ZECHARIAH 8:8 - Edisana ñwed Abasi Ibom

⁸ ndien mmɔ eyeduŋ ke ufɔt Jerusalem: ndien mmɔ eyedi ikɔt mi, ami nyenyuŋ ndi Abasi mmɔ ke akpanikɔ ye ke edinen ido.

ZECHARIAH 8:8 Referans Kwoze

EZEKIEL 36:28

Ndien mbufo eyeduŋ ke isɔŋ emi ŋkɔnɔde mme ete mbufo, ndien mbufo eyedi ikɔt mi; ami nyenyuŋ ndi Abasi mbufo.

EZEKIEL 11:20

man mmɔ esaŋa ke mme ewuhɔ mi, enyuŋ enim mbet mi, enyuŋ enam mmɔ: ndien mmɔ eyekabare edi ikɔt mi, ami nyenyuŋ ndi Abasi mmɔ.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

EZEKIEL 37:27

Iduŋ mi eyenyuŋ odu ye mmɔ: ndien ami nyedi Abasi mmɔ, mmɔ eyenyuŋ edi ikɔt mi.

EZEKIEL 37:25

Ndien mmɔ eyeduŋ ke isɔŋ emi ŋkɔnɔde owo mi Jacob, emi mme ete mbufo ekeduŋde ke esit; ndien mmɔ eyeduŋ ke esit, kpa mmɔ ye nditɔ mmɔ ye nditɔ nditɔ mmɔ ke nsinsi:

LEVITICUS 26:12

Nyeyuŋ nsaŋa ke otu mbufo, nnyuŋ ndi Abasi mbufo, mbufo eyenyuŋ edi ikɔt mi.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

JOEL 3:20

Ndien Judah eyetie ke nsinsi, Jerusalem eyenyuŋ etie ke ofuri emana.

JEREMIAH 30:22

Emi edi uyo Jehovah. Ndien mbufo eyedi ikɔt mi, ami nyenyuŋ ndi Abasi mbufo.

ZECHARIAH 10:10

Ndien nyeda mmɔ ke isɔŋ Egypt mfiak ndi, nnyuŋ ntaŋ mmɔ ke Assyria mbon; nnyuŋ nda mmɔ ndi ke isɔŋ Gilead ye Lebanon; ndien idikwe ebiet inɔ mmɔ.

JEREMIAH 32:41

Ndien nyedat esit mbaŋa mmɔ ndifɔn ye mmɔ, nnyuŋ ntɔ mmɔ ke isɔŋ emi ke akpanikɔ, ye ke ofuri esit mi, ye ke ofuri ukpɔŋ mi.

JEREMIAH 31:1

JEHOVAH ɔdɔhɔ, ete, Ke ini oro nyedi Abasi kpukpru ufɔk Israel, ndien mmɔ eyedi ikɔt mi.

JEREMIAH 23:8

edi eyedɔhɔ ete, Ma uwem Jehovah emi okosiode ubon ufɔk Israel efep ke isɔŋ edere, ye ke kpukpru mme idut eke ŋkebinde mmɔ nsin do, ada ɔdɔk; ndien mmɔ eyeduŋ ke isɔŋ mmɔ.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

EZEKIEL 36:33

Ntem ke Ɔbɔŋ Jehovah ɔdɔhɔ, ete, Ke usen eke ndisiode mbufo kpukpru mme idiɔk ido mbufo ke idem mfep nnam esana, nnyenyuŋ nnam mbufo eduŋ ke mme obio oro, ndien eyediɔŋ mme ŋwure.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

HOSEA 11:11

mmɔ eyeto ke isɔŋ Egypt esɔp itɔk nte ntarusuŋ, eyenyuŋ eto ke isɔŋ Assyria nte ibiom; ndien ami nyeyak mmɔ eduŋ ke mme ufɔk mmɔ. Uyo Jehovah edi emi.