ZECHARIAH 7:7 - Edisana ñwed Abasi Ibom

⁷ Nte mme mmɔ emi idige ikɔ oro Jehovah ɔkɔkwɔrɔde ke ubɔk mme akpa prophet, ke ini eduŋde Jerusalem kaŋa, enye onyuŋ odude ke ifure, ye mme obio esie emi ekande enye ekuk, enyuŋ eduŋ edem usuk ye unaisɔŋ mben inyaŋ?

ZECHARIAH 7:7 Referans Kwoze

JEREMIAH 17:26

Ndien mmɔ eyeto ke mme obio Judah, ye ke edem emi akande Jerusalem okuk, ye ke isɔŋ Benjamin, ye ke una-isɔŋ edem inyaŋ, ye ke obot iŋwaŋ, ye ke edem usuk-usuk, eda edifɔp uwa ye uwa emem, ye inuak-udia, ye frankincense, edi, eyenyuŋ eda uwa ekɔm edi ke ufɔk Jehovah.

JEREMIAH 32:44

Eyedep iŋwaŋ ke okuk, enyuŋ ewet ŋwed, enyuŋ ebɔp esin idiɔŋɔ, enyuŋ ekot ntiense, ke isɔŋ Benjamin, ye ke edem emi akande Jerusalem okuk, ye ke mme obio Judah, ye ke mme obio obot, ye ke mme obio una-isɔŋ edem inyaŋ, ye ke mme obio edem usuk: koro nyeda mmɔ ke itie mbuot-ekɔŋ mfiak ndi: emi edi uyo Jehovah.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

JEREMIAH 7:5

Edi mbufo ema etim ekabare usuŋ mbufo ye ido mbufo enam ɔfɔn: ema etim enam se inende ke ufɔt owo ye mbɔhiduŋ esie;

JEREMIAH 33:13

Ke mme obio obot, ye ke mme obio una-isɔŋ edem inyaŋ, ye ke mme obio edem usuk-usuk, ye ke isɔŋ Benjamin, ye ke edem emi akande Jerusalem okuk, ye ke mme obio Judah, ke ufene editɔŋɔ ntak esaŋa ebe ke idak ubɔk enye emi abatde mmɔ. Ke edi Jehovah ɔdɔhɔ ntem.

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

DEUTERONOMY 34:3

tutu osim ke inyaŋ edem usop-utin, ye edem usuk, ye edem itihere Jericho, obio eyop, tutu osim ke Zoar.

JEREMIAH 13:19

Mme obio ke edem usuk emesire, baba owo kiet inyuŋ ikpɔhɔkede: emetaŋ ofuri Judah efep, etaŋ mmɔ efep ema.

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

ZECHARIAH 7:6

Ndien ŋko ke ini mbufo ediade enyuŋ eŋwɔŋde, nte idige mbufo edia, nte idige mbufo ŋko enyuŋ eŋwɔŋ?

ZECHARIAH 7:8

Ndien uyo Jehovah osim Zechariah, ete,

ZECHARIAH 7:12

Mmɔ enyuŋ enim esit mmɔ nte itiat adamant, man ekukop mbet ye ikɔ oro Jehovah akadade spirit esie ɔnɔ ke ubɔk mme akpa prophet: ndien akwa iyaresit oto Jehovah mme udim.