ZECHARIAH 8:16 - Edisana ñwed Abasi Ibom

¹⁶ Mme mmɔ emi edi ŋkpɔ eke mbufo edinamde: etiŋ akpanikɔ kiet ye kiet; enyuŋ ekpe ikpe akpanikɔ ye emem ke inua-otop mbufo:

ZECHARIAH 8:16 Referans Kwoze

ŊWED MBON EPHESUS 4:25

Mmɔdo eduɔk nsu, mbufo kpukpru enyuŋ etiŋ akpanikɔ enɔ mbɔhiduŋ esie: koro nnyin idide mbak idem kiet eken.

ZECHARIAH 7:9

Ntem ke Jehovah mme udim ɔdɔhɔ, ete, Mbufo ekpe ikpe ke akpanikɔ, yak kiet onyuŋ anam mfɔn ye mbɔm ye eken.

ŊWED MME PSALM 15:2

Owo eke asaŋade nte ɔfɔnde ama, onyuŋ amade edinen ido, onyuŋ ɔdɔhɔde akpanikɔ ke esit esie.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

MME ŊKE 12:19

Inua akpanikɔ eyesɔŋɔ ada ke nsinsi: edi edeme nsu, ke nyip-enyin.

MME ŊKE 12:17

Owo eke ɔdɔhɔde akpanikɔ etiŋ se inende: edi ntiense nsu obuk abiaŋa.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

1 ŊWED THESSALONICA 4:6

Owo baba kiet okubiat ewuhɔ, otuk eyen-ete esie ke ŋkpɔ emi; koro Ɔbɔŋ eyesio usiene ke kpukpru idiɔk-ŋkpɔ emi, nte nnyin ikebemde iso idɔhɔ inyuŋ itim iteme mbufo.

ŊWED MBON EPHESUS 4:17

Mmɔdɔhɔ ndien ntem, nnyuŋ nsɔŋɔ ntiŋ ke Ɔbɔŋ, nte mbufo ekusaŋa aba nte mme Gentile efen esaŋade, ke ikpikpu ekikere mmɔ;

MATTHEW 5:9

Ɔfɔfɔn ɔnɔ mme anam emem: koro eyekot mmɔ nditɔ Abasi.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

AMOS 5:24

Edi yak ikpe ɔfiɔrɔ nte mmɔŋ, ye edinen ido nte nsinsi akpa.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

LEVITICUS 19:11

Mbufo ekuyip inɔ, ekunyuŋ ebiaŋa abiaŋa, kiet okunyuŋ osu nsu ɔnɔ kiet.

JEREMIAH 22:3

ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

EZEKIEL 18:8

eke mibuɔtke ŋkpɔ idia usiene ikaha; minyuŋ ibɔhɔ akwa udori, osio ubɔk esie ke idiɔk ido efep, ekpe ikpe akpanikɔ ke ufɔt owo ye owo:

EZEKIEL 45:9

Ntem ke Ɔbɔŋ Jehovah ɔdɔhɔ ete, Yak ekem ye mbufo, mbɔŋ Israel; mbufo esioŋo ŋkanubɔk ye utuk efep, enyuŋ ekpe edinen ikpe: edorore ikɔt mi nnama mbufo efep: emi edi uyo Ɔbɔŋ Jehovah.

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

ŊWED MME PSALM 34:15

Enyin Jehovah ese mbon eti ido, utɔŋ esie onyuŋ ɔbiɔŋɔ ɔnɔ eseme mmɔ.