ZECHARIAH 8:12 - Edisana ñwed Abasi Ibom

¹² Koro mkpasip eyetɔt; vine eyenɔ mfri esie, isɔŋ eyenyuŋ ɔnɔ mbuŋwum esie, ikpa-enyɔŋ eyenyuŋ ɔnɔ mbara esie; ndien nyenam mbio emi esuhɔde eda kpukpru ŋkpɔ emi enyene.

ZECHARIAH 8:12 Referans Kwoze

DEUTERONOMY 33:13

Ndien enye ɔdɔhɔ abaŋa Joseph, ete, Isɔŋ esie edi se Jehovah ɔdiɔŋde, ke ata nti ŋkpɔ enyɔŋ, ke mbara, ye ke ntuŋɔ mmɔŋ emi anade ke idak,

GENESIS 27:28

Jehovah ɔdiɔŋde: Abasi eyenyuŋ ɔnɔ mbara eke otode ke enyɔŋ, ye isek isɔŋ, ye ekese ibokpot ye

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

ZECHARIAH 8:6

Ntem ke Jehovah mme udim ɔdɔhɔ, ete, Koro eyedi utibe ŋkpɔ ke enyin mbio emi esuhɔde ke ini oro: nte eyenyuŋ edi utibe ŋkpɔ ke enyin mi? Jehovah mme udim ɔdɔhɔ.

HAGGAI 2:19

Nte mkpasip odu kaŋa ke ebiet unim udia? Vine ŋko, ye eto fig, ye pomegranate, ye eto olive ika-iŋwumke kaŋa. Toto ke mfin emi nyediɔŋ mbufo.

HAGGAI 1:10

Mmɔdo edi mbufo esin ikpa-enyɔŋ etre mara, esin isɔŋ etre mbuŋwum esie.

JOEL 2:22

O mme unam ikɔt, mbufo ekufehe, koro mbiet wilderness afiaride: koro eto osioŋo mfri esie, eto fig ye vine enɔ odudu mmɔ.

JAMES 3:18

Ndien etɔ mfri edinen ido ke emem enɔ mme anam emem.

1 ŊWED CORINTH 3:21

Ntre ke owo okubure mbure ke owo; koro kpukpru ŋkpɔ enyenede mbufo;

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

EZEKIEL 36:30

Nyenyuŋ nnam mfri eto ye mbuŋwum isɔŋ ewak: man mbufo ekukut aba but akaŋ ke otu mme idut.

ISAIAH 61:7

Ke ibuot but mbufo eyekut ikaba; ndien ke ibuot esuene mmɔ eyedara ke udeme mmɔ: mmɔdo ke isɔŋ mmɔ ke mmɔ edida ikaba enyene: nsinsi idaresit eyenyene mmɔ.

ISAIAH 30:23

Ndien enye eyeda edim ɔnɔ mkpasip fo emi afo adade ɔtɔ ke iŋwaŋ; ye udia eke iŋwaŋ oŋwumde, enye eyenyuŋ esehe onyuŋ awak. Ufene fo eyedia udia ke akwa ebiet mbiet ke usen oro:

GENESIS 26:12

Ekem Isaac awari mkpasip ke isɔŋ oro, ndien ke isua oro enye okut ikikie; Jehovah onyuŋ ɔdiɔŋ enye.

EZEKIEL 36:12

Nyenyuŋ nnam owo, kpa ikɔt mi Israel, esaŋa mbufo ke enyɔŋ; ndien mmɔ eyenyene fi, afo eye-nyuŋ edi udeme mmɔ, ndien afo uduyakke aba mmɔ enana owo.

MME ŊKE 19:12

Ikpahesit ɔbɔŋ ebiet ŋkuni lion: edi ufɔn esie ebiet mbara ke mbiet.

ŊWED MME PSALM 72:3

Ikpɔ ye ŋkpri obot eyeŋwum ifure enɔ mbio-obio, ke edinen ido.

DEUTERONOMY 33:28

Ndien Israel oduŋ ke ifure ikpɔŋ ke idem esie, idim Jacob oduŋ ke isɔŋ ibokpot ye wine; enyɔŋ esie onyuŋ ɔtɔi mbara.

DEUTERONOMY 32:2

Item mi eyedep nte edim, uyo mi eyetɔi nte mbara, nte asak-asak edim ke mbiet, ye nte ɔkpɔsɔŋ edim ke ikɔŋ.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

LEVITICUS 26:3

Edieke mbufo edisaŋade ke mme ewuhɔ mi, edinyuŋ enimde mbet mi, enyuŋ enam mmɔ:

ŊWED MME PSALM 85:12

Jehovah eyenyuŋ ɔnɔ se ifɔnde; ndien isɔŋ nnyin eyenɔ mbuŋwum esie.

HOSEA 13:3

Mmɔdo mmɔ ebietde ntuhube usenubɔk, ye mbara emi abakde adaha, ebiet mbio ibokpot eke asuanade ke ɔtɔ ubek-ibokpot efep, enyuŋ ebiet nsuŋikaŋ eke otode ke window ɔwɔrɔ.

HAGGAI 2:18

Mbufo etim ekere, ndien, mbɔk etɔŋɔde ke mfin emi, ese ini iso, ɔtɔŋɔde ke ɔyɔhɔ usen edip ye inaŋ ke ɔyɔhɔ ɔfiɔŋ usukkiet, toto ke usen eke etɔŋɔde ndibɔp temple Jehovah, mbufo etim ekere.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

EZEKIEL 34:28

Ndien mmɔ ididige aba se mme idut ebumede, mme unam ikɔt idinyuŋ itaha aba mmɔ; ndien mmɔ eyeduŋ ke ifure, baba ŋkpɔ kiet idinyuŋ inamke mmɔ ndik.

EZEKIEL 36:9

Koro, sese, ami mmɔŋ ntiene mbufo, nnyuŋ ŋkabare nse mbufo, ndien eyefuŋ mbufo,

JOEL 2:19

Ndien Jehovah eyebɔrɔ, onyuŋ ɔdɔhɔ ikɔt esie, ete, Sese, ami nyeda ibokpot nnɔ esɔk mbufo, ye obufa wine, ye aran, ndien mbufo eyeyuhɔ ke esit: ndinyuŋ nnimke aba mbufo ke ŋkpɔ but ke otu mme idut.

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

MALACHI 3:11

Ndien nyeduat andita nnɔ mbufo, ndien enye idibiatke aba mbuŋwum iŋwaŋ mbufo: vine ke iŋwaŋ idinyuŋ iforoke ayara inɔ mbufo, Jehovah mme udim ɔdɔhɔ.