Biblia Todo Logo
Bib sou entènèt

- Piblisite -




ZECHARIAH 8:7 - Edisana ñwed Abasi Ibom

7 Ntem ke Jehovah mme udim ɔdɔhɔ, ete, Sese, ami nyenyaŋa ikɔt mi ke idut edem usiaha-utin, ye ke idut usop-utin mfep; nnyuŋ nda mmɔ ndi,

Gade chapit la Kopi




ZECHARIAH 8:7
21 Referans Kwoze  

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.


Sese, ami nyeda mmɔ ke edem edere ndi, nnyuŋ ntaŋ mmɔ ke ŋkaŋ ererimbot mbon, nnan, ye mbuŋɔ, ye oyomo idibi, ye aŋwan uman ɔtɔ kiet: akwa udim eyefiak edi ken.


Sese, mme mmɔ emi eyeto ke anyan idut edi: sese, mmɔ emi ŋko eto ke edem edere, ye ke edem inyaŋ; mme mmɔ emi ŋko enyuŋ eto ke idut Sinim.


Ndien owo eyeto ke edem usop-utin edibak enyiŋ Jehovah, eto ke edem usiaha edibak ubɔŋ esie. Ke ini usua odukde nte akpa mmɔŋ, spirit Jehovah eyemenere banner ke enyɔŋ abaŋa enye.


ABASI ibom, kpa Jehovah, ɔdɔhɔ, onyuŋ okot ererimbot ɔtɔŋɔde ke edem usiaha-utin tutu osim ke edem emi enye osopde.


Ɔfɔn nte eto-rode enyiŋ Jehovah ɔtɔŋɔde ke edem usiaha-utin tutu osim ke edem usop.


Ntem ke Ɔbɔŋ Jehovah ɔdɔhɔ, ete, Ke usen eke ndisiode mbufo kpukpru mme idiɔk ido mbufo ke idem mfep nnam esana, nnyenyuŋ nnam mbufo eduŋ ke mme obio oro, ndien eyediɔŋ mme ŋwure.


Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.


ndien Jehovah Abasi fo eyenam fi oto ke itie ufin fo afiak, onyuŋ atua fi mbɔm, onyuŋ ɔtɔŋɔ ntak ataŋ fi ke kpukpru mme idut eke Jehovah Abasi fo akasuande fi ekesin do.


ndien mbufo ema efiak etiene mi, enyuŋ enim ibet mi, enyuŋ enam mmɔ; mbufo ekpesuana tutu esim ke utit enyɔŋ, ŋkpataŋ mmɔ do mbon, nnyuŋ nda mmɔ ndi ke ebiet emi ŋkemekde man nnim enyiŋ mi do.


Edi Jehovah ɔdiɔŋ Jerusalem: enye ataŋ nditɔ Israel emi ebinde mmɔ efep, obon.


Dɔhɔ, ndien, ete, Ntem ke Ɔbɔŋ Jehovah ɔdɔhɔ, ete, Nditreke nditaŋ mbufo ke otu mme idut, nnyuŋ nsioŋo mbufo ke mme obio emi mbufo esuanade ke otu mmɔ, mbon; nnyuŋ nnɔ mbufo isɔŋ Israel.


Swiv nou:

Piblisite


Piblisite