ŊWED CORINTH 5:20

Ntre ke nnyin idi mme isuŋutom emi edide ke enyiŋ Christ, nte ŋkpɔ eke Abasi adade nnyin ekpe ye mbufo; imekpe mbufo ubɔk ke ibuot Christ, ekabare etie ke emem ye Abasi.

2 ŊWED CORINTH 5:18

Edi kpukpru ŋkpɔ eto Abasi, emi akamade nnyin itie ke emem ye Enye ke Christ, okonyuŋ ɔnɔ nnyin utom, ete nnyin inam owo etie ke emem ye Enye;

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

HAGGAI 2:22

ndien nyeyut ebekpo mme idut ŋkabare nnim; nyenyuŋ nsobo odudu mbɔŋ mme idut; nyenyuŋ nyut chariot ye mmɔ eke edorode ke esit ŋkabare nnim; ndien mme horse ye mmɔ eke edorode mmɔ eyesuhɔre, kpukpru owo ke ofut eyen ete mmɔ.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ŊWED MME PSALM 72:17

Enyiŋ esie eyedu ke nsi nsi; enyiŋ esie eyebigi adaŋa ini nte utin ayamade: eyeda enye ediɔŋ idem mmɔ: kpukpru mme idut eyedɔhɔ ete ɔfɔn ye enye.

ŊWED MME PSALM 72:3

Ikpɔ ye ŋkpri obot eyeŋwum ifure enɔ mbio-obio, ke edinen ido.

DEUTERONOMY 11:24

Kpukpru ebiet eke ikpat ukot mbufo edidigide ke esit, eyenyene mbufo: adaŋa mbufo eyetɔŋɔ ke wilderness, ye ke Lebanon, ye ke akpa, idem akpa Euphrates, tutu akatuak ke inyaŋ ke edem usop-utin.

1 NDIDEM 4:21

Solomon onyuŋ akara kpukpru mme idut, ɔtɔŋɔde ke Akpa ye idut mme Philistine, tutu osim ke adaŋa Egypt: mmɔ etomo utomo; enyuŋ edi ikɔt Solomon ofuri ini uwem esie.

ŊWED MME PSALM 85:8

Nyekop se Abasi Jehovah edidɔhɔde: koro enye eyedɔhɔ emem-emem ye ikɔt esie, ye mbon-ima esie: edi kuyak mmɔ efiak edem ke ndisime.

ISAIAH 2:4

Ndien enye eyekpe ikpe ke otu mme idut, onyuŋ ebiere ikɔ ɔnɔ ediwak obio: ndien mmɔ eyeda ofut mmɔ edom ŋkpɔ ufuŋ isɔŋ, eda eduat mmɔ edom ikwa udiɔŋ vine: idut idimenke ofut itiene idut, mmɔ idinyuŋ ikpepke aba ekɔŋ.

MICAH 4:8

Ndien afo edikoŋ ufɔk otu ufene, obot adiaha Zion, akpa ubɔŋ, kpa itie-edidem adiaha Jerusalem, eyefiak edi edisim fi.

ŊWED MME PSALM 89:26

Enye eyeseme okot mi, ete, Afo edi ete mi ye Abasi mi, ye akwa itiat erinyaŋa mi.

HOSEA 2:20

Nyenyuŋ mbem fi nnim nnɔ idem mi ke akpanikɔ: ndien afo eyefiɔk Jehovah.

MICAH 5:9

Afo eyemenere ubɔk fo aŋwana ye mbon-utɔk fo, ndien eyesibe kpukpru mme asua fo efep.